Gujarati News

Gujarati News

News of Tuesday, 22nd October 2019

ડીસાના બોડાલ ગામે અજગરને ક્રૂરતાપૂર્વક જીવતો સળગાવનાર બોડાલના ચારેય આરોપી ઝડપાયા

બોડાલ ગામની સીમમાં છૂપાયાંની બાતમી મળતા પોલીસે દબોચી લીધા

ડીસા : ડીસા તાલુકાના બોડાલ ગામે અજગરને જીવતો આગમાં હોમી ક્રુરતા પૂર્વક મારી નાખવાની ઘટનાને લઈ સમગ્ર પંથક માં ચકચાર મચી હતી આ કૃત્ય આચરી આ શખશો ફરાર થયા હતા જેને ઝડપી પાડવા ફોરેસ્ટ વિભાગ દ્વારા પોલીસની મદદ લેવાઈ હતી ચારેય હત્યારા બોડાલ ગામની સિમમાં છુપાયેલા હોવાની બાતમી પોલીસને મળતા પોલીસ દ્વારા છાપો મારવામાં આવતા રંગેહાથ ઝડપાઇ ગયા હતા.

   આ અંગેની વિગત મુજબ બોડાલ ગામે મધરાત્રે જીવતા અજગરને આગમાં હોમી મોત નિપજાવી તેનો વિકૃત આનંદ લેતા વિડિઓ સોસીયલ મીડિયામાં વાઇરલ થતા જતા ફોરેસ્ટ વિભાગ પણ ચોકી ગયું હતું અને આ આરોપીને પકડવા તપાસ હાથ ધરી ભીલડી પોલીસની પણ મદદ લીધી અને તપાસ દરમિયાન આ કાંડ કરનાર તમામ આરોપીઓ શોધી કાઢવા ઉપરાંત મૃત અજગરને શોધવા વનવિભાગના ૨૫ કર્મચારીઓમાં ૩ ઇર્હ્લં, ૧૨ ફોરેસ્ટર અને ૧૦ બીટ ગાર્ડ સહિતનો કાફલો ગામમાં ઉતારવામાં આવ્યો છે.તેમ છતાં સફળતા ન મળતા આખરફોરેસ્ટ વિભાગ દ્વારા ભીલડી પોલીસની મદદ લેવામાં આવી હતી.પોલીસની બે ટિમો બનાવી હતી અને માહિતી મળી હતી કે આ આરોપીઓ બોડાલ ગામની સીમમાં છુપાયા હોવાની હકીકત આધારે સોમવારે પોલીસે છાપો મારતા બોડાલ ગામના ઠાકોર શ્રવનજી ખેમાજી,ઠાકોર પ્રભાતજી શંભુજી, ઠાકોર પુનાજી હાલુંજી,ઠાકોર હકાજી ચચાજી પોલીસના હાથે ઝડપાઇ ગયા હતા.

(1:29 pm IST)
  • કેનેડામાં જસ્ટિન ટ્રૂડોની સરકારને બહુમતી મેળવવા હવે માત્ર 15 બેઠકનું છેટું : ટ્રૂડોની લિબરલ પાર્ટી 338 માંથી 155 બેઠક ઉપર અને વિરોધી કન્ઝર્વેટિવ પાર્ટી 122 બેઠક ઉપર આગળ : ભારતીય મૂળના શીખ આગેવાન જગમિત સિંઘની પાર્ટી ચોથા ક્રમે access_time 12:55 pm IST

  • કઠુઆ ગેંગરેપ : કોર્ટે SIT વિરુદ્ધ એફઆઈઆર દાખલ કરવા આપ્યો આદેશ : ગત વર્ષના જમ્મુ કાશ્મીરમાં આઠ વર્ષીય બાળકી સાથે ગેંગરેપ અને હત્યા મામલામાં નવો વળાંક : જમ્મુ કાશ્મીરની એક અદાલતે આ મામલાની તપાસ કરતી જમ્મુ કાશ્મીર પોલીસની એસઆઈટી ટીમના છ સભ્યો વિરુદ્ધ એફઆઈઆર દાખલ કરવા આદેશ આપ્યો access_time 1:06 am IST

  • મુંબઇમાં આજે રાત્રે અને કાલે સવારે ભારે વર્ષાની શકયતા : મુંબઇમાં ખુશનુમાં હવામાન અને વાદળછાયા આકાશ સાથે વરસાદ પડશે. આજે રાત્રે અને વ્હેલી સવારે મુંબઇમાં ભારે વરસાદ અને તોફાની પવન ફુંકાવાની પણ શકયતા છે. મુંબઇ-૨ત્નાગીરી બેલ્ટમાં મોડી રાત્રે - વ્હેલી સવારે અને કાલે સવારે ભારે વરસાદી વાદળાઓ છવાશે અને તોફાની વરસાદની સંભાવના છે.દરમિયાન મુંબઇમાં ૧ાા થી ૨ ઇંચ વરસાદ પડી ગયો છે. પશ્ચિમના પરાઓમાં મધ્યમ અને પૂર્વીય પરાઓમાં હળવો વરસાદી દોર રહયો છે. રાઇગઢ-થાણે-નવી મુંબઇમાં પણ વરસાદી વાવડ છે. access_time 12:55 pm IST