Gujarati News

Gujarati News

News of Monday, 22nd April 2019

એડવર્ટાઈઝીંગ કલબ ઓફ બરોડાના હોદેદારોઃ પ્રેસીડેન્ટ હેમંત ત્રિવેદી, ઉપપ્રમુખ-નિરવ શાહ

અમદાવાદ : એડવર્ટાઈઝીંગ કલબ ઓફ બરોડા છેલ્લા ૪૦ વર્ષથી વડોદરા શહેરમાં કાર્યરત છે. એડવર્ટાઈઝીંગ કલબ ઓફ બરોડા માં વડોદરા શહેરની નામાંકીત જાહેરાત એજન્સીઓ સંકળાયેલી છે. દર બે વર્ષે એડવર્ટાઈઝીંગ કલબ ઓફ બરોડાની પ્રણાલી પ્રમાણે નવા હોદ્દેદારોની નિમણૂંક થતી હોય છે. ૨૦૧૯ - ૨૦૨૧ ના નવા હોદ્દેદારો માટેની નિમણૂંક માટે એડવર્ટાઈઝીંગ કલબ ઓફ બરોડા ના તમામ સભ્યો એકઠા થયા હતા અને આવનારા ૨૦૧૯ -૨૦૨૧ ના વર્ષ માટે નવા હોદ્દેદારોની નિમણૂંક કરી હતી. જેમાં પ્રેસિડેન્ટ તરીકે શ્રી હેમંત ત્રિવેદી (ફાઈન એકસ), વાઈસ પ્રેસિડેન્ટ તરીકે શ્રી નિરવ શાહ (જે.પી.પબ્લીસીટી), સેક્રેટરી તરીકે શ્રી ચિરાગ શાહ (અમી એડસ) અને ટ્રેઝરર તરીકે શ્રી ભાવેશ શાહ (એવન એડવર્ટાઈઝીંગ) તેમજ એડવાઈઝરી કમિટીમાં શ્રી અરવિંદ પુરોહિત (એડર્ટ એડવર્ટાઈઝીંગ) અને શ્રી નયન જાની (મોનાર્ક એડવર્ટાઈઝીંગ)ની નિમણૂંક કરવામાં આવી હતી.

આ પ્રસંગે પૂર્વ પ્રેસિડેન્ટ જીતેન્દ્ર જોબનપુત્રાએ તેમના બે વર્ષ દરમ્યાન માનવંતા સભ્યો દ્વારા જે સાથ સહકાર મળ્યો હતો તે બદલ સૌનો આભાર માન્યો હતો અને નવી નિમણૂંકની જાહેરાત કરી હતી અને તેઓને શુભેચ્છાઓ પાઠવી હતી. આ પ્રસંગે એડવર્ટાઈઝીંગ કલબ ઓફ બરોડાના તમામ સભ્યો ઉપસ્થિત રહ્યા હતા અને સર્વાનુમતે નવા હોદ્દેદારોની નિમણૂંકને આવકારી હતી અને શુભેચ્છાઓ પાઠવી હતી.

(4:03 pm IST)
  • કોંગ્રેસ, હાર્દિક પટેલને નજીકના ભવિષ્યમાંજ રાષ્ટ્રીય યુવા કોંગ્રેસના પ્રમુખ બનાવી રહી હોવાની જોરશોરથી ચાલી રહેલી ચર્ચા : જો આ શક્ય થશે તો હાર્દિકનું રાજકીય કદ બહુ મોટું થઈ જશે : સંભવતઃ એકાદ બે દિવસમાજ કોંગ્રેસ આ જાહેરાત કરે તેવી સેવાય રહી છે સંભાવના access_time 10:59 pm IST

  • શહિદ પોલીસ અધિકારી હેમંત કરકરે વિરૂધ્ધ નિવેદન અંગે સાધ્વી પ્રજ્ઞાને પણ ચુંટણી પંચે નોટીસ આપી : સાધ્વી પ્રજ્ઞાસિંહ ઠાકુરની પોતાના નિવેદન પર સ્પષ્ટતાઃ સત્ય સામે જરૂર આવે છેઃ દેશ વિરોધી-ધર્મવિરોધી લોકો પોતાના અંતની ચિંતા કરેઃ મને ૯ વર્ષ સુધી જેલમાં રાખવામાં આવીઃ સાધ્વીના અંતની વાત ના કરે access_time 4:01 pm IST

  • શ્રીલંકામાં થયો વધુ એક બૉમ્બ ધડાકો : બૉમ્બ ડિફ્યુઝલ સવોડ દ્વારા, મળી આવેલ એક બૉમ્બને નિષ્ક્રિય કરતી વખતે થયો બૉમ્બ બ્લાસ્ટ : અત્યાર સુધીમાં અધધધધ 87 જીવતા બૉમ્બ મળી આવ્યા હોવાનું જાણવા મળે છે. access_time 6:32 pm IST