Gujarati News

Gujarati News

News of Monday, 22nd October 2018

નર્મદા કેનાલમાં બે બાળકો સાથે ઝંપલાવનાર મહિલાની પોલીસે વિધિવત ધરપકડ કરી

સુરત:બે બાળકો સાથે નર્મદા કેનાલમાં ઝંપલાવનાર કપડવંજની મહિલાની પોલીસે વિધિવત ધરપકડ કરીને કોર્ટમાં રજુ કરતા કોર્ટે બિલોદરા જેલમાં મોકલી આપવાનો હુકમ કર્યો હતો. 
કપડવંજ નાની વ્હોરવાડમાં રહેતા અલ્તાફબેગ મીરઝાના લગ્ન અમદાવાદમાં રહેતી સાહિના ખાતુન સાથે થયા હતા. આ લગ્ન જીવન દરમ્યાન બે દીકરા અને એક દીકરીનો જન્મ થયો હતો. જે પૈકી એક દીકરાને નણંદને દત્તક આપ્યો હતો. આ દરમ્યાન સાહિના ખાતુનને દાદી સાસુ સાથે ગૃહકલેશ થતા બે બાળકોને લઈ પિયર જતી રહી હતી. બાદમાં ગત તા. ૧૯ મીએ સાહિના ખાતુન બાળકોને લઈ કપડવંજ આવવા નીકળી હતી. આ દરમ્યાન આંતરોલી નજીક નર્મદા કેનાલમાં બે બાળકો સાથે સાહિના નહેરમાં કૂદી પડી હતી પરંતુ બે બાળકો ડૂબી ગયા હતા. જ્યારે બાળકોની માતા બચી ગઈ હતી. જેને લઈ આંતરસુબા પોલીસે મહિલા સામે તેના પોતાના જ બે બાળકોની હત્યાનો ગુનો નોંધી ધરપકડ કરી હતી. 

(5:44 pm IST)
  • ભરૂચ :સ્ટેચ્યુ ઓફ યુનિટી આદિવાસીઓનો વિનાશ નોતરશે : સરકારે પટેલોના મત મેળવવા સરદાર પટેલનું સ્ટેચ્યુ બનાવ્યું' :ઝઘડિયાના ધારાસભ્ય છોટુ વસાવાનું નિવેદન:31મી ઓક્ટોબરે 14 જિલ્લાના આદિવાસીઓ કાર્યક્રમનો બહિષ્કાર કરી વિરોધ નોંધવાશે access_time 4:21 pm IST

  • પેટ્રોલ-ડીઝલના ભાવમાં ઘટાડાનો દોર યથાવત :મંગળવારે પેટ્રોલમાં લિટરે 10 પૈસા અને ડીઝલમાં 8 પૈસાનો લિટરે થશે ઘટાડો ;છેલ્લા આઠેક દિવસથી ઇંધણના ભાવમાં ઘટાડો થતા લોકોને રાહત ; વૈશ્વિક બજારમાં ક્રૂડના ભાવ તૂટતાં ઇંધણના ભાવમાં કોઈ વધારો નહિ access_time 1:15 am IST

  • એસસી/એસટી એક્ટમાં થયેલા નવા સુધારાને પડકારતી અરજીઓ ઉપર ૨૬ ઓક્ટોબર સુધીમાં જવાબ રજૂ કરવા સુપ્રીમ કોર્ટ આદેશ આપ્યો છે access_time 1:19 am IST