Gujarati News

Gujarati News

News of Tuesday, 22nd September 2020

ઉકાઇ ડેમમાંથી સતત પાણી છોડાતા તાપી નદી બે કાંઠે

ડેમની સપાટી ભયજનક લેવલથી દોઢ ફૂટ દૂર રાખીને સતાધીશો પાણી છોડવાના નિર્ણયો બદલી રહ્યા છે

સુરત જિલ્લા અને શહેરમાં મોડીરાત્રે  વરસાદી માહોલ જામ્યો હતો. જ્યારે ઉપરવાસમાં પણ વરસાદને પગલે ઉકાઈ ડેમની સપાટીમાં વધારો નોધાયો છે. જેને લઈને ઉકાઇ ડેમમાંથી પાણી છોડાતા તાપી નદી બે કાંઠે વહી રહી છે.

સુરતમાં પૂરની પરિસ્થિતિ નિવારવા વિતેલા 24 કલાકમાં ઉકાઇ ડેમમાંથી પાણી છોડવા માટે પાંચ વખત નિર્ણયો બદલવા પડયા હતા. રવિવારે 1 લાખ કયુસેક, મધરાતે 1.21 લાખ કયુસેક પાણી છોડાયા બાદ સોમવારે સવારે 72,000, 46,000 કયુસેક કરાયા બાદ મોડીસાંજે ફરી 80,000 કયુસેક પાણી છોડવાનું શરૃ કરી છલોછલ ભરેલા ડેમની સપાટી ઘટાડવા કવાયત ચાલી રહી છે. ડેમની સપાટી 343.61 ફુટ પહોંચી છે.

ઉકાઇ ડેમની સપાટી ભયજનક લેવલની ટચોટચ હોવાથી શહેરીજનોને પૂરના ખતરાથી બચાવવા માટે કોઇ જોખમ ઉઠાવવા માંગતા નથી. આથી જ તો ડેમની સપાટી ભયજનક લેવલથી દોઢ ફૂટ દૂર રાખીને સતાધીશો પાણી છોડવાના નિર્ણયો બદલી રહ્યા છે. જેમાં રવિવારે સાંજે ૧ લાખ કયુસેક પાણી છોડયા બાદ મધરાતે વધારી દઇને 1.21 લાખ કરી દેવાયા હતુ. હથનુર ડેમમાંથી પાણી છોડવાનું ઘટાડી દઇને 50,000 કયુસેક કરી દેવાયુ છે.

(1:04 pm IST)
  • ચીનમાં માનવ અધિકારની ઐસી કઈ તૈસી : જિનપીંગને જોકર કહેનાર રિયલ એસ્ટેટના માંધાતાને અઢાર વર્ષની જેલ સજા :ચીનના રાષ્ટ્રપતિ શી જિનપિંગને 'શી જોકર' અને શી જિનપિંગે લીધેલા કોરોના સામેના પગલાઓની આકરી ઝાટકણી કાઢનાર, ચીનના રિયલ એસ્ટેટના બાદશાહ ગણાતા રેન શીકવીઆંગને અઢાર વર્ષની જેલ સજા ફટકારવામાં આવી છે. તેમના ઉપર ભ્રષ્ટાચારના આરોપો મુકવામાં આવ્યા હતા. access_time 3:54 pm IST

  • તાઇવાન માટે ચીન ખતરા સમાન : બની ગયાનું તાઇવાનના મહિલા રાષ્ટ્રપતિ સાઇ ઇંગ-વેને કહ્યું છે. છેલ્લા ૨ દિવસથી ચીન તરફથી સતત ફાઇટર પ્લેનો તાઇવાનની સીમામાં ઉડાવાય છે અને ચીન સંપૂર્ણ નફફટાઇથી કહે છે તાઇવાન અમે ગમે ત્યારે હડપ કરી જશું તેમણે કહ્યું કે તાઇવાન જલસીમામાં ધુસી આવવાનું કૃત્ય જ દર્શાવે છે કે ચીન આ સમગ્ર વિસ્તાર માટે ખતરા સમાન છે. અમેરીકાના ટોચના અધિકારી કીથ કૈચની તાઇવાન મુલાકાત સમયે ચીનના લશ્કરી વિમાનો તાઇવાન ઉપર ઉડયા હતા access_time 3:05 pm IST

  • ભયજનક !! : સીબીઆઇ દ્વારા તાજેતરમાં એકત્રિત કરવામાં આવેલા ડેટા મુજબ, ભારતમાં ઓછામાં ઓછી 31 લાખ NGO છે : જે શાળાઓની સંખ્યા કરતાં બમણાથી વધુ અને સરકારી હોસ્પિટલોની સંખ્યાના 250 ગણી થાય છે : ગહબની વાત તો એ છે કે તેમાંથી મોટાભાગના NGO એ ઇન્કમટેક્સ રીટર્ન ભર્યું નથી અથવા બેલેન્સશીટ પણ તૈયાર કરી નથી access_time 10:41 pm IST