Gujarati News

Gujarati News

News of Friday, 22nd January 2021

ધો. ૧૨ વિજ્ઞાન પ્રવાહની પરીક્ષાના ઓનલાઇન ફોર્મ ભરવાનો પ્રારંભ : ૨૦ ફેબ્રુઆરી છેલ્લી તારીખ

રાજકોટ તા. ૨૨ : શિક્ષણ બોર્ડ દ્વારા તા. ૨૧ જાન્યુ.થી ૨૦ ફેબ્રુઆરી સુધી ધો. ૧૨ વિજ્ઞાનપ્રવાહના પરીક્ષા ફોર્મ ઓનલાઇન ભરાશે.  ગુજરાત માધ્યમિક અને ઉચ્ચત્તર માધ્યમિક શિક્ષણ બોર્ડ ગાંધીનગરે એક યાદીમાં જણાવ્યું છે કે શિક્ષણ બોર્ડ ગાંધીનગર ખાતે નોંધાયેલ રાજ્યની તમામ વિજ્ઞાન પ્રવાહ ધરાવતી ઉચ્ચત્તર માધ્યમિક શાળાઓના સંચાલકો આચાર્યો, શિક્ષકો તેમજ કર્મચારીઓ, વાલીઓ અને વિદ્યાર્થીઓને જણાવવામાં આવે છે કે ધો. ૧૨ વિજ્ઞાન પ્રવાહ વર્ષ ૨૦૨૧ની બોર્ડની જાહેર પરીક્ષાના આવેદનપત્રો રેગ્યુલર ફી સાથે ઓનલાઇન તા. ૨૧-૧-૨૦૨૧થી તા. ૨૨-૨-૨૦૨૧ના રાત્રીના ૧૨ કલાક સુધી બોર્ડની વેબસાઇટ www. gseb.org પરથી ભરી શકાશે. જેની તમામ સબંધીતોએ નોંધ લઇ સમયમર્યાદામાં આવેદનપત્રો ભરવા જણાવવામાં આવે છે. ધો. ૧૨ વિજ્ઞાનપ્રવાહના તમામ નિયમિત તથા રીપીટર વિદ્યાર્થીઓના આવેદનપત્રો ફરજીયાત ઓનલાઇન ભરવા રહેશે. જેની જરૂરી વિગત બોર્ડની વેબસાઇટ ઉપર મુકવામાં આવેલ છે.

(11:35 am IST)
  • દેશમાં કોરોના થાક્યો:નવા કેસ કરતા સ્વસ્થ થનારની સંખ્યામાં વધારો : એક્ટિવ કેસના આંકમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 14,246 કેસ નોંધાયા :કુલ કેસની સંખ્યા 1,06,40,669 થઇ :એક્ટિવ કેસ 1,82,891 થયા: વધુ 17,034 દર્દીઓ સ્વસ્થ થતા કુલ 1,02,99,931 થયા :વધુ 151 લોકોના મોત સાથે કુલ મૃત્યુઆંક 1,53,218 થયા access_time 1:07 am IST

  • પૂર્વ ધારાસભ્ય ભૂપેન્દ્ર ખાંટનું દુઃખદ અવસાન: ગાંધીનગર: મોરવા હડફના પૂર્વ ધારાસભ્ય ભૂપેન્દ્ર ખાંટનું લાંબી માંદગી બાદ દુઃખદ અવસાન થયું છે access_time 11:43 am IST

  • રામ મંદિર નિર્માણ માટે વિજયભાઈએ ૫ લાખ અને રામભાઈ મોકરિયાએ ૧૧ લાખ જાહેર કર્યા: મુખ્યમંત્રી વિજયભાઈ રૂપાણીએ આજે રાજકોટ ખાતે શ્રેષ્ઠઈઓની બેઠકમાં અયોધ્યામાં રામ મંદિર નિર્માણ માટે પાંચ લાખ રૂપિયાના દાનની જાહેરાત કરી છે, જ્યારે મારુતિ કુરિયર પ્રાઇવેટ લિમિટેડના શ્રી રામભાઈ મોકરિયાએ રામ મંદિર નિર્માણ માટે ૧૧ લાખ રૂપિયાની જાહેરાત કરી હતી. access_time 12:19 am IST