Gujarati News

Gujarati News

News of Monday, 22nd July 2019

અમદાવાદના નરોડાની ઘટના

મામાએ ભાણી પર દુષ્કર્મ આચરતાં ગર્ભવતી બની : અધૂરા મહિને બાળકને જન્મ આપ્યો

અમદાવાદ તા.૨૨: અમદાવાદમાં મામાએ ભાણી પર અવારનવાર દુષ્કર્મ આચરી ગર્ભવતી બનાવી હોવાની ઘટના સામે આવી છે. દુષ્કર્મ બાદ સગીર વયની ભાણકી ગર્ભવતી બનતા સમગ્ર મામલો સામે આવ્યો હતો. મામાએ ભાણી સાથે જબરદસ્તી શરીર સંબંધ બાંધી  તેના પર અવારનવાર દુષ્કર્મ આચર્યુ હતુ. તેને પેટમાં દુઃખાવો ઉપડતા માતા-પિતા સગીરાને દવાખાને લઇ ગયા ત્યારે સોનોગ્રાફીમાં તેને ગર્ભ હોવાનું બહાર આવ્યુ હતુ. ગર્ભવતી બનેલી સગીરાએ અધુરા મહિને એક બાળકને જન્મ આપ્યો હતો. આ સમગ્ર ઘટના બાદ સગીરાના પિતાએ શહેર કોટડા પોલીસ મથકમાં મામા વિરૂધ્ધ બળાત્કારની ફરિયાદ નોંધાવી છે.

બનાવની વિગત એવી છે કે ફરિયાદી અમદાવાદના નરોડા વિસ્તારના  રહેવાસી છે. તેમના પત્નીના માસી પણ નજીકમાં જ રહે છે. દરમ્યાન તે નોકરી પર હતા ત્યારે ફરિયાદીની પત્નીએ ફોન કરીને દીકરીને પેટમાં દુઃખાવો થતો હોવાની જાણ કરી હતી. પત્નીના ફોન બાદ ઘરે ગયેલા ફરિયાદીએ દીકરીને ડોકટરની તપાસ કરાવી હતી. ડોકટરની તપાસમાં તે ગર્ભવતી હોવાનું ખૂલતા ખળભળાટ મચી ગયો હતો. (૧૭.૪)

(11:52 am IST)
  • રાજકોટમાં વધુ એક સરેઆમ હત્યા : શાસ્ત્રી મેદાન નજીક હત્યા :શાસ્ત્રી મેદાન નજીક બે રિક્ષા ચાલક વચે મોટી બબાલ બાદ ખેલાયો : રજાક પર સાજીદ દ્વારા છરી વડે હુમલો કરતા હત્યા થયાંનાં અહેવાલ : હત્યારો રિક્ષા ચાલક સાજીદ ફરાર access_time 6:45 pm IST

  • રાજકોટના મવડી વિસ્તારમા સાંજે જાણે નદી વહેતી કોઈ તેવા દ્રશ્યો સર્જાયા : મવડી વિસ્તારના કાવેરી પાર્કમાં પાણીના પ્રચંડ પ્રવાહમાં એક ગાડી અટવાય : સ્થાનિક લોકો અને ફાયર બ્રિગેડના જવાનોએ સાથે મળી કારચાલકનો કર્યો બચાવ : રાજકોટમાં વરસાદને પગલે વોકળામાં જતા પાણીના પ્રવાહમાં તણાઈ રહી હતી કાર : બન્ને બાજુથી દોરડા બાંધી કાર અને કાર ચાલકને બચાવી લેવાયા (વિડીયો - સંદીપ બગથરીયા) access_time 10:33 pm IST

  • શેરબજારમાં ૩૦૦ પોઇન્ટનું ગાબડુઃ બજેટ બાદ શેરબજાર સતત ઓગળી રહયું છેઃ આજે પણ ગાબડુઃ ૧૦.૧પ કલાકે સેન્સેકસ ૩૦૮ પોઇન્ટ ઘટીને ૩૮૦૩૪ અને નીફટી ૭પ પોઇન્ટ ઘટીને ૧૧૩૪૩ ઉપર છેઃ ડોલર સામે રૂપિયો ૬૮.૯૯ ઉપર ટ્રેડ કરી રહ્યો છે access_time 11:36 am IST