Gujarati News

સુરતઃસુરતના આઠવા લાઇન્સ વિસ્તારની કોર્ટમાં આજે નવમા માળેથી આશરે ૩૦ વર્ષની પરિણીતા સિમ્પીસીંગ રાજપૂતે  પડતું મુકી  આપઘાત કરી લેતા દોડધામ મચી ગઇ હતી. પાડેસરા વિસ્તારમાં રહેતી આ યુવતીએ તેના પતિ અને સાસરિયાઓ સામે દહેજ મામલે ત્રાસની ફરિયાદ નોંધાવી હતી. આ અંગે આજે કોર્ટમાં તારીખ હોવાથી  સિમ્પીસીંગ હાજર રહી હતી. એ પછી ગમે તે થયું મહિલાએ નવમા માળેથી મોતની છલાંગ લગાવી દીધી હતી.

વકીલે ૧૦૮ બોલાવી હતી  પરંતુ હોસ્પિટલ લાશ જ પહોંચી હતી. પોલીસના જણાંવ્યા મુજબ મરનારના પતિનુ નામ લાલચંદસીંગ રાજપૂત છે.  અને તે લુમ્સમાં નોકરી કરે છે.