Gujarati News

સુરત: શહેરમાં ચોક બજાર પોલીસે રૂ. 27.05 લાખના સોના સાથે ભરૂચના જંબુસરના બે યુવાનોને વાહન ચેકિંગ દરમિયાન ઝડપી લીધા હતા. બંને યુવાનો દુબઈથી પાવડર સ્વરૂપે આવેલા સોનાના જથ્થાને અમદાવાદ એરપોર્ટથી લઇ સુરત કોઈકને આપવા જતા હતા ત્યારે જ ઝડપાઈ ગયા હતા.

પોલીસ સુત્રો દ્વારા પ્રાપ્ત થતી વિગતો મુજબ ચોક બજાર પોલીસે ગત બપોરે વાહન ચેકિંગ દરમિયાન મોટરસાયકલ ઉપર જતા ભરૂચના જંબુસરના ભડકોરા ગામના વતની અને હાલ સુરતમાં રાંદેર અને અડાજણ વિસ્તારમાં રહેતા સલમાન ઈબ્રાહીમ પટેલ ( ઉ.વ.33) અને સોયેબ ઝકરીયા પટેલ ( ઉ.વ.31) ને રૂ.27,05,750ની કિંમતના સોનાના 687 ગ્રામ જથ્થા સાથે ઝડપી લીધા હતા.