Gujarati News

Gujarati News

News of Tuesday, 22nd September 2020

કોવીડ -19ના દર્દીઓની સારવાર માટે વપરાશમાં લેવાતા રીમડિસીવર ઇન્જેક્શનનો પુરતો જથ્થો રાજ્યમાં ઉપલબ્ધ: ડૉ. એચ.જી.કોશીયા

અમદાવાદ : ફ્રુડ એન્ડ ડ્રગ કમિશ્નર ડૉ. એચ.જી.કોશીયાએ જણાવ્યું છે કે, રાજ્યમાં પ્રવર્તિ રહેલ કોરોનાની મહામારી સંદર્ભે કોવીડ - ૧૯ના દર્દીઓની સારવારમાં વપરાશમાં લેવાતા રીમડિસીવર ઇન્જેક્શનની બજારમાં અછત ઉભી થયા હોવાના ઇન્ડીયન મેડીકલ એશોશીયેસનની રજુઆત સંદર્ભે ખોરાક અને ઔષધ નિયમન તંત્ર દ્વારા જણાવાયું છે કે રાજ્યમાં હાલ આ ઇન્જેક્શનનો પૂરતા પ્રમાણમાં ઉપલબ્ધ છે.

 ડૉ. કોશીયાએ ઉમેર્યું કે રાજ્યના આરોગ્ય અને પરિવાર કલ્યાણ વિભાગના અગ્રસચિવ ડૉ. જયંતિ રવી અને કેન્દ્ર સરકારના સંયુક્ત પ્રયાસો થકી રીમડિસીવર ઇન્જેક્શનના ઉત્પાદકો, જેમ કે, Hetero Drugs Ltd., Cipla Ltd., Mylan Laboratories Ltd., Cadila Healthcare Ltd., Dr. Reddy's Lab. Ltd., Jubilant Lifescience Ltd. નો ગઈકાલે બજારમાં કુલ ૭,૯૩૮ ઇન્જેક્શનનો જથ્થો ઉપલબ્ધ થયો છે. તે પૈકી આજે અંદાજે ૬,૮૦૦ ઇન્જેક્શન ગુજરાત રાજ્યના દવા બજાર તેમજ પ્રાઇવેટ હોસ્પિટલોમાં ઉપલબ્ધ કરવામાં આવ્યો છે. અને ૧૪૭૬ ઇન્જેક્શન અમદાવાદના સ્ટોકીસ્ટ પાસે ઉપલબ્ધ છે.
  કોશીયાએ કહ્યું કે આવતી કાલે ઝાયડસ કેડીલાના આશરે ૨૪,૦૦૦ ઇન્જેક્શન પૈકી ૧૨,૫૦૦ ઇન્જેક્શન ગુજરાત રાજ્યના દવા બજાર તેમજ પ્રાઇવેટ હોસ્પિટલોમાં ઉપલબ્ધ કરવવામાં આવશે અને ૧૧,૫૦૦ ઇન્જેક્શન ગવર્મેંન્ટ સપ્લાયમાં ઉપલબ્ધ કરાવવામાં આવશે. આ ઉપરાંત અન્ય ઉત્પાદક Hetero Drugs Ltd.ની ૫,૦૦૦ ઇન્જેક્શન, Jubilant Lifescience Ltd.ના ૭૦૦ ઇન્જેક્શન તેમજ Cipla Ltd ના ૧૫૦૦ ઇન્જેક્શનનો જથ્થો અને આજનો ડિસ્ટ્રીબ્યુટર પાસેના ૧૪૭૬ ઇન્જેક્શન એટલે કે ગુજરાત રાજ્યના દવા બજાર તેમજ પ્રાઇવેટ હોસ્પિટલોમાં ૨૧,૧૭૬ ઇન્જેક્શન ઉપલબ્ધ થવાના છે અને ગવર્મેંન્ટ સપ્લાયમાં ૧૩,૨૦૦ ઇન્જેક્શન ઉપલબ્ધ રહેશે.
તેમણે ઉમેર્યું કે ગુજરાત રાજ્યની તમામ સરકારી હોસ્પિટલોમાં આ દવાનો પુરતા પ્રમાણમાં જથ્થો ઉપલબ્ધ છે. એટલે રાજ્યના નાગરિકોએ આ દવાની અછત અંગે ગભરાટ કે દહેશત રાખવાની સહેજ પણ જરૂર નથી.

(8:28 pm IST)
  • ચીનમાં માનવ અધિકારની ઐસી કઈ તૈસી : જિનપીંગને જોકર કહેનાર રિયલ એસ્ટેટના માંધાતાને અઢાર વર્ષની જેલ સજા :ચીનના રાષ્ટ્રપતિ શી જિનપિંગને 'શી જોકર' અને શી જિનપિંગે લીધેલા કોરોના સામેના પગલાઓની આકરી ઝાટકણી કાઢનાર, ચીનના રિયલ એસ્ટેટના બાદશાહ ગણાતા રેન શીકવીઆંગને અઢાર વર્ષની જેલ સજા ફટકારવામાં આવી છે. તેમના ઉપર ભ્રષ્ટાચારના આરોપો મુકવામાં આવ્યા હતા. access_time 3:54 pm IST

  • સીબીઆઈ દ્વારા ડેરી - આઈક્રીમ નિર્માતા કંપની ક્વાલિટી લિમિટેડ અને તેના ડિરેક્ટર્સ પર 1,400 કરોડના બેંક ઓફ ઈન્ડિયા હેઠળ ના 10 બેન્કના કન્સોર્ટિયમ સાથે ફ્રોડનો કેસ કર્યો : સીબીઆઈએ સોમવારે દિલ્હી અને સહારનપુર, બુલંદશહેર (ઉત્તર પ્રદેશ), અજમેર (રાજસ્થાન), પલવાલ (હરિયાણા) સહિતના અનેક શહેરોમાં કંપની અને તેના ડિરેક્ટર સહિતના આઠ સ્થળો પર તલાશી શરૂ કરી access_time 11:19 pm IST

  • મંત્રીઓ સહિત તમામ ધારાસભ્યોના પગારમાં 30 ટકા કાપ બિલ પાસ. આ બિલ પર કોંગ્રેસનું સમર્થન. ધાનાણીએ કહ્યું- પગાર સાથે સરકારી તહેવારો, તાયફા પાછળ ખર્ચ ઘટાડો access_time 11:21 pm IST