Gujarati News

Gujarati News

News of Friday, 22nd January 2021

વડોદરાના બાપોદ વિસ્તારમાં પોલીસે પ્રોવિઝન સ્ટોરમાંથી વિદેશી દારૂનો જથ્થો ઝડપી પાડયો

વડોદરા:શહેરની બાપોદ પોલીસની ટીમને ચોક્કસ માહિતી મળી હતી કે, આજવા રોડ પર આવેલા દત્ત નગરમાં રહેતો રોશન કલાલે તેના ઘરની સામે આવેલી કાલકા પ્રોવિઝન સ્ટોરમાં વિદેશી દારૂનો જથ્થો સંતાળ્યો છે. જેના આધારે પોલીસે દરોડો પાડી પ્રોવિઝન સ્ટોરમાંથી રોશન ભાણાજી કલાલને ઝડપી પાડયો હતો. તપાસ કરતા સ્ટોરના પાછળના ભાગે આવેલા બાથરૂમમાંથી ભારતીય બનાવટની વિદેશી દારૂની 7 પેટીઓ મળી આવી હતી. પોલીસે રૂપિયા 42,000ની કિંમતની દારૂની 84 બોટલો, મોબાઈલ ફોન સહિત 42500ની મતા કબજે કરી આરોપીની પ્રોહિબિશનના ગુનામાં અટકાયત કરી હતી.

જ્યારે બીજા બનાવમાં બાપોદ પોલીસ મથકના જવાનોને ચોક્કસ માહિતી મળી હતી કે, મારૂતિ નગરના નાકે જય મામાદેવ પ્રોવિઝન સ્ટોર ધરાવતો વ્યક્તિ વિદેશી દારૂ વેચે છે. જેના આધારે પોલીસે દરોડો પાડી સ્ટોર સંચાલક ચંદ્રેશ ભાવરલાલ કલાલ (રહે- મારૂતિ નગર, સયાજી ટાઉનશીપ રોડ, વડોદરા)ને ઝડપી પાડયો હતો તપાસ કરતાં સ્ટોરના પાછળના ભાગે બાથરૂમમાંથી રૂપિયા 7500ની કિંમત ધરાવતી ભારતીય બનાવટની વિદેશી દારૂની 5 નંગ બોટલ ભરેલો થેલો મળી આવ્યો હતો. પોલીસે વિદેશી દારૂનો જથ્થો, મોબાઈલ ફોન, રોકડા રૂપિયા 1800 સહિત 8300નો મુદ્દામાલ કબજે કર્યો હતો.

(5:54 pm IST)
  • ગુજરાતમાં પણ ઝડપભેર લવ જેહાદ વિરુદ્ધ કાયદો આવી રહ્યો છે : ગુજરાત સરકાર નજીકના ભવિષ્યમાં લવ જીહાદ વિરુદ્ધ નવો કાનૂન લાવી રહી છે કોંગ્રેસ પક્ષની આંતરિક ચૂંટણીઓ મે મહિનામાં યોજાય તેવી સંભાવના છે આજે કોંગ્રેસની કારોબારી બેઠક મળી રહી છે access_time 11:44 am IST

  • પંજાબના બે પોલ્ટ્રી ફાર્મમાં બર્ડ ફ્લૂની પુષ્ટિ : 50 હજાર મરઘીઓને મારી નાખવાનું અભિયાન આજ 22 જાન્યુઆરીથી શરૂ : પી.પી.ઈ.કીટ પહેરી જુદી જુદી ટીમો કામગીરી શરૂ કરી દેશે access_time 12:40 pm IST

  • દેશમાં કોરોના થાક્યો:નવા કેસ કરતા સ્વસ્થ થનારની સંખ્યામાં વધારો : એક્ટિવ કેસના આંકમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 14,246 કેસ નોંધાયા :કુલ કેસની સંખ્યા 1,06,40,669 થઇ :એક્ટિવ કેસ 1,82,891 થયા: વધુ 17,034 દર્દીઓ સ્વસ્થ થતા કુલ 1,02,99,931 થયા :વધુ 151 લોકોના મોત સાથે કુલ મૃત્યુઆંક 1,53,218 થયા access_time 1:07 am IST