Gujarati News

Gujarati News

News of Friday, 22nd June 2018

મધરાત્રે વડોદરાના માંજલપુરમાં કલાક સુધી લાઈટ ગુલ થતા રહીશોને હાલાકી

વડોદરા:ગઇ મોડી રાત્રે શહેરના માંજલપુર વિસ્તારમાં લગભગ સવા કલાક સુધી લાઇટો જતાં ગરમી- બફારાથી અકળાયેલા લોકો પથારી છોડીને, હવા ખાવા રોડ પર આવી ગયા હતા.

પ્રાપ્ત વિગતો અનુસાર, ગઇ મોડી રાત્રે ૧ ના સુમારે એમજીવીસીએલના લાલ બાગ સબડિવિઝનના ૧૧ કેવી માંજલપુર ફીડરમાં અજ્ઞાાત કારણોસર કેબલ ફોલ્ટ થતાં એને 'એટેન્ડ' કરવા માટે કરવા પડેલા શટડાઉનથી માંજલપુર સહિતના આસપાસના કેટલાક વિસ્તારોમાં એકાએક લાઇટો ગુલ થઇ ગઇ હતી. જેના પરિણામે ઘરના પંખા, કૂલર અને એ.સી. મશીન અટકી ગયા હતા. જેથી ત્રાહિમામ ગરમીમાં લોકો ઠંડક મેળવવા રોડ પર આવી ગયા હતા.

તરસાલી સબસ્ટેસનમાં ૧૪ ફીડર કાર્યરત છે, જે પૈકી માંજલપુર ફીડરથી ઇન્દ્ર કોમ્પ્લેક્ષ, સનશાઇન ગ્લોબલ હોસ્પિટલ અને શ્રેયસ વિદ્યાલય આસપાસના વિસ્તારોમાં વીજપુરવઠો પહોંચે છે.

(6:28 pm IST)
  • જમ્મુ-કાશ્મીરમાં રાજ્યપાલ શાસન બાદ ગવર્નર એનએન વ્હોરાએ સર્વપક્ષીય બેઠક બોલાવી :ભાજપ અને પીડીપીની ગઠબંધન સરકાર તૂટી પડ્યાના એક દિવસ બાદ રાજ્યપાલ શાસન લાગુ :ભાજપે ટેકો પાછો ખેંચતા મહેબુબા મુફ્તીની સરકાર અલ્પમતમાં આવતા તેણીએ રાજીનામુ આપ્યું હતું access_time 12:58 am IST

  • બોટાદ પંથકમાં વરસાદ ; પાળીયાદ,તરઘડા લાઠીદડ સહિતના ગામોમાં વરસાદ વરસ્યો ;મોડીસાંજે હવામાનમાં પલટો ;ધરતીપુત્રોમાં હરખની હેલી :ગરમીમાં રાહતથી લોકોમાં ખુશીનો માહોલ access_time 1:10 am IST

  • છોટા ઉદયપુરમાં તેજ ગઢમાં વરસાદનું આગમન : છેલ્‍લા દોઢ કલાકથી વરસાદ વરસી રહ્યોના વાવળ : વીજળી ગુલ થયાની પણ ફરીયાદ નોંધાઇ access_time 11:13 pm IST