Gujarati News

Gujarati News

News of Tuesday, 22nd May 2018

મેડિસીનમાં અભ્યાસ વધારે ખર્ચાળ બનવાના સ્પષ્ટ સંકેત

૧૦થી ૩૦ ટકાના ફી વધારાની માંગણી કરાઈઃ સેલ્ફ ફાઈનાન્સ કોલેજોમાં જંગી ફી વધશે : ૨.૫૫ લાખ પ્રતિવાર્ષિક સુધી ફી વધશે : પીજી મેડિકલમાં ફી વધશે

અમદાવાદ, તા.૨૨: ગુજરાતમાં મેડિસીનમાં અભ્યાસ કરવાની બાબત આગામી દિવસોમાં વધારે મોંઘી સાબિત થઇ શકે છે. કારણ કે, પ્રાઇવેટ સેલ્ફ ફાઈનાન્સ કોલેજો અને પેરામેડિકલ સ્પેક્ટ્રમ દ્વારા ફીમાં ૧૦થી ૩૦ ટકા સુધીના વધારાની માંગણી કરી છે. સેલ્ફ ફાઈનાન્સ કોલેજોમાં ફીમાં જંગી વધારાની માંગણી કરવામાં આવ્યા બાદ મેડિસીનમાં અભ્યાસ કરવાની બાબત વધુ ખર્ચાળ બની શકે છે. મેડિકલમાં હાલ ૨૩ કોલેજો છે અને સીટોની સંખ્યા ૩૬૮૦ છે અને વર્તમાન સરેરાશ ફીની રેંજ વાર્ષિક ૩ લાખથી ૧૭ લાખ રૂપિયાની છે. આવી જ રીતે ડેન્ટલમાં ૧૩ કોલેજો છે અને ૧૧૫૫ સીટો છે જ્યારે ફી ૨.૭થી ૩૫ લાખની છે. એક અગ્રણી અંગ્રેજી અખબારમાં આ અંગેના અહેવાલ પ્રકાશિત કરવામાં આવ્યા બાદ આને લઇને વાલીઓ પણ ચિંતાતુર દેખાઈ રહ્યા છે. પ્રતિવાર્ષિક ૬૦૦૦ રૂપિયાની ફી સાથે સરકારી મેડિકલ કોલેજોની સંખ્યામાં મેડિકલ સીટ પણ મહત્વપૂર્ણ બની ગઈ છે. બીજે મેડિકલ કોલેજમાં સીટોની સંખ્યા ૨૫૦ છે જ્યારે એસએસજી વડોદરામાં મેડિકલ સીટોની સંખ્યા ૨૫૦ છે જ્યારે સુરત મેડિકલ કોલેજમાં સીટોની સંખ્યા ૨૫૦ છે. હાલમાં મેડિકલ ફીને લઇને વિદ્યાર્થીઓ અને વાલીઓ પરેશાન રહ્યા છે. ખાનગી મેડિકલ કોલેજોમાં જ્યાં ૩૬૮૦ સીટો રહેલી છે. વરિષ્ઠ શિક્ષણ વિભાગના અધિકારીઓ પહેલાથી જ ફીમાં વધારો ૪૫૦૦૦થી લઇને ૨.૫૫ લાખ સુધીનો પ્રતિવાર્ષિકની અપેક્ષા રાખી રહ્યા છે જ્યારે પીજી મેડિકલ કોર્સ ફીમાં વધારો ૧.૫ લાખ સુધીનો રહી શકે છે જ્યાં વર્તમાન ફી પ્રતિવાર્ષિક ૮ લાખ રૂપિયા છે. આ ઉપરાંત મેડિકલ, ડેન્ટલ, પેરામેડિકલ, આયુર્વેદિક, નર્સિંગ, ફિજિયોથેરાપીની સીટોની ઓફર પણ ગુજરાતમાં પ્રાઈવેટ-સેલ્ફ ફાઈનાન્સ કોલેજો દ્વારા કરવામાં આવી રહી છે. જંગી ફી વધારાની માંગ કરાઈ છે.

(10:04 pm IST)
  • જામનગરમાં PI અને PSIની બદલીઓ કરતા જિલ્લા પોલીસ વડા : પાંચ PI અને બે PSIની બદલીઓ કરવામાં આવી : સીટી બી ડિવિઝનના પીઆઇ રવિરાજસિંહ જાડેજાને અમદાવાદ શહેર બદલી કરાઇ : સીટી એ ડિવિઝનના પીઆઇ કે આર સક્સેનાની એસીબીમાં બદલી કરવામાં આવી : સિટી બી ડિવિઝનમાં નવા પીઆઇ તરીકે કે પી જોષીની નિમણૂક : સીટી સી ડિવિઝનના પીઆઇની ખાલી જગ્યા પર યુ સી માર્કન્ડે મુકાયા : સિટી એ ડિવિઝનમાં પીઆઇ તરીકે એમ એમ રાઠોડની નિમણુંક કરાઇ : જ્યારે બે પીએસઆઇની જિલ્લામાં આંતરિક બદલીઓ કરવામાં આવી : જાહેર હિત અને વહીવટી હિત ખાતર બદલીઓ કરતા જિલ્લા પોલીસ વડા પ્રદીપ સેજુળ access_time 2:04 am IST

  • લોકશાહી બચાવવા તમામ પક્ષોએ એકજુથ થવું જરૂરી :2019માં ભાજપને હરાવવા આમઆદમી પાર્ટી તમામ વિપક્ષ સાથે મળીને લડશે :આજે બંધારણ ખતરામાં છે અને તેને બચાવવું સમયની માંગ છે :આપના સાંસદ સંજયસિંહએ કહ્યું કે કુમારસ્વામીના શપથ સમારોહમાં આપ પાર્ટી જોડાશે access_time 1:38 am IST

  • કચ્છના ભાનાડામાં જમીન મુદ્દે થયેલા ફાયરીંગમાં પિતાનું મોતઃ બે પુત્રોને ઈજાગ્રસ્ત હાલતમાં હોસ્પીટલે ખસેડાયાઃ શીખ પરિવારના બે જુથ વચ્ચે અથડામણ access_time 12:40 pm IST