Gujarati News

Gujarati News

News of Tuesday, 22nd October 2019

સસ્પેન્ડેડ ગૌરવ દહિયાનું સસ્પેન્શન વધુ લંબાવાયું

અમદાવાદ, તા.૨૨ : દિલ્હીની મહિલા સાથે કથિત પ્રેમ પ્રકરણ અને લગ્નેત્તર સંબંધના વિવાદમાં સસ્પેન્ડેડ આઇએએસ અધિકારી ગૌરવ દહિયાનું સસ્પેન્શન વધુ ત્રણ મહિના લંબાવવામાં આવ્યું છે. જેના કારણે દહિયાની મુશ્કેલી વધી છે. દિલ્હીની મહિલા સાથેના લગ્નેતર સંબંધોના આક્ષેપોને લઈને રચાયેલી તપાસ સમિતિના અહેવાલની ભલામણના આધારે રાજ્ય સરકારે ૨૦૧૦ની બેચના આઈએએસ અધિકારી ગૌરવ દહિયાને સસ્પેન્ડ કર્યા હતા. તેમનું સસ્પેન્શન ત્રણ મહિના લંબાવવા માટે નિર્ણય કરવામાં આવ્યો છે. રિવ્યુ કમિટીએ વધુ ત્રણ મહિના સસ્પેન્શન લંબાવવા નિર્ણય કર્યો છે. પૈસાની લેતીદેતીથી માંડીને ખાતાકીય તપાસમાં કોઈ અંતરાય ના રહે તે હેતુસર દહિયાનું સસ્પેન્શન વધુ ત્રણ મહિના લંબાવવામાં આવ્યું હોવાનું મનાઇ રહ્યું છે. ઉલ્લેખનીય છે કે, ચકચારભર્યા આ પ્રકરણમાં રાજ્ય સરકારની તપાસ સમિતિએ કરેલી ભલામણોની સમીક્ષા હાથ ધર્યા બાદ દહિયાને સસ્પેન્ડ કરવાનો નિર્ણય લેવાયો હતો. મુખ્ય સચિવ અને મુખ્ય સચિવ જે.એન. સિંઘ અને સામાન્ય વહીવટી વિભાગના અધિક મુખ્ય સચિવ સંગીતા સિંહ સાથે મુખ્યમંત્રીએ લગભગ આ મુદ્દે એક કલાક સુધી ચર્ચા કર્યા બાદ આ નિર્ણય જાહેર કર્યો હતો.

(8:52 pm IST)
  • મુંબઇમાં આજે રાત્રે અને કાલે સવારે ભારે વર્ષાની શકયતા : મુંબઇમાં ખુશનુમાં હવામાન અને વાદળછાયા આકાશ સાથે વરસાદ પડશે. આજે રાત્રે અને વ્હેલી સવારે મુંબઇમાં ભારે વરસાદ અને તોફાની પવન ફુંકાવાની પણ શકયતા છે. મુંબઇ-૨ત્નાગીરી બેલ્ટમાં મોડી રાત્રે - વ્હેલી સવારે અને કાલે સવારે ભારે વરસાદી વાદળાઓ છવાશે અને તોફાની વરસાદની સંભાવના છે.દરમિયાન મુંબઇમાં ૧ાા થી ૨ ઇંચ વરસાદ પડી ગયો છે. પશ્ચિમના પરાઓમાં મધ્યમ અને પૂર્વીય પરાઓમાં હળવો વરસાદી દોર રહયો છે. રાઇગઢ-થાણે-નવી મુંબઇમાં પણ વરસાદી વાવડ છે. access_time 12:55 pm IST

  • દિલ્હી : આર્મીના ડ્રેસમાં પાંચ આતંકવાદીઓ ઘુસી ગયા છે: દિલ્હી-એનસીઆરમાં એલર્ટની જાહેરાત કરી દેવાઇ : ગુપ્તચર સંસ્થાઓએ આતંકવાદીઓની વાતો ટેપ કરી લીધી છે : દિલ્હી, યુપી, હરિયાણા અને પંજાબમાં ખતરો અકબંધ access_time 4:03 pm IST

  • કેનેડામાં જસ્ટિન ટ્રૂડોની સરકારને બહુમતી મેળવવા હવે માત્ર 15 બેઠકનું છેટું : ટ્રૂડોની લિબરલ પાર્ટી 338 માંથી 155 બેઠક ઉપર અને વિરોધી કન્ઝર્વેટિવ પાર્ટી 122 બેઠક ઉપર આગળ : ભારતીય મૂળના શીખ આગેવાન જગમિત સિંઘની પાર્ટી ચોથા ક્રમે access_time 12:55 pm IST