Gujarati News

Gujarati News

News of Tuesday, 22nd September 2020

સુરત: કોસાડમાં ઇવા એમ્બ્રોડરી પાર્કના ગ્રાઉન્ડ ફ્લોરમાં પાંચ દુકાનને નિશાન બનાવી તસ્કરોએ 34 હજારથી વધુની મતાની ઉઠાંતરી કરી

સુરત: શહેરના કોસાડના ઇવા એમ્બ્રોડરી પાર્કના ગ્રાઉન્ડ ફ્લોરમાં ગત રાત્રે ત્રાટકેલા તસ્કરો પાંચ દુકાનના તાળા તોડી રોકડ અને સરસામાન મળી રૂા. 34 હજારની મત્તા ચોરીની રવાના થઇ ગયા હતા. પોલીસે સીસીટીવી ફૂટેજના આધારે તસ્કરોનું પગેરૂ મેળવવાની કવાયત હાથ ધરી છે.
મોટા વરાછા સુદામા ચોક .બી.સી સર્કલ સ્થિત ખોડિયાર નગર સોસાયટીમાં રહેતા નિકુંજ વલ્લભભાઈ ઘોરી (..24) કોસાડ આવાસ નજીક ઈવા એમ્બ્રોડરી પાર્કના ગ્રાઉન્ડ ફ્લોરમાં પટેલ ટ્રેડ નામે એમ્બ્રોડરીના ધાગા અને સરસામાનનો વેપાર કરે છે. નિકુંજની પટેલ ટ્રેડ નામની દુકાન સહિત તસ્કરોએ આજુબાજુની દુકાનને નિશાન બનાવી ચોરીનો કસબ અજમાવ્યો હતો. પટેલ ટ્રેડની બાજુમાં બાપા સીતારામ ચા-નાસ્તા સેન્ટર નામે દુકાન ધરાવતા રમેશભાઈ સવારે રાબેતા મુજબ દુકાને આવ્યા ત્યારે પટેલ ટ્રેડ દુકાનના તાળા તુટેલા જોઇ તુરંત નિકુંજને ફોન કરી ચોરી થયાની જાણ કરી હતી.

(5:29 pm IST)
  • દેશમાં કોરોનાના કહેર વચ્ચે સતત ચોથા દિવસે નવા કેસ કરતા રિકવર થનારની સંખ્યા વધી : રાત્રે 12 વાગ્યા સુધીમાં નવા 73,368 પોઝીટીવ કેસ સામે 99,924 દર્દીઓ સ્વસ્થ થયા : એક્ટિવ કેસ 10 લાખની નીચે સરક્યા:દેશમાં કોરોનાના કુલ કેસનો આંક 55,58 980 થયો: એક્ટીવ કેસ,9,76,654 થયા : 44,92,,574 લોકોએ કોરોનાને મ્હાત આપી :વધુ 1046 લોકોના મોત સાથે મૃત્યુઆંક 88,955 થયો access_time 1:05 am IST

  • ૨૭૦ વ્હેલ માછલીઓ ઓસ્ટ્રેલિયાઇ દ્વીપ તસ્માનિયાના કિનારા પર ફસાયેલ મળી, રપની બચવાની સંભાવના નથીઃ તસ્વીરો સામે આવી : સમુદ્રી જીવવિજ્ઞાનીઓ આ વ્હેલોને બચાવવાની યોજના બનાવી રહ્યા છે. વૈજ્ઞાનિકોએ કહ્યું કે ઓછામાં ઓછી રપ વ્હેલ પહેલાજ મરી ચૂકી છે આ બધી પાયલટ વ્હેલ છે. access_time 11:47 am IST

  • સ્ટેમ્પ ડયુટી-દસ્તાવેજ મુલ્યાંકન માટે પુન : ધમધમાટઃ ગ્રામ્ય લેવલે હાલ રપ૦૦ તો સીટી-૧માં હાલ પરપ દસ્તાવેજો પેન્ડીંગઃ દર મહિને ૧પ૦ને ફટકારાતી નોટીસઃ ૬ મહિનામાં ૭૦ લાખની વસુલાત :સ્ટેમ્પ ડયુટી ડે. કલેકટર પુજા જોટાણીયાએ પત્રકારોને જણાવ્યું હતું કે કોરોનાને કારણે ઠપ્પ થયેલ સ્ટેમ્પ ડયુટી મુલ્યાંકન કામગીરીનો ફરી ધમધમાટ શરૂ કરાયો છેઃ જસદણમાં કામગીરી નીલ કરી દેવાઇ છેઃ ગોંડલ-ધોરાજીમાં કામગીરી ચાલુઃ શ્રી પૂજા જોટાણીયા પાસે ગ્રામ્ય લેવલ (વિભાગ-૧)માં રપ૦૦ તો રાજકોટ સીટી-૧ માં હાલ પરપ દસ્તાવેજો પેન્ડીંગઃ દર મહિને ૧પ૦ આસામીઓને ફટકારાતી નોટીસોઃ માત્ર ૬ મહિનામાં ૭૦ લાખથી વધુની વસુલાત access_time 3:04 pm IST