Gujarati News

Gujarati News

News of Thursday, 22nd April 2021

સાઉથ આફ્રિકામાં રહેતા ભાઇને ‘હું ડિપ્રેશનમાં છું’ તેમ મેસેજ કરીને સુરતમાં શિક્ષિકાઍ ૧૪મા માળેથી ઝંપલાવી મોત મીઠુ કરી લીધુ

સુરત: શહેરનાં મોટા  વરાછા વિસ્તારમાં કોરોના સર્વે માટે ગયેલી શિક્ષીકાએ 14માં માળેથી મોતની છલાંગ લગાવતા ચકચાર મચી ગઇ છે. આ મુદ્દે પોલીસને શિક્ષિકાએ મરતા પહેલા લખેલી સ્યુસાઇડ નોટ પણ મળી આવી છે. સુસાઇડ નોટમાં શિક્ષિકા ડિપ્રેશનમાં હોવાનાં કારણે આપઘાત કર્યાનું સામે આવ્યું છે. આ અંગે પોલીસે આગળની તપાસ ચાલુ કરી છે.

ઘટના અંગે વિગતે મળતી માહિતી અનુસાર શિક્ષિકાએ પોતાની સ્યુસાઇટ નોટમાં ઉલ્લેખ કર્યો કે, હું મનથી થાકી ગઇ છું. ભાઇ મને ખુબ જ વ્હાલ કરે છે. પપ્પા મમ્મી પણ ખુબ પ્રેમ કરે છે. હું પાછી તમારા ઘરે જન્મ લઇશ. માતા પિતા પર પુત્રીએ આ પગલુ ભરતા આભ ફાટી પડ્યું છે. શિક્ષિકાનો ભાઇ સાઉથ આફ્રિકામાં રહે છે. મરતા પહેલા તેણે ભાઇને ડિપ્રેશનમાં હોવાનો મેસેજ પણ કર્યો હતો. બહેનનાં મોતના સમાચાાર  સાંભળી ભાઇ સાઉથ આફ્રિકાથી અહીં આવવા માટે રવાના થઇ ગયો છે.

અત્રે ઉલ્લેખનીય છે કે મોટા વરાછાના એક એપાર્ટમેન્માં શિક્ષકા સર્વે કરવા માટે ગઇ હતી. જો કે આ દરમિયાન તેણે એપાર્ટમેન્ટનાં 14માં માળેથી આપઘાત કરી લેતા ચકચાર મચી ગઇ છે. મહિલા ઉપરથી નીચે પાર્કિંગમાં રહેલી એક ગાડી પર પટકાઇ હતી. ગાડી પર પટકાતા ગાડીને પણ ભારે નુકસાન થયું છે. જ્યારે શિક્ષિકાનું ઘટના સ્થળે જ મોત નિપજ્યું છે.

(4:30 pm IST)
  • સુપ્રીમના ૪ જજને કોરોના વળગ્યો : સુપ્રીમકોર્ટના ૪ ન્યાયાધીશોને કોરોના પોઝિટિવ આવતા ભારે ચિંતાની લાગણી access_time 11:31 am IST

  • મુખ્યમંત્રી વિજયભાઈ રૂપાણીએ એક આદેશ જાહેર કર્યો છે અને પોલીસતંત્રને કહ્યુ છે કે સ્કુટર ચાલકો અને મોટર ચાલકો પાસેથી માસ્ક પહેર્યુ ન હોય તે સિવાય બીજો કોઈપણ દંડ હાલના સંજોગોમાં વસૂલવો નહિં access_time 6:08 pm IST

  • ભારતમાં કોરોના કેસોમાં વધારાને ધ્યાનમાં રાખીને અમીરાત એરલાઇન્સ 25 એપ્રિલથી દુબઈ અને ભારત વચ્ચેની ફ્લાઇટ્સ 10 દિવસ માટે સ્થગિત કરશે access_time 7:57 pm IST