Gujarati News

Gujarati News

News of Tuesday, 22nd October 2019

કારચાલકે ટક્કર મારી સ્કુટી અને બાઈક ચાલક ફંગોળ્યા

એસજી હાઇવે પર ચકચારી બનાવ બન્યો : અકસ્માતના પગલે રોડ પર લોકોના ટોળેટોળા ઉમટયા

અમદાવાદ, તા.૨૨ : સરખેજ-ગાંધીનગર હાઇવે પર ચીમનભાઈ પટેલ ઇન્સ્ટીટ્યુટ પાસે મોડી રાતે બેકાબુ બનેલા કારચાલકે એક સ્ફુટી અને બાઈકચાલકને ટક્કર મારી હતી. બહુ ગંભીર અકસ્માતમાં ત્રણ લોકોને ઇજા થતાં સારવાર માટે તેઓને હોસ્પિટલમાં ખસેડવામાં આવ્યા હતા. અકસ્માતના પગલે રોડ પર લોકોના ટોળા એકઠા થઇ ગયા હતાં. અકસ્માત એટલો જોરદાર હતો કે બાઇકના ટુકડા થઈ ગયા હતા. જ્યારે કારનો પણ કાચ અને ડ્રાઇવર સાઈડનો ભાગ તૂટી ગયો હતો. એસજી ૨ ટ્રાફિક પોલીસે અકસ્માત અંગે જરૃરી ગુનો નોંધી વધુ તપાસ શરૃ કરી હતી. આ અંગે પ્રાપ્ત માહિતી મુજબ, એસજી હાઇવે પર ચીમનભાઇ પટેલ ઇન્સ્ટીટયુટ પાસે બલેનો કારના ચાલકે પોતાનું વાહન પૂરપાટઝડપે અને ગફલતભરી રીતે હંકારી એક સ્કુટ અને બાઇકચાલકને અડફેટે લીધા હતા અને તેમને જોરદાર ટક્કર મારી હતી, જેના કારણે સ્કુટીસવાર અને બાઇકચાલક ફંગોળાઇને જમીન પર પટકાયા હતા. આ ગંભીર અક્સ્માતમાં ત્રણ જણાંને ઇજા પહોંચી હતી. અકસ્માતને પગલે લોકોના ટોળેટોળા ઘટનાસ્થળે એકત્ર થઇ ગયા હતા અને થોડીવાર માટે ટ્રાફિક પણ ચક્કાજામ થઇ ગયો હતો. બનાવની જાણ થતાં એસજી ૨ ટ્રાફિક પોલીસ તાત્કાલિક ત્યાં દોડી આવી હતી અને સમગ્ર મામલે જરૃરી ગુનો નોંધી વધુ તપાસ હાથ ધરી હતી.

(8:49 pm IST)
  • " હેપ્પી બર્થ ડે અમિતભાઇ " : ભારતના હોમ મિનિસ્ટર શ્રી અમિત શાહનો આજે જન્મ દિવસ : વડાપ્રધાન શ્રી નરેન્દ્ર મોદી તેમજ આમ નાગરિક સહીત તમામનો શુભેચ્છા ધોધ : દેશના શક્તિશાળી નેતાઓની હરોળમાં સ્થાન ધરાવતા ગુજરાતી નેતાએ 56 માં વર્ષમાં પ્રવેશ કર્યો access_time 11:32 am IST

  • દિલ્હી : આર્મીના ડ્રેસમાં પાંચ આતંકવાદીઓ ઘુસી ગયા છે: દિલ્હી-એનસીઆરમાં એલર્ટની જાહેરાત કરી દેવાઇ : ગુપ્તચર સંસ્થાઓએ આતંકવાદીઓની વાતો ટેપ કરી લીધી છે : દિલ્હી, યુપી, હરિયાણા અને પંજાબમાં ખતરો અકબંધ access_time 4:03 pm IST

  • કઠુઆ ગેંગરેપ : કોર્ટે SIT વિરુદ્ધ એફઆઈઆર દાખલ કરવા આપ્યો આદેશ : ગત વર્ષના જમ્મુ કાશ્મીરમાં આઠ વર્ષીય બાળકી સાથે ગેંગરેપ અને હત્યા મામલામાં નવો વળાંક : જમ્મુ કાશ્મીરની એક અદાલતે આ મામલાની તપાસ કરતી જમ્મુ કાશ્મીર પોલીસની એસઆઈટી ટીમના છ સભ્યો વિરુદ્ધ એફઆઈઆર દાખલ કરવા આદેશ આપ્યો access_time 1:06 am IST