Gujarati News

Gujarati News

News of Thursday, 22nd April 2021

મહુધા તાલુકાના ઉંદરીયા ગામે સાસરિયાના ત્રાસથી કંટાળી પરિણીતાએ ફાસો ખાઈ જીવનલીલા સંકેલી લેતા સાસરિયા વિરુદ્ધ ગુનો દાખલ

મહુધા:તાલુકાના ઉંદરીયા વિસ્તારમાં રહેતી એક પરણિતાએ બે દિવસ પહેલા આપઘાત કરી જીવન ટુકાવ્યુ હતુ. બનાવમાં સાસરીયાઓ દ્વારા આપવામાં આવતો ત્રાસ સહન થતા પરણીતાએ મોતને વ્હાલુ કર્યુ હતુ. બનાવ અંગે પરણીતાના પિતાએ મહુધા પોલીસ મથકે ત્રણ વ્યક્તિઓ વિરુધ્ધ ફરિયાદ નોંધાવી છે.

મહુધા તાલુકાના ઉંદરીયા ભાગોળ વિસ્તારમાં રહેતી ત્રેવિસ વર્ષીય પરણીતાએ ગત તા.૧૮ એપ્રિલના રોજ કોઇ અગમ્યા કારણોસર ગળે ફાંસો ખાઇ જીવન ટુકાવ્યુ હતુ. ઉર્મિલાબેન વિપુલભાઇ તળપદા ઉં.૨૩ પોતાની સાસરીમાં કોઇ અગમ્ય કારણોસર ગળેફાંસો ખાઇ લીધો હતો.

બનાવ અંગે પરણીતાના પિતાએ નોધાવેલ ફરિયાદ પ્રમાણે તેમની દિકરી ઉર્મિલાબેનના પતિ વિપુલભાઇ,સાસુ કુસુમબેન અને માસી સાસુ અમરતબેન સાથે અવારનાવર બોલચાલ થતી હતી.જેમાં પતિ વિપુલભાઇ કોઇ કામ ધંધો કરતા હોવાથી પતિ સાથે અણબનાવ રહેતો હતો.વળી પરણીતાના સાસુ અને માસી સાસુ મહેણાંટોણા મારી કહેતા હતા કે તે અમારી ઉપર ખોટા કસો કરાવેલા છે. જે અંગેની રીસ રાખી ત્રણેય વ્યક્તિઓ પરણીતાને મહેણાટોણા મારી માનસિંક શારીરિક ત્રાસ આપતા હતા. જે સહન થતા દિકરી ઉર્મિલાબેને આપઘાત કર્યો હોવાનુ જણાવ્યુ છે. બનાવ અંગે વિનુભાઇ બચુભાઇ તળપદા રહે,ખડીયાપુરા ઇન્દિરાનગરી તા.માતરે મહુધા પોલીસ મથકે વિપુલભાઇ ચીનુભાઇ તળપદા, કુસુમબેન ચીનુભાઇ તળપદા અને અમરતબેન ઉર્ફે મૂન્નીબેન તળપદા વિરુધ્ધ ફરિયાદ નોંધાવી છે. જ્યારે મહુધા પોલીસે ગુનો નોંધી આગળની કાર્યવાહી હાથ ધરી છે.

(6:50 pm IST)
  • મુખ્યમંત્રી વિજયભાઈ રૂપાણીએ એક આદેશ જાહેર કર્યો છે અને પોલીસતંત્રને કહ્યુ છે કે સ્કુટર ચાલકો અને મોટર ચાલકો પાસેથી માસ્ક પહેર્યુ ન હોય તે સિવાય બીજો કોઈપણ દંડ હાલના સંજોગોમાં વસૂલવો નહિં access_time 6:08 pm IST

  • દેશમાં કોરોનાએ હાહાકાર મચાવ્યો : તમામ રેકોર્ડ તોડ્યા : રાત્રે 12 વાગ્યા સુધીમાં કોરોનાના નવા સર્વાધિક 3.15.552 કેસ નોંધાયા : કુલ કેસની સંખ્યા 1.59.24.806 થઇ : એક્ટિવ કેસ 22.84.248 થયા : વધુ 1.79.407 દર્દીઓ સ્વસ્થ થતા કુલ 1,34,49,406 સ્વસ્થ થયા : વધુ 2101 લોકોના મોત સાથે કુલ મૃત્યુઆંક 1,84,672 થયો : દેશમાં સૌથી વધુ મહારાષ્ટ્રમાં નવા 67,468 નવા કેસ નોંધાયા access_time 1:39 am IST

  • કલેકટરની અપીલ : હળવા લક્ષણ ધરાવતા લોકો રેમડેસીવીર ઈન્જેકશનનો આગ્રહ ન રાખે : રાજકોટના ડોકટરો પણ ખોટુ દબાણ ન લઈ આવે : એન્ટીજન ટેસ્ટ પોઝીટીવ આવ્યો હોય એટલે ગભરાવવાની જરૂર નથી : ખોટી રીતે ઈન્જેકશન ન મેળવે : ડોકટરો પણ લોકોના દબાણથી થાકીને ઈન્જેકશન લખી આપે છે : રાજકોટમાં ફેબી ફલુ ટેબ્લેટનો પૂરતો સ્ટોક છે : સિવિલમાં ઓકિસજન જરૂરીયાતવાળા ૨૫૦ જેટલા ગંભીર દર્દીઓ છે : પગાર વધારા થયા બાદ ડોકટરો અને સ્ટાફ વધવા માંડ્યો છે : ૨ થી ૩ દિવસમાં ઈન્ડિયન મેડીકલ એસોસીએશન દ્વારા ટેલી મેડીશ્યન અને ટેલી મેન્ટરી સેવા પણ ચાલુ થઈ જશે : રાજકોટમાં ઓકિસજનની અછત છે પણ અમે મગાવી રહ્યા છીએ : કેન્સર કોવિડ હોસ્પિટલમાં ૨૦ બેડ વેન્ટીલેટર વાળા ચાલુ થઈ ગયા છે : સિવિલ બેડ કૌભાંડમાં પોલીસ તપાસ કરી રહી છે : જે કોઈ જવાબદાર હશે એને અમે નહિં મૂકીએ : કલેકટર રેમ્યા મોહનની પત્રકારો સાથેની વાતચીતમાં જાહેરાત access_time 12:42 pm IST