Gujarati News

Gujarati News

News of Tuesday, 22nd September 2020

વલસાડ જિલ્લામાં 3 પીઆઈની બદલી

વાપી ટાઉનના પીઆઇ બારિયાને એલઆઇબીમાં મુકાયા, વાપી ટાઉનમાં આર. ડી. મકવાણાને મુકાયા, એસ.જે.દેસાઇને ધરમપુર સીપીઆઈમાં મુકાયા

(કાર્તિક બાવીશી દ્વારા )વાપી ટાઉન પોલીસ મથકના પીઆઇ એસ. જે. બારિયાને અચાનક એલઆઇબી તરીકે ખસેડાયા છે. જેને લઇ સમગ્ર પોલીસ વર્તુળમાં ભારે ચકચાર મચી ગઇ છે. પીઆઇ બારિયાને પણ મયંક ત્રિવેદીનો દારૂનો કેસ નડી ગયો હોવાની ચર્ચા ચાલી રહી છે. તેમના પોલીસ મથકે ચાલેલી ગેરરિતીના પગલે તેમની બદલી થઇ હોવાનું મનાઇ રહ્યું છે. 

 વાપી ટાઉન પીઆઇની ખાલી પડેલી જગ્યાએ ધરમપુર સીપીઆઇ આર.ડી. મકવાણાની બદલી થઇ છે. જ્યારે એલઆઇબીમાં ફરજ બજાવતા પીઆઇ એસ. જે. દેસાઇની ધરમપુર સીપીઆઇ તરીકે બદલી થઇ છે.વલસાડમાં 3 પીઆઇની બદલીની ચર્ચા જોરશોરથી ચાલી રહી છે. દારૂના કેસમાં 3 આરોપીઓને છોડવાના કેસમાં પીએસઆઇ મિયાત્રાને સસ્પેન્ડ કરાયા બાદ ખાસ કરીને વાપી ટાઉન પોલીસ મથકના પીઆઈની બદલી કરી તેમને સજા રૂપી એલઆઇબીમાં મુકાયા હોવાનું ચર્ચાઇ રહ્યું છે.

(12:28 pm IST)
  • વિપક્ષી નેતાઓ ઉપર આવકવેરાની ધોંસ : ચૂંટણી એફીડેવીડના સંદર્ભે સંખ્યાબંધ વિરોધપક્ષના નેતાઓને આવકવેરા ખાતાએ નોટીસો આપ્યાનું જાણવા મળે છે સત્તાવાર વિગતો હવે જાહેર થશે.. (ન્યુઝફર્સ્ટ) access_time 3:13 pm IST

  • લડાખ સરહદે વધુ સૈનિકો મોકલવાનું બંધ કરવા ચીન અને ભારત વચ્ચે સમજૂતી : ચીન અને ભારત બંને સરહદ ઉપર, ફ્રન્ટ લાઈન ઉપર, વધુ સૈનિકો મોકલવાનું બંધ કરવા, જમીન પરની હાલની પરિસ્થિતિ એકતરફી નહિ બદલવા, અને પરિસ્થિતિને જટિલ બનાવી શકે તેવા કોઈપણ પગલાં લેવાનું ટાળવા માટે સહમત થયા હોવાનું ચીનના રાષ્ટ્રીય સંરક્ષણ મંત્રાલયના પ્રવક્તાએ જણાવ્યુ છે. ચીન અને ભારત બંને દેશોનું સત્તાવાર સંયુક્ત નિવેદન ટૂંક સમયમાં જાહેર થશે. access_time 11:59 pm IST

  • રાજકોટ : ઝોન 8 માં બેસતા વરિષ્ઠ નોટરી કે. કે. મહેતાનું કોરોના ને લીધે દૂ:ખદ અવસાન થયાનું જાણવા મળે છે. access_time 12:10 am IST