Gujarati News

Gujarati News

News of Tuesday, 22nd September 2020

કૃષિ બીલોના વિરોધમાં કોંગ્રેસ કરશે દેશવ્યાપી સહી ઝુંબેશ આંદોલન : બે કરોડ ખેડુતોના કરાવશે હસ્તાક્ષર

તમામ રાજ્યોમાં પ્રેસ કોન્ફ્રન્સ :રાજભવન સુધી પદયાત્રા કઢી રાષ્ટ્રપતિના નામ આવેદન રાજ્યપાલને સોંપશે : દરેક જિલ્લામાં ધારણા પ્રદર્શન અને ખેડૂત સંમેલન કરશે

નવી દિલ્હી : સંસદમાં પસાર થયેલા કુષિ બીલો મુદ્દે મોદી સરકાર વિરુદ્ધ કોંગ્રેસ પાર્ટીએ પચાસ દિવસોના દેશ વ્યાપી આંદોલનનું એલાન કરતા કહ્યું કે, આ બીલો વિરુદ્ધ તેઓ દેશભરમાં બે કરોડ ખેડુતોની સહી કરાવશે.

કોંગ્રેસ કાર્યાલયમાં સોનિયા ગાંધીની સલાહકાર સમિતિ સાથે પાર્ટી મહાસચિવો અને પ્રભારિઓની બેઠકમાં આ નિર્ણય લેવામાં આવ્યો કે આ અઠવાડિયા દરેક રાજ્યોમાં કોંગ્રેસના મોટા મોટા નેતા પ્રેસ કોન્ફરન્સ કરશે અને પદયાત્રા કાઢશે. 2 ઓક્ટોબર એટલે કે ગાંધી જયંતિના દિવસે કોંગ્રેસ કિસાન-મજુર બચાઓ દિવસ તરીકે મનાવશે. જે હેઠળ દરેક જિલ્લામાં કોંગ્રેસના કાર્યકર્તાઓ ધરણાં કરશે.

સોનિયા ગાંધીના નિર્દેશ પર થયેલી આ બેઠક બાદ આંદોલનની રૂપરેખા જણાવતા સંગઠન મહાસચિવ કેસી વેણુંગોપાલે જણાવ્યું કે, સૌથી પહેલા 24 સપ્ટેમ્બર સુધી દરેક રાજ્યોમાં પ્રેસ કોન્ફરન્સ કરવામાં આવશે. જે બાદ 28 સપ્ટેમ્બર સુધી દરેક રાજ્યમાં નેતા રાજભવન સુધીની પદયાત્રા કાઢી રાષ્ટ્રપતિના નામ આવેદન પત્ર રાજ્યપાલને સોંપશે. 2જી ઓક્ટોબરે દરેક જિલ્લામાં ધરણાં પ્રદર્શન થશે અને 10 ઓક્ટોબરે દરેક રાજ્યમાં ખેડુત સમ્મેલન કરવામાં આવશે.

કોંગ્રેસના કાર્યકર્તાઓ 31 ઓક્ટોબર સુધી ગામડે-ગામડે જઈને સહી ઝુંબેશ ચલાવશે. પાર્ટીએ 2 કરોડ હસ્તાક્ષર કરાવવાનો લક્ષ્‍ય રાખ્યો છે. જેને 14 નવેમ્બરે રાષ્ટ્રપતિને સોંપવાની રણનીતિ બનાવવામાં આવી

(8:51 am IST)
  • સ્ટેમ્પ ડયુટી-દસ્તાવેજ મુલ્યાંકન માટે પુન : ધમધમાટઃ ગ્રામ્ય લેવલે હાલ રપ૦૦ તો સીટી-૧માં હાલ પરપ દસ્તાવેજો પેન્ડીંગઃ દર મહિને ૧પ૦ને ફટકારાતી નોટીસઃ ૬ મહિનામાં ૭૦ લાખની વસુલાત :સ્ટેમ્પ ડયુટી ડે. કલેકટર પુજા જોટાણીયાએ પત્રકારોને જણાવ્યું હતું કે કોરોનાને કારણે ઠપ્પ થયેલ સ્ટેમ્પ ડયુટી મુલ્યાંકન કામગીરીનો ફરી ધમધમાટ શરૂ કરાયો છેઃ જસદણમાં કામગીરી નીલ કરી દેવાઇ છેઃ ગોંડલ-ધોરાજીમાં કામગીરી ચાલુઃ શ્રી પૂજા જોટાણીયા પાસે ગ્રામ્ય લેવલ (વિભાગ-૧)માં રપ૦૦ તો રાજકોટ સીટી-૧ માં હાલ પરપ દસ્તાવેજો પેન્ડીંગઃ દર મહિને ૧પ૦ આસામીઓને ફટકારાતી નોટીસોઃ માત્ર ૬ મહિનામાં ૭૦ લાખથી વધુની વસુલાત access_time 3:04 pm IST

  • મુંબઈમાં અત્યારે મોડી રાત્રે પણ ભારે વરસાદ ચાલુ છે. વીજળીની ગાજવીજ અને કડાકા-ભડાકા વચ્ચે જોરદાર વરસાદ પડી રહ્યો છે. આજે અને કાલે ભારે વરસાદની આગાહી છે. access_time 11:51 pm IST

  • રાજ્યસભાના સાંસદોના ધરણાં ખતમ : વિરોધ પક્ષો સંસદનો બહિષ્કાર કરશે : જ્યાં સુધી 8 સભ્યોનું સસ્પેન્સન ચાલુ રહેશે ત્યાં સુધી વિરોધ પક્ષો સંસદમાં હાજરી નહીં આપે : વિરોધ પક્ષના નેતા ગુલામ અબી આઝાદની ઘોષણાં access_time 11:56 am IST