Gujarati News

Gujarati News

News of Tuesday, 22nd September 2020

મહુધા તાલુકાના હેરંજ ગામે સાસરીમાં રહેતા જમાઈએ પત્ની સહીત સાસુ પર જીવલેણ હુમલો કરતા સાસુનું સારવાર દરમ્યાન મૃત્યુ

મહુધા:તાલુકાના હેરંજ ગામે રવિવારની મોડી રાતે સાસરીમાં રહેતા જમાઇએ પત્નિ અને સાસુ પર હુમલો કર્યો હતો. બનાવમાં સાસુનુ અમદાવાદ હોસ્પિટલમાં સારવાર દરમ્યાન મૃત્યુ નિપજયુ હતુ. બનાવ અંગે મહુધા પોલીસે ગુનો નોંધી આગળની કાર્યવાહી હાથ ધરી છે.

પ્રાપ્ત વિગતો અનુસાર મહુધા તાલુકાના હેરંજ ગામે રહેતા જમાઇ રાકેશભાઇએ રવિવારના દિવસે પત્નિ અંજનાબેન અને સાસુ મંજૂલાબેન પર હુમલો કર્યો હતો.રાકેશભાઇ આડાસંબંધનો વ્હેમ રાખી પત્ની અને સાસુ પર હુમલો કર્યો હતો.સાસુ મંજૂલાબેન માથામાં તીક્ષણ હથિયાર મારી ઘાયલ કર્યો હતા.જેથી તેઓને તાત્કાલિક સારવાર અર્થે અલીન્દ્રા આરોગ્ય કેન્દ્રમાં લઇ જવામાં આવ્યા હતા. જ્યા સારવાર દરમ્યાન મંજૂલાબેનનુ મૃત્યુ નિપજયુ હતુ.જ્યારે પત્ની અંજનાબને પણ શરીરે ગંભીર ઇજાઓ પહોચાડી હતી. બનાવ અંગે પત્ની અંજનાબેને પતિ રાકેશભાઇ મનહરભાઇ વસાવા વિરુધ્ધ મહુધા પોલીસ મથકે ફરિયાદ નોંધાવી છે.જ્યારે મહુધા પોલીસે ગુનો નોંધી આગળની કાર્યવાહી હાથ ધરી છે.

(5:30 pm IST)
  • દેશમાં કોરોનાના કહેર વચ્ચે સતત પાંચમા દિવસે નવા કેસ કરતા રિકવર થનારની સંખ્યા વધી : રાત્રે 12 વાગ્યા સુધીમાં નવા 80,376 પોઝીટીવ કેસ સામે 87,081 દર્દીઓ સ્વસ્થ થયા : કોરોનાના કુલ કેસનો આંક 56,40,496 થયો: એક્ટીવ કેસ,ઘટીને 9,67,848 થયા : કુલ 45,81,820 લોકોએ કોરોનાને મ્હાત આપી :વધુ 1056 લોકોના મોત સાથે મૃત્યુઆંક 90,081 થયો access_time 12:55 am IST

  • RTE મામલે મનમાની કરનાર શાળા સામે કાર્યવાહી થશે. પ્રવેશ આપવામાં વિલંબ થાય તો વાલીઓ rte.dpe@gmail.com પર ફરિયાદ કરી શકશે. access_time 10:37 pm IST

  • લડાખ સરહદે વધુ સૈનિકો મોકલવાનું બંધ કરવા ચીન અને ભારત વચ્ચે સમજૂતી : ચીન અને ભારત બંને સરહદ ઉપર, ફ્રન્ટ લાઈન ઉપર, વધુ સૈનિકો મોકલવાનું બંધ કરવા, જમીન પરની હાલની પરિસ્થિતિ એકતરફી નહિ બદલવા, અને પરિસ્થિતિને જટિલ બનાવી શકે તેવા કોઈપણ પગલાં લેવાનું ટાળવા માટે સહમત થયા હોવાનું ચીનના રાષ્ટ્રીય સંરક્ષણ મંત્રાલયના પ્રવક્તાએ જણાવ્યુ છે. ચીન અને ભારત બંને દેશોનું સત્તાવાર સંયુક્ત નિવેદન ટૂંક સમયમાં જાહેર થશે. access_time 11:59 pm IST