Gujarati News

Gujarati News

News of Monday, 22nd April 2019

આંકલાવના કોસીંદ્રામાં ફાર્મ હાઉસમાં પાંચ તસ્કરોએ 32 હજારની મતાની ઉઠાંતરી કરી

આંકલાવ:તાલુકાના કોસીન્દ્રા ગામે આવેલા એક ફાર્મહાઉસમાં ગત ૯મી તારીખના રોજ રાત્રીના દશેક વાગ્યાના સુમારે પાંચેક જેટલા શખ્સોએ ત્રાટકીને દરવાજાનો નકુચો કાપી તિજોરીમાંથી ૩૨૩૫૦ની મત્તાની ચોરી કરીને તેમજ જીપગાડી, બાઈક અને સીસીટીવી કેમેરાની તોડફોડ કરીને નુકસાન પહોંચાડતા આ અંગે આંકલાવ પોલીસે ગુનો દાખલ કરીને તપાસ હાથ ધરી છે. 

મળતી વિગતો અનુસાર ફરિયાદી નઝમાબેન યુસુફભાઈ મલેકનું કોસીન્દ્રા ગામે ફાર્મ હાઉસ આવેલું છે જેમાં ગત ૯મી તારીખના રોજ રાત્રીના દશેક વાગ્યાના સુમારે અકબર ઉર્ફે જાવેદ નાસીરભાઈ શેખ, માહિર સબ્બીરભાઈ મલેક, અશરફભાઈ મહંમદભાઈ મલે, અબ્બાસભાઈ ઉંમરભાઈ મલેક તેમજ નાસીરભાઈ કાસમભાઈ શેખ ત્રાટક્યા હતા અને જીપગાડી, બાઈક તથા સીસીટીવી કેમેરાની તોડફોડ કરી હતી. ત્યારબાદ રૂમના દરવાજાનો નકુચો કાપીને અંદર પ્રવેશ કરી તિજોરીમાંથી સોનાની બુટ્ટીઓ એક જોડ, ટીવી, તથા સેટઅપબોક્ષ અને રોકડા ૮ હજાર મળીને કુલ ૩૨૩૫૦ની મત્તાની ચોરી કરીને ફરાર થઈ ગયા હતા. 

(5:38 pm IST)
  • શહિદ પોલીસ અધિકારી હેમંત કરકરે વિરૂધ્ધ નિવેદન અંગે સાધ્વી પ્રજ્ઞાને પણ ચુંટણી પંચે નોટીસ આપી : સાધ્વી પ્રજ્ઞાસિંહ ઠાકુરની પોતાના નિવેદન પર સ્પષ્ટતાઃ સત્ય સામે જરૂર આવે છેઃ દેશ વિરોધી-ધર્મવિરોધી લોકો પોતાના અંતની ચિંતા કરેઃ મને ૯ વર્ષ સુધી જેલમાં રાખવામાં આવીઃ સાધ્વીના અંતની વાત ના કરે access_time 4:01 pm IST

  • રાજ્યમાં કથળતા શિક્ષણના સ્તરને લઈને હાઇકોર્ટે લીધી ગંભીર નોંધ: માંગ્યો જવાબ:શિક્ષકો ખાનગી ટ્યુશન કરતા હોવાની પણ લીધી ગંભીર નોંધ ;સરકારી શાળાના કથળતા શિક્ષણ અંગે હાઇકોર્ટ ગંભીર access_time 12:47 am IST

  • વડાપ્રધાન મોદીના તા. 25 એપ્રિલે વારાણસીમાં થનાર મેગા રોડ શો માટે આજથી ભાજપે વારાણસીમાં ઘરે ઘરે જઈને રોડ શોમાં આવવાનું આમંત્રણ આપવાનું અભિયાન શરૂ કર્યું છે : અમિતભાઇ પણ આ રોડ શોમાં હાજર રહેશે અને બીજા દિવસે નરેન્દ્રભાઈ સાથે લોકસભા ચૂંટણીનું નામાંકન પત્ર ભરતી વખતે પણ વડાપ્રધાનની સાથે રહેશે : હવે સૌ કોઈની નજર કોંગ્રેસ પર કેન્દ્રિત થઈ છે કે પ્રધાનમંત્રી મોદીની સામે કોંગ્રેસ કોને ચૂંટણી લડાવશે? access_time 9:04 pm IST