Gujarati News

Gujarati News

News of Saturday, 22nd September 2018

પગાર વધારાનો લાભ લેનારા રાજ્યના 141 ધારાસભ્યો કરોડપતિ : બીજેપીના 99માંથી 88 અને કોંગીના 77માંથી 54 ધારાસભ્યો કરોડોપતિ

સૌરભ પટેલ પાસે સૌથી વધુ 123 કરોડની સંપત્તિ :ધનજીભાઈ પટેલ અને જવાહર ચાવડા પસે પણ 100 કરોડથી વધુ સંપત્તિ ;જીજ્ઞેશ મેવાણી પાસે સૌથી ઓછી

પગાર વધારાનો લાભ લેનારા રાજ્યના 141 ધારાસભ્યો કરોડપતિ : બીજેપીના 99માંથી 88 અને કોંગીના 77માંથી 54 ધારાસભ્યો કરોડોપતિ

ગુજરાત સરકારે તમામ ધારાસભ્યોના પગાર અધધ 65 ટકા વધારી દીધા હતા ત્યારે પ્રજાજનોમાં ભારે રોષ ફેલાયો છે રાજ્યના  182 ધારાસભ્યોમાંથી 141 કરોડપતિ છે. છતાંય એમ કહેવાતું હતું કે ધારાસભ્યોને પગાર ઓછો પડતો હતો. અને ખર્ચમાં પહોંચી વળતા ન હતા.

પગારવધારો થયો તેવા ગુજરાતના ૧૮૨ ધારાસભ્યોમાંથી ૧૪૧ કરોડોની સંપત્તિ ધરાવે છે એટલેક કે 77 ટકા ધારાસભ્યો કરોડપતિ છે. ભાજપના ૯૯માંથી ૮૪,  કોંગ્રેસના ૭૭માંથી ૫૪ ધારાસભ્યો કરોડપતિ છે. તો ભારતીય ટ્રાયબલ પાર્ટીના ૨ અને એનસીપીના ૧ ધારાસભ્ય પણ કરોડપતિ છે. ૧૮૨ ધારાસભ્યોની સરેરાશ રૂ. ૮.૦૩ કરોડની સંપત્તિ ધરાવે છે.

   ભાજપના સૌરભ પટેલ સૌથી વધુ રૂ. ૧૨૩ કરોડની સંપત્તિ ધરાવે છે. ભાજપના જ ધનજીભાઇ પટેલ, કોંગ્રેસના જવાહર ચાવડાની પણ રૂ. ૧૦૦ કરોડથી વધુની સંપત્તિ છે. ડિસેમ્બર ૨૦૧૭ અનુસાર સૌથી ઓછી સંપત્તિ હોય તેવા ધારાસભ્યોમાં રૂ. ૧૦.૨૫ લાખ સાથે વડગામના અપક્ષ ધારાસભ્ય જિજ્ઞેશ મેવાણીનો સમાવેશ થાય છે.

(1:35 pm IST)
  • સુરેન્દ્રનગર નર્મદા વિભાગે આપેલી સિંચાઈ માટેની પાણીની ભૂગર્ભ લાઈનો તૂટી:ખેડૂતોનાં ખેતરો પાણી ભરાયા: નર્મદા સિંચાઈનું પાણી ખેડૂતોનાં ખેતર જતા પાકને નુકશાન:લખતર તાલુકાનાં ભાલાળા ગામના ખેડૂતોના ખેતરમાં પાણી ભરાયા:સિંચાઈનું પાણી વેડફાયું ખેડૂતો કરી સિંચાઈ વિભાગના જાણ : તંત્ર નથી ફરક્યું access_time 10:45 pm IST

  • પોરબંદરના કુતિયાણામાં મુસ્લિમ યુવાનની હત્યા:બાવળાવદરના કામુશા પીરની દરગાહ પાસેનો બનાવ:રાજકોટના જાવેદ ઉથમણા નામના યુવાનની હત્યા:જાવેદની પત્નીની છેડતી બાબતે બોલાચાલી થતા 3 શખ્સો એ છરી ના ઘા ઝીંકી મોતને ઘાટ ઉતાર્યાની શંકા:કુતિયાણા પોલીસ અને પોરબંદર એલસીબી પોલીસ ઘટના સ્થળ પર પહોંચી access_time 10:19 pm IST

  • કર્ણાટક ભાજપે મુખ્યમંત્રી એચડી કુમારસ્વામી પર દેશદ્રોહીનો આરોપ લગાવ્યો અને ભગવા પાર્ટી વિરુદ્ધ લોકોને વિદ્રોહ કરવાની ટિપ્પણીને લઇને કાર્યવાહી કરવા માંગ કરી :પોલીસ વડા નીલમણી એન,રાજુને ફરિયાદપત્ર સોંપ્યો ;ભાજપ દ્વારા મુખ્યમંત્રી પર આરોપ લગાવી કાર્યવાહી કરવા માંગણી access_time 1:11 am IST