Gujarati News

Gujarati News

News of Tuesday, 22nd October 2019

મોડાસા રૂરલ પોલીસે બાતમીના આધારે વાહન ચેકીંગ હાથ ધરી ગ્વાલિયરના બે શખ્સોને બે પિસ્તોલ અને 6 કારતુસ સાથે રાજેન્દ્રનગર ચોકડીએથી ઝડપ્યા

મોડાસા: રૃરલ પોલીસ સ્ટેશનના પોલીસ કર્મી. દ્વારા ગત રવિવારના રોજ નેશનલ હાઈવે માર્ગની રાજેન્દ્રનગર ચોકડી ઉપર વાહન ચેકીંગ હાથ ધરાયું હતું. ચેકીંગ દરમ્યાન પોલીસ કોન્સ્ટેબલ જયરાજસિંહ લાલસિંહ ને ચોક્કસ સૂત્રોના આધારે બે ઈસમો હથીયાર લઈ માર્ગે પસાર થવાના હોવાની બાતમી મળી હતી.બાતમીની ગંભીરતા લઈ રૃરલ પોસઈ કે.એમ.વાઘેલા ને જાણ કરાતાં અધિકારી પોલીસ ટીમ લઈ રાજેન્દ્રનગર ચોકડી આવી પહોંચ્યા હતા.દરમ્યાન માર્ગ ઉપર થી બાતમી મુજબ પસાર થતી બજાજ પલ્સર એનએસ.૨૦૦ મોટર સાઈકલ નં.એમ.પી.૦૭-એનડી-૮૪૦૯ ને અટકાવી ચેકીંગ હાથ ધરાયું હતું.પોલીસના કડક ચેકીંગ દરમ્યાન બાઈક ઉપર બિરેનસીંગ દેવલાલ સુખવાસી અને રવીકુમાર ૫ીરભુકુમાર જાટવ (લહેરી)બંને રહેવાસી ગ્વાલીયર(મધ્યપ્રદેશ) ના પાસેથી દેશી બનાવટ ની બે પિસ્તોલ સાથે જીવતા કારતૂસ મળી આવતાં પોલીસ ચોંકી ઉઠી હતી. બંને શકમંદ આરોપીઓ ને રૃરલ પોલીસે દબોચી લઈ હવાલાતે કરી દીધા હતા.જયારે ગ્વાલીયર થી હથીયારો સાથે અમદાવાદ જઈ રહેલ બંને આરોપીઓ નો ઈરાદા જાણવા અને કયા મોટા ગુનાને અંજામ આપવા આરોપીઓ ગેરકાયદેસર રીતે હથીયારો લઈ રાજયમાં ઘુસ્યા હતા.તેવી વિગતો મેળવવા આરોપીઓને કોર્ટમાં રજુ કરી પોલીસ દ્વારા રીમાન્ડ મેળવવા તજવીજ હાથ ધરાઈ હતી.નામદાર કોર્ટે આરોપીઓના દિવસના રીમાન્ડ મંજૂર કરાતાં પોલીસે કબ્જો મેળવી સઘન પુછપરછ હાથ ધરી હતી

(5:52 pm IST)
  • મુંબઇમાં આજે રાત્રે અને કાલે સવારે ભારે વર્ષાની શકયતા : મુંબઇમાં ખુશનુમાં હવામાન અને વાદળછાયા આકાશ સાથે વરસાદ પડશે. આજે રાત્રે અને વ્હેલી સવારે મુંબઇમાં ભારે વરસાદ અને તોફાની પવન ફુંકાવાની પણ શકયતા છે. મુંબઇ-૨ત્નાગીરી બેલ્ટમાં મોડી રાત્રે - વ્હેલી સવારે અને કાલે સવારે ભારે વરસાદી વાદળાઓ છવાશે અને તોફાની વરસાદની સંભાવના છે.દરમિયાન મુંબઇમાં ૧ાા થી ૨ ઇંચ વરસાદ પડી ગયો છે. પશ્ચિમના પરાઓમાં મધ્યમ અને પૂર્વીય પરાઓમાં હળવો વરસાદી દોર રહયો છે. રાઇગઢ-થાણે-નવી મુંબઇમાં પણ વરસાદી વાવડ છે. access_time 12:55 pm IST

  • કેનેડામાં જસ્ટિન ટ્રૂડોની સરકારને બહુમતી મેળવવા હવે માત્ર 15 બેઠકનું છેટું : ટ્રૂડોની લિબરલ પાર્ટી 338 માંથી 155 બેઠક ઉપર અને વિરોધી કન્ઝર્વેટિવ પાર્ટી 122 બેઠક ઉપર આગળ : ભારતીય મૂળના શીખ આગેવાન જગમિત સિંઘની પાર્ટી ચોથા ક્રમે access_time 12:55 pm IST

  • જૂનાગઢ મહાનગરપાલિકાની વોર્ડ ન, 3 ની પેટા ચૂંટણીમાં 38,42 ટકા મતદાન થયું : દિવાળી તહેવારોને કારણે મતદારોમાં નીરસતા : access_time 3:35 pm IST