Gujarati News

Gujarati News

News of Monday, 22nd April 2019

પૂનમ માડમના પિતરાઈ ભાઈ નીતિન કોંગ્રેસ પાર્ટીમાં જોડાયા

લોકસભાની ચુંટણી વેળા કોંગ્રેસમાં જોડાયા : કોંગ્રેસના ધારાસભ્ય વિક્રમ માડમ અને ચિરાગ કલસરિયા સહિતના નેતાઓની હાજરીમાં કોંગ્રેસનો ખેસ ધારણ કર્યો

અમદાવાદ,તા.૨૧ : જામનગર પંથકમાં લોકસભઆ ચૂંટણીના બે દિવસ પહેલા જ ભાજપમાં ભૂકંપ સર્જાયો છે. જામનગર ભાજપના મીડિયા સેલના સભ્ય અને સાંસદ પૂનમબેન માડમનાં પિતરાઈ ભાઈ નીતિન માડમ કોંગ્રેસમાં જોડાતાં સ્થાનિક રાજકારણ ગરમાયું છે. કોંગ્રેસના ધારાસભ્ય વિક્રમ માડમ અને ચિરાગ કલસરિયા સહિતના નેતાઓની હાજરીમાં નીતિન માડમે કોંગ્રેસનો ખેસ ધારણ કર્યો હતો, જેને લઇ ભારે ચર્ચા ચાલી હતી.

લોકસભાની ચૂંટણીના ગણતરીના કલાકો બાકી રહ્યા છે ત્યારે જ ભાજપના મહિલા સાસંદ પૂનમ માડમના પિતરાઇ ભાઇ નીતિન માડમ કોંગ્રેસની છાવણીમાં બેસી જતાં ભાજપને મોટો ફટકો મળ્યો છે તો, નીતિન માડમના કોંગ્રેસમાં જોડાવાથી જામનગર અને તેની આસપાસના પંથકોમાંથી કોંગ્રેસને સ્થાનિક મતોને લઇ ફાયદો થઇ શકે તેવુ મનાઇ રહ્યું છે. કોંગ્રેસના પ્રચાર અને રોડ -શો માં પણ નીતિન માડમ જોડાયા હતા અને સ્થાનિક મતદારોને કોંગ્રેસ તરફી મતદાન કરવા અપીલ કરતાં જોવા મળ્યા હતા ત્યારે જામનગર બેઠકને લઇ ભાજપની થોડી ચિંતા વધી હતી.

 નીતિન માડમના જોવાથી કોંગ્રેસને સ્થાનિક કક્ષાએ મજબૂતી મળી છે અને લોકસભા ચૂંટણીમાં તે મહત્વનું સાબિત થાય તેવું મનાઇ રહ્યું છે. જો કે, નીતિન માડમના કોંગ્રેસમાં જોડાવાને લઇ સ્થાનિક રાજકારણ ગરમાયું હતું અને ભાજપની છાવણી આ નવા ડેવલપમેન્ટને લઇ મતોના રાજકારણમાં કયાંક કાચુ ના કપાય તેની મથામણમાં વ્યસ્ત બની હતી.

(9:21 pm IST)
  • હવે જયાપ્રદા પર વિવાદમાં ફસાયા :કહ્યું આઝમખાને મારા વિરુદ્દ ટિપ્પણી કરી છે એ જોતા માયાવતીજી વિચારો, આઝામખાનની એક્સરે જેવી આંખો તમારા ઉપર પણ ક્યાં ક્યાં નજર નાખીને જોશે :જયાપ્રદાના નિવેદનથી ચૂંટણીપંચ ખફા :જયાપ્રદા વિરુદ્ધ ફરિયાદ access_time 12:35 pm IST

  • કોંગ્રેસ, હાર્દિક પટેલને નજીકના ભવિષ્યમાંજ રાષ્ટ્રીય યુવા કોંગ્રેસના પ્રમુખ બનાવી રહી હોવાની જોરશોરથી ચાલી રહેલી ચર્ચા : જો આ શક્ય થશે તો હાર્દિકનું રાજકીય કદ બહુ મોટું થઈ જશે : સંભવતઃ એકાદ બે દિવસમાજ કોંગ્રેસ આ જાહેરાત કરે તેવી સેવાય રહી છે સંભાવના access_time 10:59 pm IST

  • ઇન્કમટેક્સ વિભાગે સપાટો બોલાવ્યો : દિલ્હીના ઇન્વેસ્ટિગેટિવ વિંગના DG સહિત દિલ્હી - એનસીઆર, ભોપાલ, ઇન્દોર અને ગોવામાં અનેક જગ્યાઓએ એક સાથે રેડ પાડી અને સર્ચ ઓપરેશન હાથ ધર્યું છે : આધારભૂત બાતમીના આધારે મોટાપાયે કાળા નાણાંનો સંગ્રહ અને હેરાફેરીને રોકવા ITએ આ ઓપરેશન હાથ ધર્યું હોવાનું જાણવા મળે છે : 6 મોટા વ્યવસાયિક ઘરો, 2 મોટી આંગડિયા પેઢી, 2 મોટા જમીનોના દલાલ સહિત 1 બહુ મોટા જવેલર્સ ઇન્કમરેક્સના રાડારમાં હોવાનું કહેવાય રહ્યું છે અને આ તમામ કોઈ ને કોઈ રીતે રાજકારણ સાથે સંકળાયેલા હોવાનું ચર્ચાય રહ્યું છે. access_time 8:07 pm IST