Gujarati News

Gujarati News

News of Monday, 22nd April 2019

ગરીબ-લઘુમતિ વિસ્તારોમાં સ્લીપ નહી મળ્યાની ફરિયાદ

કોંગ્રેસ દ્વારા ચૂંટણી તંત્રને ફરિયાદ કરાઇ : વેજલપુર, જૂહાપુરા, મકતમપુરા, મકરબા સહિત કેટલીક સોસાયટીઓમાં મતદાર સ્લીપ ન મળી હોવાની ફરિયાદ

અમદાવાદ, તા.૨૨ : ગુજરાત લોકસભાની આવતીકાલે ખૂબ જ મહત્વની અને પ્રતિષ્ઠાભરી ચૂંટણી યોજાવા જઇ રહી છે ત્યારે હજુ સુધી મતદાનની ગણતરીની ઘડીઓ બાકી રહી છે ત્યાં સુધી શહેરના ગરીબ અને લઘુમતી વિસ્તારોમાં મતદાર સ્લીપ નહી મળ્યાની ગંભીર ફરિયાદો સામે આવી હતી. ખાસ કરીને ગાંધીનગર લોકસભા બેઠકના મતક્ષેત્રમાં વેજલપુર, જૂહાપુરા, મકતમપુરા, મકરબા સહિતના વિસ્તારોમાં અનેક સોસાયટીઓમાં મતદારોને મતદાર સ્લીપ મળી જ નહી હોવાની વ્યાપક ફરિયાદો ઉઠવા પામતાં સમગ્ર મામલે કોંગ્રેસ પક્ષે ચૂંટણી પંચને આ અઁગેની ફરિયાદ કરી હતી અને તાત્કાલિક ધોરણે આ વિસ્તારોના મતદારોને મતદાર સ્લીપ પહોંચાડવા ઉગ્ર માંગણી કરી હતી. ગઇકાલે પણ શહેરના અમરાઇવાડી, ઇન્દિરાનગર સહિતના વિસ્તારોમાં મતદારોને ક્ષતિયુકત મતદાર સ્લીપ પહોંચાડાઇ હોવાની વ્યાપક ફરિયાદો ઉઠવા પામતાં ખુદ જિલ્લા ચૂંટણી અધિકારી અને જિલ્લા કલેકટર દ્વારા આસીસ્ટન્ટ રિટર્નીંગ ઓફિસરનો આ સમગ્ર મામલે ખુલાસો મંગાયો હતો. બીજીબાજુ, અમરાઇવાડી, ઇન્દિરાનગરના મતદારોને તાબડતોબ સુધારેલી અને સાચી મતદાર સ્લીપ પહોંચાડવામાં આવી હતી. દરમ્યાન આજે શહેરના ગરીબ અને લઘુમતી વિસ્તારોમાં મતદાર સ્લીપ મતદારો સુધી નહી પહોંચી હોવાની ગંભીર ફરિયાદ સામે આવી હતી. આવતીકાલે મતદાન હોઇ છેલ્લી ઘડી સુધી મતદાર સ્લીપ આ વિસ્તારોમાં નહી પહોંચતાં સ્થાનિક મતદારોમાં ભારોભાર નારાજગી જોવા મળી હતી. ચૂંટણી તંત્રની ગંભીર નિષ્કાળજી સામે આવતાં કોંગ્રેસ પક્ષ પણ સમગ્ર મામલે હરકતમાં આવ્યું હતું અને આ મામલે ચૂંટણી પંચ સમક્ષ ફરિયાદ કરી હતી. કોંગ્રેસ તરફથી ગરીબ અને લઘુમતી વિસ્તારોમાં મતદારોને મતદાર સ્લીપ તાત્કાલિક ધોરણે પહોંચતી કરવા પણ ઉગ્ર માંગણી કરવામાં આવી હતી. કોંગ્રેસની ફરિયાદને પગલે ચૂંટણી તંત્રના અધિકારીઓ પણ દોડતા થયા હતા.

(8:16 pm IST)
  • વારાણસીમાં નરેન્દ્રભાઈ સામે પ્રિયંકા ગાંધી જુકાવી રહ્યાની જોરશોરથી ચાલો રહી છે ચર્ચા : કોંગ્રેસ જબ્બરદસ્ત દાવ ખેલવાની તૈયારીમાં : દેશભરમાં ભારે ઉત્તેજના : સત્તાવાર જાહેરાત ગમે તે ઘડીએ શક્ય access_time 9:13 pm IST

  • નરેન્દ્રભાઇ મમતાના ગઢમાંથી બીજી બેઠક ઉપરથી ચૂંટણી લડશે ? ગમે તે ઘડીએ જાહેરાત થવાની સંભાવના: અમિતભાઇ કોલકત્તામાં મહત્વની જાહેરાત કરે તેવી ભારે ચર્ચાઃ ટૂંક સમયમાં પત્રકારોને સંબોધશેઃ પશ્ચિમ બંગાળમાં ભારે ચર્ચા છે કે, નરેન્દ્રભાઇ મોદી વારાણસી ઉપરાંત બીજી બેઠક પશ્ચિમ બંગાળમાં મમતા બેનર્જીના હોમગ્રાઉન્ડ ઉપરથી લડશે access_time 12:33 pm IST

  • ત્રીજા ચરણમાં ૧૧૬ બેઠકોઃ અડધાથી વધુ બેઠકો ઉપર ભાજપનો કબ્જોઃ આ વખતે રાહ સરળ નથી: કાલે ૧પ રાજયોની ૧૧૬ બેઠક પર મતદાનઃ આ ચરણમાં ભાજપની પ્રતિષ્ઠા દાવ પરઃ જીતેલી બેઠકો જાળવી રાખવા પડકારઃ ત્રીજા ચરણની અડધાથી વધુ બેઠકો ભાજપ પાસે છેઃ કાલે વાયનાડથી રાહુલ ગાંધીના ભાગ્યનો પણ ફેંસલો થશેઃ ર૦૧૪ માં ૧૧૬ બેઠકોમાંથી એનડીએને ૬૭ બેઠકો મળી હતીઃ આમાંથી ૬ર બેઠક પર ભાજપ,૪ શિવસેના અને એક એલજેપીએ જીતી હતીઃ યુપીએને ર૬ બેઠકો મળી હતી જેમાં કોંગ્રેસને ૧૬, રાજદ ર, એનસીપી ૪, મુસ્લિમ લીગ ર, અને ૧ કેરળ કોંગ્રેસને મળી હતી. access_time 3:58 pm IST