Gujarati News

Gujarati News

News of Tuesday, 22nd September 2020

હમ 'સાત' સાથ સાથ હૈ : સૂરતના પરિવારે કોરોનાને હરાવ્યો : ૪ માસના બાળકનો સમાવેશ

સુરત, તા. રર : શહેરમાં દ્યણા કુટુંબોમાં દ્યરના બધા જ સભ્યો કોરોનાગ્રસ્ત થયા હતા. જેમાં એક કુટુંબ કે જેના સાત સભ્યોએ કોરોનાને મ્હાત આપી છે. મૂળ મહારાષ્ટ્ર વતની અને દોઢ વર્ષથી અડાજણ વિસ્તારમાં રહેતા આરાધ્યે પરિવાર પણ કોરોના સંક્રમિત થયું હતું.  પૂરતી સારવાર સાથે તેઓ કોરોનાને હરાવી સ્વસ્થ થયા છે. પરિવાર કોરોનામુકત થતા પરિવારમાં ખુશી છવાઈ હતી.

આરાધ્યે પરિવારના શ્રી સંદિપ આરાધ્યે જણાવ્યું કે, પરિવારના તમામ સભ્યોને ખાંસી, શરદી, તાવ આવતો હતો, જેથી તા.૧૭ ઓગસ્ટે અડાજણના પીએચ.સી. સેન્ટરમાં પરિવારના તમામ સભ્યોનો કોરોના રિપોર્ટ કઢાવતા સાત સભ્યો પોઝિટિવ આવ્યાં. જેમાં ચાર માસના શિવાંશ અને ૮૩ વર્ષિય દાદી પણ પોઝિટિવ આવ્યાં.

શરૂઆતમાં બધા ડરી ગયા હતા. પરંતુ તબીબોની સલાહથી હોમ કવોરન્ટાઇન થઈ સારવાર લીધી અને બધા સ્વસ્થ થયા.

દાદી ૨૦ દિવસની સારવારમાં અને બાકીના સભ્યો ૧૪ દિવસ હોમ કવોરન્ટાઇન થઇ કોરોને મ્હાત આપી છે. દાદીને નવું નવજીવન આપનારા સિવિલ હોસ્પિટલના તબીબો પ્રત્યે સંદિપભાઈએ આભારની લાગણી વ્યકત કરી હતી.

આરાધ્યે પરિવારના ૮૩ વર્ષિય કોરોના મુકત થયેલા દાદી રૂકમણિબહેન આરાધ્યે જણાવ્યું કે, મોટી ઉમરે કોરોના થતા ડર તો લાગતો હતો, પરંતુ સિવિલ હોસ્પિટલના ડોકટર, તબીબોની સતત દેખભાળ અને સારવારના કારણે સ્વસ્થ થઈ છું. સિવિલના તબીબોના મહેનતનું પરિણામ છે. પાછી દ્યરે આવી છું, અને મારા પરિવારના તમામ સભ્યો પણ કોરોનામુકત થયા છે. જેથી ખુશીની લાગણી અનુભવું છું.

નવી સિવિલના નોડલ ઓફિસર ડો.વિવેક ગર્ગ અને ડો. અજય પરમારની ટીમના કર્મનિષ્ઠ તબીબો અને નર્સિંગ સ્ટાફની ટીમના સફળ ઉપચારથી ૮૩ વર્ષના વયોવૃધ્ધ રૂકમણિબેન આરાધ્યે ૨૦ દિવસની સારવારમાં ૧૫ દિવસ ઓકિસજન પર રહી કોરોનાને મ્હાત આપી છે.

(3:22 pm IST)
  • સુશાંત-રિયા ડ્રગ્સની સપ્લાયનું કનેકશન પાકિસ્તાન સુધી નીકળ્યું છે : NCB : ડ્રગ્સના દૂષણમાં બોલીવુડની ભૂતકાળ અને વર્તમાનની અનેક ખ્યાતનામ હસ્તીઓનાં નામની સંડોવણીની પણ શકયતા access_time 3:53 pm IST

  • ભયજનક !! : સીબીઆઇ દ્વારા તાજેતરમાં એકત્રિત કરવામાં આવેલા ડેટા મુજબ, ભારતમાં ઓછામાં ઓછી 31 લાખ NGO છે : જે શાળાઓની સંખ્યા કરતાં બમણાથી વધુ અને સરકારી હોસ્પિટલોની સંખ્યાના 250 ગણી થાય છે : ગહબની વાત તો એ છે કે તેમાંથી મોટાભાગના NGO એ ઇન્કમટેક્સ રીટર્ન ભર્યું નથી અથવા બેલેન્સશીટ પણ તૈયાર કરી નથી access_time 10:41 pm IST

  • રાજ્યસભાના સાંસદોના ધરણાં ખતમ : વિરોધ પક્ષો સંસદનો બહિષ્કાર કરશે : જ્યાં સુધી 8 સભ્યોનું સસ્પેન્સન ચાલુ રહેશે ત્યાં સુધી વિરોધ પક્ષો સંસદમાં હાજરી નહીં આપે : વિરોધ પક્ષના નેતા ગુલામ અબી આઝાદની ઘોષણાં access_time 11:56 am IST