Gujarati News

વલસાડના ગુંદલાવ ગામે એક કંપનીમાં ભીષણ આગ ભભયુક્ત અલગ અલગ ગામના સાત ફાયર ફાઈટરોએ ભારે જહેમત બાદ કાબુમાં લીધી છે.

 આ અંગે મળતી વિગત મુજબ ગુંદલાવ ખાતેની શક્તિ ટેક નામની કંપમનીમાં આગ લાગી હતી. જેથી થોડીવાર માટે ભાગદોડ સર્જાઈ હતી.ઘટનાની જણ થતા વલસાડ ફાયર ફાઈટર દોડી આવ્યુ હતુ.અને આગ પર કાબુ મેળવવાના પ્રયાસોકર્યા હતા.

  જોકે આગે વિકરાળ સ્વરૂપ ધારણ કર્યુ હતુ. અને કંપનીમાં રહેલા ઈન્કના ડ્રમ હવામાં ઉડતા જોવાયા હતા જેના કારણે  સ્થાનિકોમાં ફફડાટ જોવા મળ્યો હતો.જોકે બાદમાં બ્રિગેડ કોલ જાહેર કરવામાં આવતા વલસાડ, અતુલ, વાપી, નવસારી, ધરમપુર, પારડી સહિતના સાત ફાયર ફાઈટરો દોડી આવ્યા હતા અને આગ પર કાબુ મેળવવાની કામગીરી કરી હતી.