Gujarati News

Gujarati News

News of Monday, 22nd April 2019

રાજ્યમાં ટપાલ મતદાન પૂર્ણ :એક લાખથી વધુ મત પડ્યા

અંદાજે ૧,૦૦,૩૩૬ જેટલા પોલીસ તથા હોમગાર્ડ સહિતના કર્મચારીઓએ ટપાલ મતદાન કર્યું

ગાંધીનગર:રાજ્યમાં આવતીકાલે લોકસભાની ચૂંટણી માટે મતદાન થનાર છે એ અગાઉ  એક લાખ મત પડી ચૂક્યાં છે. રાજ્યનાં તમામ જિલ્લાઓમાં મતદાર સુવિધા કેન્દ્રો (વોટર ફેસિલીટેશન સેન્ટર) મારફતે ટપાલ મતદાન પ્રક્રિયા પૂર્ણ છે. જેમાં અંદાજે ૧,૦૦,૩૩૬ જેટલા પોલીસ તથા હોમગાર્ડ સહિતના કર્મચારીઓએ ટપાલ મતદાન કરેલ છે.

   ચૂંટણી ફરજ સાથે સંકળાયેલ સ્ટાફ જેમ કે મતદાન મથકનો સ્ટાફ, ડીસ્પેચીંગ/રિસીવીંગ/અન્ય કામગીરી સાથે સંકળાયેલ સ્ટાફ, પોલીસ તથા હોમગાર્ડઝ, ડ્રાઇવર/કિલનર વગેરે સ્ટાફને ઇડીસી અથવા પોસ્ટલ બેલેટ દ્વારા મતદાનની સુવિધા ચૂંટણી અધિકારી દ્વારા ઉપલબ્ધ કરાવવામાં આવેલ છે. મતદાર તરીકે નોંધાયેલ હોય તે મતદાર વિભાગની અંદર ચૂંટણી ફરજ સોંપાયેલ છે તેવા કર્મચારીઓ ઇડીસી દ્વારા મતદાન કરી શકે છે, જ્યારે જે-તે મતદાર વિભાગની બહાર ચૂંટણી ફરજ સોંપાયેલ છે તેવા કર્મચારીઓ પોસ્ટલ બેલેટ દ્વારા મતદાન કરી શકે છે.

   આવા કર્મચારીઓને જે-તે મતદાર વિભાગમાં ચૂંટણી અધિકારી દ્વારા ખાસ ઉભા કરવામાં આવેલ મતદાર સુવિધા કેન્દ્રો (વોટર ફેસિલીટેશન સેન્ટર) ખાતે પોસ્ટલ બેલેટથી મતદાન કરાવવામાં આવેલ છે. મતદાર સુવિધા કેન્દ્રો ખાતેની ટપાલ મતદાન પ્રકિયા નિહાળવા પોતાના પ્રતિનિધિશ્રીને ઉપસ્થિત રખાવવા રાજકીય પક્ષો તથા ઉમેદવારોને ચૂંટણી અધિકારી દ્વારા સ્થળ અને સમયની આગોતરી જાણ કરવામાં આવેલ તેમજ આ સમગ્ર પ્રક્રિયાની વિડીયોગ્રાફી પણ કરવામાં આવેલ છે. જેમાંરાજ્યનાં તમામ જિલ્લાઓમાં મતદાર સુવિધા કેન્દ્રો (વોટર ફેસિલીટેશન સેન્ટર) મારફતે ટપાલ મતદાન પ્રક્રિયા પૂર્ણ થઈ છે. જેમાં અંદાજે ૧,૦૦,૩૩૬ જેટલા પોલીસ તથા હોમગાર્ડ સહિતના કર્મચારીઓએ ટપાલ મતદાન કરેલ છે.

(7:17 pm IST)
  • નરેન્દ્રભાઇ મમતાના ગઢમાંથી બીજી બેઠક ઉપરથી ચૂંટણી લડશે ? ગમે તે ઘડીએ જાહેરાત થવાની સંભાવના: અમિતભાઇ કોલકત્તામાં મહત્વની જાહેરાત કરે તેવી ભારે ચર્ચાઃ ટૂંક સમયમાં પત્રકારોને સંબોધશેઃ પશ્ચિમ બંગાળમાં ભારે ચર્ચા છે કે, નરેન્દ્રભાઇ મોદી વારાણસી ઉપરાંત બીજી બેઠક પશ્ચિમ બંગાળમાં મમતા બેનર્જીના હોમગ્રાઉન્ડ ઉપરથી લડશે access_time 12:33 pm IST

  • વડાપ્રધાન મોદીના તા. 25 એપ્રિલે વારાણસીમાં થનાર મેગા રોડ શો માટે આજથી ભાજપે વારાણસીમાં ઘરે ઘરે જઈને રોડ શોમાં આવવાનું આમંત્રણ આપવાનું અભિયાન શરૂ કર્યું છે : અમિતભાઇ પણ આ રોડ શોમાં હાજર રહેશે અને બીજા દિવસે નરેન્દ્રભાઈ સાથે લોકસભા ચૂંટણીનું નામાંકન પત્ર ભરતી વખતે પણ વડાપ્રધાનની સાથે રહેશે : હવે સૌ કોઈની નજર કોંગ્રેસ પર કેન્દ્રિત થઈ છે કે પ્રધાનમંત્રી મોદીની સામે કોંગ્રેસ કોને ચૂંટણી લડાવશે? access_time 9:04 pm IST

  • ચૂંટણી પંચ આકરા પાણીએ : વડાપ્રધાન મોદી પર બનેલી ફિલ્મ પર રોક લગાવ્યા બાદ, હવે PM પર બનેલી વેબ સિરીઝ ' મોદી - જર્ની ઓફ આ કોમન મેન ' પર પણ રોક લગાવી : ઇરોઝ કમ્પની દ્વારા બનાવાયેલ આ વેબ સિરિઝના પાંચેય ભાગ ઈન્ટરનેટ પરથી દૂર કરવા કર્યો આદેશ. access_time 5:15 pm IST