Gujarati News

Gujarati News

News of Wednesday, 22nd May 2019

સુરતની સગીરાને તેની બહેનપણી સાથે ગોવા ભગાડી જઇ યુવકે કર્યું દુષ્કર્મ : પાલીતાણાથી નરાધમ ઝડપાયો

કાપોદ્રા પોલીસે પાલિતાણાથી પંકજને પકડી પાડી બંને સગીરાને મુકત કરાવી

સુરત તા. ૨૨ : સુરતની સગીરાને તેની ફ્રેન્ડ સાથે ભગાડી જઈને નાના વરાછામાં રહેતા યુવકે દુષ્કર્મ ગુજાર્યું હતું. કાપોદ્રા પોલીસે પાલીતાણાથી યુવકને ઝડપી લઈને બંને સગીરાને મુકત કરાવી છે.

આ અંગે મળતી વિગત મુજબ સુરતના નાના વરાછાનો યુવક નજીકમાં રહેતી ધોરણ ૧૧ની વિદ્યાર્થિનીને લલચાવી ફોસલાવી ગોવા, મહારાષ્ટ્ર અને ભાવનગર ભગાડી જઇ શારીરિક શોષણ કર્યું હતું. વિદ્યાર્થિની સાથે તેણીની સરથાણા સાથેની ફ્રેનને પણ યુવક ભગાડી ગયો હતો. કાપોદ્રા પોલીસે પાલિતાણાથી યુવકને પકડી બંને સગીરાને મુકત કરાવી હતી.

મળતી માહિતી પ્રમાણે નાના વરાછામાં શકિતવિજય સોસાયટીમાં રહેતા પંકજ મગનભાઇ સોલંકી થોડા દિવસો પહેલાં નજીકમાં જ રહેતી ધોરણ ૧૧માં અભ્યાસ કરતી ૧૬ વર્ષીય સગીરાને ભગાડી ગયો હતો. લલચાવી ફોસલાવી તે સગીરાને ભગાડી જતાં કાપોદ્રા પોલીસમાં અપહરણનો ગુનો દાખલ થયો હતો. દરમિયાન સગીરાની સરથાણામાં રહેતી બહેનપણી પણ ગાયબ હોવાથી તેણીના પરિવારજનોએ પણ સરથાણા પોલીસમાં ફરિયાદ આપી હતી.

ઙ્ગદરમિયાન કાપોદ્રા પોલીસની ટીમે આ કેસને ગંભીરતાથી લઇને તપાસ કરતા પંકજ સોલંકી નામનો યુવક બંને સગીરાને ભગાડી ગયો હોવાની અને તેઓ પાલિતાણા આવવાના હોવાની પોલીસને બાતમી મળતા કાપોદ્રા પોલીસે પાલિતાણા જઇ પંકજને પકડી પાડી બંને સગીરાનો કબજો મેળવ્યો હતો.

(4:15 pm IST)