Gujarati News

Gujarati News

News of Tuesday, 22nd September 2020

વડોદરામાં માસ્ક પહેર્યા વગર કારમાં ફરવા નીકળવું દંપતીને ભારે પડ્યું: પોલીસે દંડ વસુલવાની કામગીરી હાથ ધરી

વડોદરા: શહેરમાં કારમાં જતા દંપતીએ મોઢા પર માસ્ક પહેર્યું હોવાથી પોલીસે તેમની કારને અટકાવી બંનેને નીચે ઉતારી દંડ વસૂલવાની કામગીરી હાથ ધરી હતી. પરંતુ મહિલાએ કારમાં બેસી કાર હંકારી ભાગી જવાની કોશિશ કરતાં એક પોલીસ કર્મચારીને ઈજા પહોંચી હતી.

કોરોનાના સંક્રમણને અટકાવવા માટે સરકારે ઘરની બહાર નિકળનાર નાગરિકો માટે માસ્ક પહેરવું ફરજિયાત કર્યું છે. અને માસ્ક  નહી પહેંરનાર પાસેથી દંડ વસુલવાની જવાબદારી પોલીસ નિભાવી રહી છે.

ગઈકાલે બપોરે એક વાગ્યે માણેજા ચાર રસ્તા પાસે  એકસ ટાવર સી વાળીમાં રહેતા રમણીકસીંગ હરભજનસીંગ ભુરજી અને તેના પત્ની ચરણજીતબેન કાર લઈને નિકળ્યા હતા. પોલીસ સૂત્રોના જણાવ્યા અનુસાર દંપતીએ માસ્ક પહેર્યું હોઈ તેમની કાર લાલબાગ બ્રિજ પાસે  ઉભી રાખવામાં આવી હતી.

દંપતીને કારમાંથી નીચે ઉતારી દંડ ભરવા માટે પોલીસે કહ્યું હતુ, પરંતુ મહિલાએ પોલીસને ગાળો આપી. પતિના હાથમાંથી કારની ચાલી છીનવી લઈ કારમાં બેસી ગઈ હતી. અને કાર ચાલુ કરી ભાગવાની કોશિશ કરી હતી. પરંતુ સ્થળ પર હાજર પોલીસ સ્ટાફે કારને અટકાવવાની કોશિશ કરતાં પોલીસ જવાનને હાથમાં ઈજા પહોંચી હતી. દરમિયાન અન્ય પોલીસ સ્ટાફે દોડી આવી કાર અટકાવી મહિલાને નીચે ઉતારી હતી.

(5:27 pm IST)
  • મંત્રીઓ સહિત તમામ ધારાસભ્યોના પગારમાં 30 ટકા કાપ બિલ પાસ. આ બિલ પર કોંગ્રેસનું સમર્થન. ધાનાણીએ કહ્યું- પગાર સાથે સરકારી તહેવારો, તાયફા પાછળ ખર્ચ ઘટાડો access_time 11:21 pm IST

  • ચીનમાં માનવ અધિકારની ઐસી કઈ તૈસી : જિનપીંગને જોકર કહેનાર રિયલ એસ્ટેટના માંધાતાને અઢાર વર્ષની જેલ સજા :ચીનના રાષ્ટ્રપતિ શી જિનપિંગને 'શી જોકર' અને શી જિનપિંગે લીધેલા કોરોના સામેના પગલાઓની આકરી ઝાટકણી કાઢનાર, ચીનના રિયલ એસ્ટેટના બાદશાહ ગણાતા રેન શીકવીઆંગને અઢાર વર્ષની જેલ સજા ફટકારવામાં આવી છે. તેમના ઉપર ભ્રષ્ટાચારના આરોપો મુકવામાં આવ્યા હતા. access_time 3:54 pm IST

  • સુશાંત-રિયા ડ્રગ્સની સપ્લાયનું કનેકશન પાકિસ્તાન સુધી નીકળ્યું છે : NCB : ડ્રગ્સના દૂષણમાં બોલીવુડની ભૂતકાળ અને વર્તમાનની અનેક ખ્યાતનામ હસ્તીઓનાં નામની સંડોવણીની પણ શકયતા access_time 3:53 pm IST