Gujarati News

Gujarati News

News of Thursday, 22nd April 2021

સુરતના રિંગરોડ નજીક 11.25 લાખની સાડી ખરીદી પેમેન્ટ ન કરનાર વિરુદ્ધ છેતરપિંડીની ફરિયાદ દાખલ

સુરત: શહેરના રીંગરોડની મિલેનીયમ માર્કેટના વેપારી પાસેથી રૂ. 11.25 લાખની સાડી ખરીદી પેમેન્ટ નહીં ચુકવી વિશ્વાસઘાત કરવા ઉપરાંત મારી નાંખવાની ધમકી આપતા સલાબતપુરા પોલીસ સ્ટેશનમાં ફરીયાદ નોંધાય છે.
રીંગરોડ સ્થિત મિલેનીયમ માર્કેટમાં રચના આર્ટ પ્રિન્ટ્સ પ્રા. લિ. માં વર્ષ અગાઉ કલા નિકેતન નામે સાડીનો વેપાર કરતા હિતેન પારેખ (રહે. કાન્હા કેપીટલ, એક્સપ્રેસ હોટલની સામે, દત્તરોડ, અલ્કાપુરી, વડોદરા) સાથે ધંધો શરૂ કર્યો હતો. હિતેન રૂબરૂમાં અને કયારેક ફોન પર સાડીનો ઓર્ડર આપતા હતો અને શરૂઆતમાં પેમેન્ટ પણ ચુકવી આપ્યું હતું. જો કે ઓક્ટોબર 2015થી જુલાઇ 2019 દરમિયાન હિતેને ટ્રાન્સપોર્ટ મારફતે ટુક્ડે-ટુક્ડે કુલ રૂ. 11.25 લાખની સાડીનો જથ્થો મંગાવ્યો હતો. પરંતુ નિયત સમયમાં પેમેન્ટ નહીં ચુકવી વાયદા પર વાયદા કર્યા હતા અને હવે જો ઉઘરાણી કરશો તો મારી નાંખવાની ધમકી આપી હતી. જેને પગલે રચના આર્ટ પ્રિન્ટ્સ પ્રા. લિ. ના વહીવટકર્તા સતીષ સુરેશભાઇ ભીડે (.. 59 રહે. 148, સરદાર પટેલ ટાઉનશીપ, વિજલપોર, નવસારી) અરજી કરી હતી. જેના આધારે સલાબતપુરા પોલીસે છેતરપિંડીનો ગુનો નોંધી તપાસ હાથ ધરી છે.

(6:49 pm IST)
  • દેશમાં કોરોનાએ હાહાકાર મચાવ્યો : તમામ રેકોર્ડ તોડ્યા : રાત્રે 12 વાગ્યા સુધીમાં કોરોનાના નવા સર્વાધિક 3.15.552 કેસ નોંધાયા : કુલ કેસની સંખ્યા 1.59.24.806 થઇ : એક્ટિવ કેસ 22.84.248 થયા : વધુ 1.79.407 દર્દીઓ સ્વસ્થ થતા કુલ 1,34,49,406 સ્વસ્થ થયા : વધુ 2101 લોકોના મોત સાથે કુલ મૃત્યુઆંક 1,84,672 થયો : દેશમાં સૌથી વધુ મહારાષ્ટ્રમાં નવા 67,468 નવા કેસ નોંધાયા access_time 1:39 am IST

  • ચોરનું હૃદય પરિવર્તન : મને ખબર નહોતી કે બોટલમાં વેક્સીન છે : માફી માંગુ છું : હરિયાણાની હોસ્પિટલમાંથી ચોરાયેલી 440 વેક્સિનની બોટલ ચોર પાછી મૂકી ગયો access_time 8:02 pm IST

  • રાજયમાં કોરોનાની સારવાર માટે નવી ગાઈડલાઈન જાહેર : કેટલાક કલીનીકલ પ્રોટોકોલમાં ફેરફાર જાહેર કર્યા : ગુજરાત સરકારની એકસપર્ટ ડોકટરોની પેનલે આજે કોરોના માટેની સારવારમાં આઈવરમેકટીન અને ફેવીપીરાવીર મેડીસીનનો ઉમેરો જાહેર કર્યો છે : હવે કોરોના માટેની સારવારમાં ઉપરની બે દવાનો ઉપયોગ કરવા માટે ગુજરાત સરકારે નવી કલીનીકલ પ્રોટોકોલ મેનેજમેન્ટ જાહેર કર્યાનું ડો.શાહએ જાહેર કર્યુ છે : તેમણે બીનજરૂરી દવા નહિં લેવાનું પણ કહ્યુ છે, અન્ય રાજયોના પ્રોટોકોલની ગાઈડલાઈનનો અભ્યાસ કર્યા પછી તથા ટાસ્ક ફોર્સ અને તજજ્ઞો સાથે ચર્ચા કરી નવી ગાઇડલાઈન જાહેર થઈ છે access_time 6:09 pm IST