Gujarati News

Gujarati News

News of Monday, 22nd April 2019

અમદાવાદમાં હિટ એન્ડ રન :કાર ચાલકે છ વાહનોને ઠોકરે ચડાવ્યા :એકનું મોત :5 ઘવાયા

શાંતીપુરા સર્કલ પાસે અકસ્માત :લોકો વિફર્યા :ટોળાએ ચાલકને લમધાર્યો :કારમાં તોડફોડ

અમદાવાદ :શહેરના શાંતિપુરા સર્કલ પાસે હિટ એન઼્ રનની ઘટના બની છે એક કાર ચાલકે છ જેટલા વાહનોને અડફેટે લીધા છે. આ દુર્ઘટનામાં એકનું મોત અને 5 લોકો ઈજાગ્રસ્ત થયા છે.

    રાત્રે આઠ વાગ્યાની આસપાસ એક કાર ચાલકે બેફામ રીતે ફૂલ સ્પીડમાં, રીક્ષા, બાઈક કાર સહિત પાંચ વાહનોને અડફેટે લીધા. આ અકસ્માતમાં છ જેટલા લોકો ઈજાગ્રસ્ત થયા હતા

   અકસ્માતની ઘટનાની જાણ થતા પોલીસ અને 108 એમ્બ્યુલન્સની ટીમ ઘટના સ્થળ પર આવી પહોંચી હતી. ઈજાગ્રસ્ત લોકોને નજીકની હોસ્પિટલમાં સારવાર માટે ખસેડવામાં આવ્યા, જોકે તેમાંથી એક વ્યક્તિનું હોસ્પિટલ પહોંચતા પહેલા જ મોત નિપજ્યું છે.

   લોકોના ટોળાએ કાર ચાલકને પકડી મેથીપાક પણ આપ્યો, અને પોલીસને હવાલે કરી દીધો છે. વિફરેલા ટોળાએ કારમાં તોડફોડ પણ કરી છે. પોલીસે આરોપીને ઝડપી કાયદેસરની કાર્યવાહી કરી છે.

(10:50 am IST)
  • ત્રીજા ચરણમાં ૧૧૬ બેઠકોઃ અડધાથી વધુ બેઠકો ઉપર ભાજપનો કબ્જોઃ આ વખતે રાહ સરળ નથી: કાલે ૧પ રાજયોની ૧૧૬ બેઠક પર મતદાનઃ આ ચરણમાં ભાજપની પ્રતિષ્ઠા દાવ પરઃ જીતેલી બેઠકો જાળવી રાખવા પડકારઃ ત્રીજા ચરણની અડધાથી વધુ બેઠકો ભાજપ પાસે છેઃ કાલે વાયનાડથી રાહુલ ગાંધીના ભાગ્યનો પણ ફેંસલો થશેઃ ર૦૧૪ માં ૧૧૬ બેઠકોમાંથી એનડીએને ૬૭ બેઠકો મળી હતીઃ આમાંથી ૬ર બેઠક પર ભાજપ,૪ શિવસેના અને એક એલજેપીએ જીતી હતીઃ યુપીએને ર૬ બેઠકો મળી હતી જેમાં કોંગ્રેસને ૧૬, રાજદ ર, એનસીપી ૪, મુસ્લિમ લીગ ર, અને ૧ કેરળ કોંગ્રેસને મળી હતી. access_time 3:58 pm IST

  • ઇન્દોરમાં સ્વાઈનફ્લૂનો હાહાકાર ;ગરમીના દિવસોમાં પણ સ્વાઈનફ્લૂનો ફૂફાડો : દર બીજા દિવસે એક દર્દીનું મોત : 35 વર્ષીય મહિલાના મોટ બાદ આ ઘાતક બીમારીથી મૃતકોની સંખ્યા વધીને 60 ના આંકે પહોંચી : છેલ્લા સાડા ત્રણ મહિનામાં સ્થાનિક હોસ્પિટલમાં 206 સ્વાઈન ફ્લૂના કેસ નોંધાયા access_time 1:04 am IST

  • ભારતીય વાયુસેનામાં નોકરી આપવાના બહાને 400 લોકો સાથે છેતરપિંડી : બે એન્જીનીયરોની ધરપકડ : નકલી વેબસાઈટ બનાવી લોકો સાથે ઠગાઈ કરતા હતા ; ઝડપાયેલા મહેન્દ્રસિંહ અને વિકાસ સ્વામીએ રાજસ્થાનના ચુરુ પાસેના રાજગઢથી બીસીએ કર્યું હતું access_time 1:10 am IST