Gujarati News

Gujarati News

News of Monday, 22nd April 2019

મોદી મતદાન કરવા માટે આજે સાંજે ગુજરાત આવશે

સવારે ૭.૩૦ કલાકે નિશાન વિદ્યાલય રાણીપ ખાતે મતદાન કરશે

નવી દિલ્હી, તા.૨૨: વડાપ્રધાન નરેન્દ્ર મોદી એકવાર ફરી ગુજરાત આવશે. પીએમ મોદી મતદાન કરવા માટે ગુજરાત આવશે. તેઓ આજે (સોમવારે) અમદાવાદ આવી પહોંચશે અને ગાંધીનગર રાજભવન ખાતે રાત્રી રોકાણ કરશે. જયારે ૨૩મીએ સવારે રાણીપ ખાતે મતદાન કરશે.

પીએમ મોદી આજે બપોરે ૩ કલાકે મહારાષ્ટ્રમાં સભા સંબોધી વડોદરા પહોંચશે. તેઓ વડોદરાથી ઉદેયપુરમાં સભા સંબોધવા જશે. જયારે રાત્રે ૮ કલાકે પીએમ મોદી ઉદેયપુરથી અમદાવાદ એરપોર્ટ પહોંચશે. તેઓ રાત્રે ૯ કલાકે ગાંધીનગર રાજભવન ખાતે પહોંચશે અને રાજભવનમાં રાત્રી રોકાણ કરશે.

પીએમ મોદી ૨૩ એપ્રિલે સવારે ૭ કલાકે અમદાવાદ આવવા રવાના થશે અને સવારે ૭.૩૦ કલાકે નિશાન વિદ્યાલય રાણીપ ખાતે મતદાન કરશે. મતદાન બાદ પીએમ મોદી એરપોર્ટ જવા રવાના થશે. તેઓ ૮.૩૦ કલાકે અમદાવાદથી ઓરિસ્સા જવા રવાના થશે.

(10:05 am IST)
  • ઇન્દોરમાં સ્વાઈનફ્લૂનો હાહાકાર ;ગરમીના દિવસોમાં પણ સ્વાઈનફ્લૂનો ફૂફાડો : દર બીજા દિવસે એક દર્દીનું મોત : 35 વર્ષીય મહિલાના મોટ બાદ આ ઘાતક બીમારીથી મૃતકોની સંખ્યા વધીને 60 ના આંકે પહોંચી : છેલ્લા સાડા ત્રણ મહિનામાં સ્થાનિક હોસ્પિટલમાં 206 સ્વાઈન ફ્લૂના કેસ નોંધાયા access_time 1:04 am IST

  • કોંગ્રેસ, હાર્દિક પટેલને નજીકના ભવિષ્યમાંજ રાષ્ટ્રીય યુવા કોંગ્રેસના પ્રમુખ બનાવી રહી હોવાની જોરશોરથી ચાલી રહેલી ચર્ચા : જો આ શક્ય થશે તો હાર્દિકનું રાજકીય કદ બહુ મોટું થઈ જશે : સંભવતઃ એકાદ બે દિવસમાજ કોંગ્રેસ આ જાહેરાત કરે તેવી સેવાય રહી છે સંભાવના access_time 10:59 pm IST

  • મોડીસાંજે રાજકોટમાં દોઢસો ફૂટ રિંગ રોડ પર ટીપરવાને વૃદ્ધને અડફેટે લીધા :દોઢસો ફૂટ રિંગ રોડ પર નાગરિક બેન્ક સામે બીઆરટીએસ રોડ ઓળંગવા જતા વૃદ્ધને ટીપરવાને ઉડાડ્યા :108 મારફત હોસ્પિટલે ખસેડાયા access_time 7:37 pm IST