Gujarati News

Gujarati News

News of Tuesday, 22nd October 2019

અંકલેશ્વરના કાપોદ્રા પાટિયા નજીક ટ્રક અને બાઇક વચ્ચે અકસ્માત: બાઈકચાલકનું ઘટના સ્થળે મોત

ભરૂચ જિલ્લાના અંકલેશ્વર શહેરના કાપોદ્રા પાટિયા નજીક બાઈક અને ટ્રક વચ્ચે અકસ્માત સર્જાતા બાઈક ચાલકનું ઘટના સ્થળે જ મોત નીપજ્યું હતું.

મળતી માહિતી અનુસાર, ડેડીયાપાડાના સામરપાડા ગામમાં રહેતા સુનિલ વસાવા પોતાની બાઇક નં. GJ 16 CC 8561 લઈ અંકલેશ્વરના કાપોદ્રા પાટિયા નજીકથી પસાર થઈ રહ્યા હતા, તે દરમ્યાન સામેથી પૂર ઝડપે આવતા કન્ટેનર ટ્રક નં. GJ 03 BW 7551 ના ચાલકે ગફલતભરી રીતે હંકારતા બાઈક ચાલકને અડફેટમાં લીધો હતો. ટ્રક અને બાઇક વચ્ચે અકસ્માત સર્જાતા બાઈકચાલક સુનિલ વસાવા ઘટના સ્થળે જ મોત નીપજ્યું હતું.

અકસ્માતના બનાવની જાણ અંકલેશ્વર પોલીસને થતા પોલીસ કાફલો તાત્કાલિક ઘટના સ્થળે દોડી આવ્યો હતો. પોલીસે બાઇકચાલકના મૃતદેહને પોસ્ટમોર્ટમ અર્થે ખસેડી ટ્રક ચાલક વિરુદ્ધ અકસ્માતનો ગુન્હો નોંધી વધુ તપાસ હાથ ધરી હતી

(9:41 pm IST)
  • કેનેડામાં જસ્ટિન ટ્રૂડોની સરકારને બહુમતી મેળવવા હવે માત્ર 15 બેઠકનું છેટું : ટ્રૂડોની લિબરલ પાર્ટી 338 માંથી 155 બેઠક ઉપર અને વિરોધી કન્ઝર્વેટિવ પાર્ટી 122 બેઠક ઉપર આગળ : ભારતીય મૂળના શીખ આગેવાન જગમિત સિંઘની પાર્ટી ચોથા ક્રમે access_time 12:55 pm IST

  • મુંબઇમાં આજે રાત્રે અને કાલે સવારે ભારે વર્ષાની શકયતા : મુંબઇમાં ખુશનુમાં હવામાન અને વાદળછાયા આકાશ સાથે વરસાદ પડશે. આજે રાત્રે અને વ્હેલી સવારે મુંબઇમાં ભારે વરસાદ અને તોફાની પવન ફુંકાવાની પણ શકયતા છે. મુંબઇ-૨ત્નાગીરી બેલ્ટમાં મોડી રાત્રે - વ્હેલી સવારે અને કાલે સવારે ભારે વરસાદી વાદળાઓ છવાશે અને તોફાની વરસાદની સંભાવના છે.દરમિયાન મુંબઇમાં ૧ાા થી ૨ ઇંચ વરસાદ પડી ગયો છે. પશ્ચિમના પરાઓમાં મધ્યમ અને પૂર્વીય પરાઓમાં હળવો વરસાદી દોર રહયો છે. રાઇગઢ-થાણે-નવી મુંબઇમાં પણ વરસાદી વાવડ છે. access_time 12:55 pm IST

  • અરબી સમુદ્રના ડીપ્રેશનને લીધે પ.ભારતના સાગરકાંઠે દે ધનાધન પડશે : આવતા ૪૮ કલાકમાં અરબી સમુદ્રનું લો પ્રેસર, ડીપ્રેશનમાં ફેરવાઇ જશે જેને લીધે પશ્ચિમ ભારતના સાગર કાંઠે મુખ્યત્વે રત્નાગીરીથી મેંગ્લોર બેલ્ટ વચ્ચે ભારે વરસાદની આગાહી થઇ છે. access_time 12:54 pm IST