Gujarati News

Gujarati News

News of Tuesday, 22nd September 2020

વડોદરામાં વાહન ચેકીંગ દરમ્યાન માણેજા ક્રોસિંગ નજીકથી પોલીસે કાર ચાલકને 10 ટીન બીયરના જથ્થા સાથે ઝડપી પાડ્યો

વડોદરા: શહેરમાં વાહન ચેકિંગ દરમિયાન માણેજા ક્રોસીંગ નજીકથી એક કારચાલકને બીયરના ૧૦ ટીન સાથે મકરપુરા પોલીસે ઝડપી પાડયો છે. યુવક મહેફિલ માટે બીયરના ટીન લાવ્યો હોવાની દિશામાં પોલીસે તપાસ હાથ ધરી છે

મકરપુરા પોલીસ સ્ટેશનનો સ્ટાફ ગઇકાલે સાંજે વિસ્તારમાં વાહન ચેકિંગ કરતો હતો. તે દરમિયાન  માણેજા  ક્રોસીંગ પાસે વાગ્યે એક કારને અટકાવી તપાસ કરી હતી.

 કારની પાછળની સીટ પરથી પોલીસને બીયરના ૧૦ ટીન મળી આવ્યા હતા. જેથી પોલીસે કારચાલક કૃણાલ ઘનશ્યામભાઇ પટેલ (રહે. અમીન ફળીયુ કરચિયા ગામ)ની ધરપકડ કરી હતી. પોલીસે હાથ ધરેલી પ્રાથમિક પૂછપરછ દરમિયાન કૃણાલે કબૂલ્યુ હતું , હાલોલ નજીક રહેતા છપ્પન નામના શખ્સ પાસેથી લાવ્યો હતો. જેનો મોબાઇલ નંબર કૃણાલે મકરપુરા   પોલીસને આપતા પોલીસે વધુ તપાસ હાથ ધરી છેકૃણાલ ખાનગી ટ્રાન્સપોર્ટ કંપનીમાં નોકરી કરે છે

(5:28 pm IST)
  • સહકારી બેન્કો હવે રીઝર્વ બેન્કના પંજામાં : ખરડો પસાર :સહકારી બેન્કો હવે રીઝર્વ બેન્કના ભરડામાં : રિઝર્વ બેન્કની નજર હેઠળ સહકારી બેન્કોને આવરી લેતા ખરડાને રાજયસભામાં મંજૂરી આપવામાં આવી છે. આ ખરડાનો હેતુ બેન્કમાં ખાતાધારકોના હિતોની રક્ષા કરવાનું છે. આ વિધેયકને રાજયસભામાં ધ્વનીમતથી પસાર કરવામાં આવેલ. લોકસભામાં ૧૬ સપ્ટેમ્બરે આ ખરડો પસાર થઈ ગયો હતો. હવે આ ખરડો કાનુન બન્યા પછી જાહેરનામાની જગ્યા લેશે. રીઝર્વ બેન્કના માધ્યમથી સહકારી બેન્કો સહિત સમગ્ર બેન્કીંગ વ્યવસ્થાને સુવ્યવસ્થિત કરવાનો હેતુ છે access_time 3:53 pm IST

  • ૨૭૦ વ્હેલ માછલીઓ ઓસ્ટ્રેલિયાઇ દ્વીપ તસ્માનિયાના કિનારા પર ફસાયેલ મળી, રપની બચવાની સંભાવના નથીઃ તસ્વીરો સામે આવી : સમુદ્રી જીવવિજ્ઞાનીઓ આ વ્હેલોને બચાવવાની યોજના બનાવી રહ્યા છે. વૈજ્ઞાનિકોએ કહ્યું કે ઓછામાં ઓછી રપ વ્હેલ પહેલાજ મરી ચૂકી છે આ બધી પાયલટ વ્હેલ છે. access_time 11:47 am IST

  • સુશાંત-રિયા ડ્રગ્સની સપ્લાયનું કનેકશન પાકિસ્તાન સુધી નીકળ્યું છે : NCB : ડ્રગ્સના દૂષણમાં બોલીવુડની ભૂતકાળ અને વર્તમાનની અનેક ખ્યાતનામ હસ્તીઓનાં નામની સંડોવણીની પણ શકયતા access_time 3:53 pm IST