Gujarati News

Gujarati News

News of Tuesday, 22nd September 2020

રાત્રે માંડવી અને બારડોલીમાં બે કલાકમાં 2 ઇંચ વરસાદ તૂટી પડ્યો : ભારે પવન અને વીજળીના કડાકા ભડાકા સાથે વરસાદ

પલસાણા, કામરેજ, મહુવા,માંગરોળ અને ઉમરપાડા તાલુકામાં પણ વરસાદ

સુરત : સુરત જિલ્લાના કેટલાક તાલુકાઓમાં  રાત્રે પવનના સુસવાટા અને કડાકા ભડાકા ભારે વરસાદ થતાં વાતાવરણમાં ઠંડક પ્રસરી ગઈ હતી. માંડવી અને બારડોલીમાં બે કલાકમાં જ 2 ઇંચ જેટલો વરસાદ ખાબક્યો હતો.

જિલ્લાના બારડોલી, માંડવી,પલસાણા, કામરેજ, મહુવા,માંગરોળ અને ઉમરપાડા તાલુકામાં અચાનક વાતાવરણમાં પલટો આવ્યો હતો અને પવન સાથે ભારે વરસાદ વરસવાનું શરૂ થયું હતું. ગાજવીજ અને ભારે પવન સાથે વરસેલા વરસાદને કારણે વાતાવરણ બિહામણું બની ગયું હતું. કેટલાક વિસ્તારોમાં વીજળી ગુલ થઇ જતાં અંધારપટ છવાઈ ગયો હતો.

 બારડોલી શહેર ઉપરાંત ગ્રામ્ય વિસ્તારમાં પણ અતિ ભારે વરસાદને કારણે લોકોની મુશ્કેલી વધારી દીધી હતી. બારડોલી તાલુકામાં રાત્રીના 8 થી 10 વાગ્યા સુધીના બે કલાકમાં 48 મીમી એટલે કે લગભગ 2 ઇંચ વરસાદ થયો હતો. આ સમાચાર લખાય રહ્યા છે ત્યારે 10.30 વાગ્યે પણ વરસાદ વરસવાનું ચાલુ જ હતું. અન્ય તાલુકાઓની વાત કરવામાં આવે તો કામરેજમાં 8 મિમી, મહુવા માં 32 મિમી, માંડવી 48મિમી, માંગરોળ 15મિમી, પલસાણા 22મિમી, ઉમરપાડા 19મિમી વરસાદ નોંધાયો હતો.

(12:10 am IST)
  • સ્ટેમ્પ ડયુટી-દસ્તાવેજ મુલ્યાંકન માટે પુન : ધમધમાટઃ ગ્રામ્ય લેવલે હાલ રપ૦૦ તો સીટી-૧માં હાલ પરપ દસ્તાવેજો પેન્ડીંગઃ દર મહિને ૧પ૦ને ફટકારાતી નોટીસઃ ૬ મહિનામાં ૭૦ લાખની વસુલાત :સ્ટેમ્પ ડયુટી ડે. કલેકટર પુજા જોટાણીયાએ પત્રકારોને જણાવ્યું હતું કે કોરોનાને કારણે ઠપ્પ થયેલ સ્ટેમ્પ ડયુટી મુલ્યાંકન કામગીરીનો ફરી ધમધમાટ શરૂ કરાયો છેઃ જસદણમાં કામગીરી નીલ કરી દેવાઇ છેઃ ગોંડલ-ધોરાજીમાં કામગીરી ચાલુઃ શ્રી પૂજા જોટાણીયા પાસે ગ્રામ્ય લેવલ (વિભાગ-૧)માં રપ૦૦ તો રાજકોટ સીટી-૧ માં હાલ પરપ દસ્તાવેજો પેન્ડીંગઃ દર મહિને ૧પ૦ આસામીઓને ફટકારાતી નોટીસોઃ માત્ર ૬ મહિનામાં ૭૦ લાખથી વધુની વસુલાત access_time 3:04 pm IST

  • દેશમાં કોરોનાના કહેર વચ્ચે એક્ટીવ કેસમાં ઘટાડો : સતત ચોથા દિવસે નવા કેસ કરતા રિકવર થનારની સંખ્યા વધતા એક્ટિવ કેસ ગઈકાલના 10 લાખની અંદર સરક્યા: નવા કેસ અને રિકવર વચ્ચે સતત વધતો ગેપ : રિકવરી રેઈટ 80 ટકાથી વધુ access_time 11:04 pm IST

  • શાળાઓમાં શિક્ષકોની દસ લાખ જગ્યાઓ ખાલી પડી છે : દેશની શાળાઓમાં શિક્ષકોની 10 લાખથી વધુ જગ્યા ખાલી હોવાનું કેન્દ્રીય માનવ સંસાધન વિકાસ પ્રધાન શ્રી નિશંકે લોકસભામાં જણાવ્યું હતું. access_time 12:03 am IST