Gujarati News

Gujarati News

News of Monday, 22nd April 2019

દેખ ચુનાવી વર્લ્ડ કપ કા સજા ગયા મૈદાન, ટ્રોફી ઈસ કી પાને કો સબ નેતાગન પરેશાન, સોચ રહે હૈ સબ, કૈસે મતદાતા કો રીઝાયે, કમ ઓવરમેં અબ કૈસે રન તેજી સે બનાયે...

કાલે ગુજરાતમાં લોકશાહીનો વર્લ્ડ કપ

આજે 'નેટ' પ્રેકટીસની રાતઃ કાલે સવારે ૭ વાગ્યાથી ૨૬ લોકસભા બેઠકો અને ૪ ધારાસભા બેઠકો પર મતદાન

રાજકોટ, તા. ૨૨ :. સમગ્ર દેશની દિશા નક્કી કરનારી લોકસભાની ચૂંટણીમાં ત્રીજા તબક્કે આવતીકાલે મંગળવારે ૧૧૫ બેઠકો પર મતદાન થનાર છે. તેમાં ગુજરાતની તમામ ૨૬ લોકસભા બેઠકોનો સમાવેશ થાય છે. ચૂંટણી રૂપી વર્લ્ડ કપ પૂર્વે આજે રાજકીય રોમાંચ વ્યાપી ગયો છે. ગુજરાતમાં કાલે સવારે ૭ થી સાંજે ૬ વાગ્યા સુધી ૨૬ લોકસભા બેઠકો માટે અને ધારાસભાની ૪ બેઠકો માટે મતદાન થનાર છે. રાજકીય પક્ષો ઉપરાંત ચૂંટણી પંચ અને સુરક્ષા તંત્ર કાલના મતદાન માટે સજ્જ છે.

ગુજરાતમાં ચાર કરોડ, એકાવન લાખ, પચ્ચીસ હજાર જેટલા મતદારો છે. ૫૧૦૦૦ જેટલા મતદાન મથકો છે. ૩ લાખથી વધુ કર્મચારીઓને ચૂંટણી ફરજ સોંપવામાં આવી છે. મુકત અને ન્યાયી ચૂંટણી માટે ચૂંટણી પંચે વિવિધ પગલા ભર્યા છે. તમામ મતદારો લોભ-લાલચ કે ભય વગર મતદાન કરે તેવી ચૂંટણી પંચે અપીલ કરી છે. લોકસભાની ચૂંટણીમાં સમગ્ર દેશનંુ પરિણામ અસરકર્તા હોય છે પરંતુ દેશના વર્તમાન રાજકારણમાં ગુજરાતનું અભૂતપૂર્વ મહત્વ હોવાથી ગુજરાતનું પરિણામ વિશેષ ધ્યાન ખેંચનારૂ બનશે.

૨૦૧૪ની લોકસભાની ચૂંટણીમાં તમામ ૨૬ બેઠકો ભાજપને મળેલ. આ વખતે ભાજપ-કોંગ્રેસ-બસપા, હિન્દુસ્તાન નિર્માણ પાર્ટી વગેરે ઉપરાંત અપક્ષો મેદાને છે. કુલ ૩૭૧ ઉમેદવારો ચુંટણી લડી રહ્યા છે. કોંગ્રેસના ૪ ધારાસભ્યોના રાજીનામાના કારણે ઉંઝા, જામનગર ગ્રામ્ય, હળવદ અને માણાવદરની બેઠક ખાલી પડતા ત્યાં પણ આવતીકાલે મતદાન છે. મુખ્યત્વે ભાજપ અને કોંગ્રેસ વચ્ચે જ સ્પર્ધા દેખાય છે. જોરશોર ચૂંટણી પ્રચાર બાદ આવતીકાલે ઉનાળાના ધોમધખતા તાપમાં જનાદેશ મત મશીનમાં કેદ થનાર છે. ગઈકાલે સાંજે પ્રચારના પડઘમ શાંત થયા બાદ આજે વ્યકિતગત અને જુથ સંપર્ક પર કાર્યકરોએ અને ઉમેદવારોએ ધ્યાન કેન્દ્રીત કર્યુ છે. રાજકીય રીતે કતલની ગણાતી રાત આજે છે. આવતીકાલના મતદાન પૂર્વે છેલ્લી કલાકોમાં પાસા પલટવા ઉમેદવારો અને પક્ષોએ એડીચોટીનું જોર લગાવ્યુ છે. બન્ને પક્ષના રાષ્ટ્રીય નેતાઓના ઝંઝાવાતી પ્રચાર છતા મતદારોએ મન કળાવા દીધુ નથી. આવતીકાલે મતદારો પોતાનો ફેંસલો આપી દેશે. જનાદેશ શું છે ? તે જાણવા માટે ૨૩ મે સુધીની રાહ જોવી પડશે.

(12:10 pm IST)
  • રાજ્યમાં કથળતા શિક્ષણના સ્તરને લઈને હાઇકોર્ટે લીધી ગંભીર નોંધ: માંગ્યો જવાબ:શિક્ષકો ખાનગી ટ્યુશન કરતા હોવાની પણ લીધી ગંભીર નોંધ ;સરકારી શાળાના કથળતા શિક્ષણ અંગે હાઇકોર્ટ ગંભીર access_time 12:47 am IST

  • ઇન્કમટેક્સ વિભાગે સપાટો બોલાવ્યો : દિલ્હીના ઇન્વેસ્ટિગેટિવ વિંગના DG સહિત દિલ્હી - એનસીઆર, ભોપાલ, ઇન્દોર અને ગોવામાં અનેક જગ્યાઓએ એક સાથે રેડ પાડી અને સર્ચ ઓપરેશન હાથ ધર્યું છે : આધારભૂત બાતમીના આધારે મોટાપાયે કાળા નાણાંનો સંગ્રહ અને હેરાફેરીને રોકવા ITએ આ ઓપરેશન હાથ ધર્યું હોવાનું જાણવા મળે છે : 6 મોટા વ્યવસાયિક ઘરો, 2 મોટી આંગડિયા પેઢી, 2 મોટા જમીનોના દલાલ સહિત 1 બહુ મોટા જવેલર્સ ઇન્કમરેક્સના રાડારમાં હોવાનું કહેવાય રહ્યું છે અને આ તમામ કોઈ ને કોઈ રીતે રાજકારણ સાથે સંકળાયેલા હોવાનું ચર્ચાય રહ્યું છે. access_time 8:07 pm IST

  • શ્રીલંકામાં થયો વધુ એક બૉમ્બ ધડાકો : બૉમ્બ ડિફ્યુઝલ સવોડ દ્વારા, મળી આવેલ એક બૉમ્બને નિષ્ક્રિય કરતી વખતે થયો બૉમ્બ બ્લાસ્ટ : અત્યાર સુધીમાં અધધધધ 87 જીવતા બૉમ્બ મળી આવ્યા હોવાનું જાણવા મળે છે. access_time 6:32 pm IST