Gujarati News

Gujarati News

News of Tuesday, 22nd October 2019

એક જ વર્ષમાં 170 હાર્ટ સર્જરી કરવા બદલ વાપીના ડૉ. કલ્પેશ મલિકને આઈકોનીક યર એવોર્ડ એનાયત

 

વાપી: શહેરમાં હરિયા એલ. જી. રોટરી હોસ્પિટલના ડૉ.કલ્પેશ મલિકે 1 વર્ષમાં 170 સફળ હાર્ટ સર્જરી કરી છે. જે બદલ તેમને આઇકોનીક યર એવોર્ડ પ્રાપ્ત થયો છે.

વાપી અને દક્ષિણ ગુજરાતમાં જાણીતી હરીયા એલ.જી. હોસ્પિટલમાં કાર્ડિયોવાસ્ક્યુલર અને થોરાસીસ સર્જન ડૉક્ટર કલ્પેશ મલિકને 'ઇન્ડિયન આઈકોન ઓફ યર 2019 એવોર્ડ' સમારંભમાં 'કાર્ડિયોવાસ્ક્યુલર સર્જન ઓફ ધિ યર 2019'ના એવોર્ડથી સન્માનિત કરવામાં આવ્યા છે. ડૉ. કલ્પેશ મલિક કાર્ડિયાક સર્જરી ક્ષેત્રે 22 વર્ષથી વધારેનો અનુભવ ધરાવે છે. જેમાં તેમણે 8,700 થી વધારે ઓપન હાર્ટ સર્જરી કરેલી છે.

2018 માં મે મહિનામાં હરિયા એલ.જી.હોસ્પિટલમાં જોડાયા બાદ ડૉ કલ્પેશ મલિકે 170 થી વધુ કાર્ડિયો વાસ્ક્યુલર સફળ સર્જરી કરી છે. જેમાં 40 ટકાથી વધારે બાળકોની સર્જરીઓ છે. તેમણે હરિયા હોસ્પિટલમાં ઘણા પ્રકારની વાસ્ક્યુલર સર્જરીઓ પણ કરી છે. જેમાંથી અમુક સર્જરીઓ ભારતની ટોચની હોસ્પિટલોમાં પણ થઈ શકતી નથી. ગુજરાતી સર્વપ્રથમ સજાગ બાયપાસ સર્જરી પણ ડૉક્ટર કલ્પેશ દ્વારા કરવામાં આવી છે. જે ભારતભરમાં પણ ફક્ત બે વાર થઈ છે.

(1:03 am IST)
  • યોગ્ય વસ્ત્ર પરિધાન કરીને આવો : જીન્સ અને સ્લીવલેસ ટોપ પહેરી ડ્રાઈવિંગ ટેસ્ટ આપવા ગયેલી યુવતીને ચેન્નાઈના RTO ઓફિસરે પાછી મોકલી : સલવાર અને કમીઝ પહેરીને આવ્યા પછી જ ડ્રાઇવિંગ ટેસ્ટ લીધો : કાયદામાં ડ્રાઇવિંગ ટેસ્ટ માટે કોઈ ડ્રેસ કોડ નક્કી કરાયો ન હોવાનું મોટર એક્સીડંટ કેસ એડ્વોકેટનું મંતવ્ય access_time 12:41 pm IST

  • " હેપ્પી બર્થ ડે અમિતભાઇ " : ભારતના હોમ મિનિસ્ટર શ્રી અમિત શાહનો આજે જન્મ દિવસ : વડાપ્રધાન શ્રી નરેન્દ્ર મોદી તેમજ આમ નાગરિક સહીત તમામનો શુભેચ્છા ધોધ : દેશના શક્તિશાળી નેતાઓની હરોળમાં સ્થાન ધરાવતા ગુજરાતી નેતાએ 56 માં વર્ષમાં પ્રવેશ કર્યો access_time 11:32 am IST

  • મુંબઇમાં આજે રાત્રે અને કાલે સવારે ભારે વર્ષાની શકયતા : મુંબઇમાં ખુશનુમાં હવામાન અને વાદળછાયા આકાશ સાથે વરસાદ પડશે. આજે રાત્રે અને વ્હેલી સવારે મુંબઇમાં ભારે વરસાદ અને તોફાની પવન ફુંકાવાની પણ શકયતા છે. મુંબઇ-૨ત્નાગીરી બેલ્ટમાં મોડી રાત્રે - વ્હેલી સવારે અને કાલે સવારે ભારે વરસાદી વાદળાઓ છવાશે અને તોફાની વરસાદની સંભાવના છે.દરમિયાન મુંબઇમાં ૧ાા થી ૨ ઇંચ વરસાદ પડી ગયો છે. પશ્ચિમના પરાઓમાં મધ્યમ અને પૂર્વીય પરાઓમાં હળવો વરસાદી દોર રહયો છે. રાઇગઢ-થાણે-નવી મુંબઇમાં પણ વરસાદી વાવડ છે. access_time 12:55 pm IST