Gujarati News

Gujarati News

News of Thursday, 21st January 2021

નાંદોદ તાલુકાના વિરપોર નજીક રીંગણી ગામ પાસે દીપડાએ ગાયને શિકાર બનાવી મારણ કરતા લોકોમાં ફફડાટ

-ઘણા દિવસથી વિરપોર તરફ દીપડો લટાર મારતો જણાતા વન વિભાગે પાંજરું પણ ગોઠવ્યું છે છતાં ગાયને શિકાર બનાવી

(ભરત શાહ દ્વારા)  રાજપીપળા : નર્મદા જિલ્લાના નાંદોદ તાલુકાના કેટલાક ગામોની સીમમાં દીપડા ફરતા જોવા મળે છે ત્યાં વન વિભાગ પાંજરા પણ મૂકે છે છતાં દીપડા જાણે પારખી ગયા હોય એમ પાંજરે ન પુરાઈ મૂંગા જાનવરોને પોતાનો ખોરાક બનાવતા ગ્રામજનોમાં ભય ફેલાયો હોય હાલ માં નાંદોદના વિરપોર ગામ તરફ દીપડો દેખા દેતા વન વિભાગ દ્વારા પાંજરું ગોઠવવામાં આવ્યું હોવા છતાં દીપડાએ એક ગાયનું મારણ કરતા ગ્રામજનો ફફડી રહ્યા છે.

 રાજપીપળા વન વિભાગના ફોરેસ્ટર અક્ષયભાઈ પંડ્યાના જણાવ્યા મુજબ વિરપોર નજીક રીંગણી ગામના ગૌચરમાં એક વ્યક્તિ ઢોર ચરાવવા ગયા બાદ એક ગાય ઓછી જણાતા તેની શોધખોળ બાદ એ મૃત હાલતમાં મળતા રાજપીપળા વન વિભાગના ફોરેસ્ટર અક્ષય પંડ્યા, બીટગાર્ડ બી.પી.વસાવા અને વેટરનરી ડો.વસીમભાઈ એ સ્થળ તપાસ કરતા પ્રાથમિક દ્રષ્ટિએ દીપડાએ ગાયનું મારણ કર્યું હોવાનું જણાઈ આવ્યું છે. હાલ વન વિભાગની ટિમ દીપડાને પકડવા મહેનત કરી રહી છે.

(12:48 am IST)
  • ગુજરાતમાં પણ ઝડપભેર લવ જેહાદ વિરુદ્ધ કાયદો આવી રહ્યો છે : ગુજરાત સરકાર નજીકના ભવિષ્યમાં લવ જીહાદ વિરુદ્ધ નવો કાનૂન લાવી રહી છે કોંગ્રેસ પક્ષની આંતરિક ચૂંટણીઓ મે મહિનામાં યોજાય તેવી સંભાવના છે આજે કોંગ્રેસની કારોબારી બેઠક મળી રહી છે access_time 11:44 am IST

  • દેશમાં કોરોના હાંફી ગયો :નવા કેસ કરતા સ્વસ્થ થનારની સંખ્યામાં વધારો : એક્ટિવ કેસના આંકમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 13,692 કેસ નોંધાયા :કુલ કેસની સંખ્યા 1,06,25,420 થઇ :એક્ટિવ કેસ 1,86,558 થયા: વધુ 16,288 દર્દીઓ સ્વસ્થ થતા કુલ 1,02,81,391 થયા :વધુ 147 લોકોના મોત સાથે કુલ મૃત્યુઆંક 1,53,053 થયા access_time 1:02 am IST

  • રામ મંદિર નિર્માણ માટે વિજયભાઈએ ૫ લાખ અને રામભાઈ મોકરિયાએ ૧૧ લાખ જાહેર કર્યા: મુખ્યમંત્રી વિજયભાઈ રૂપાણીએ આજે રાજકોટ ખાતે શ્રેષ્ઠઈઓની બેઠકમાં અયોધ્યામાં રામ મંદિર નિર્માણ માટે પાંચ લાખ રૂપિયાના દાનની જાહેરાત કરી છે, જ્યારે મારુતિ કુરિયર પ્રાઇવેટ લિમિટેડના શ્રી રામભાઈ મોકરિયાએ રામ મંદિર નિર્માણ માટે ૧૧ લાખ રૂપિયાની જાહેરાત કરી હતી. access_time 12:19 am IST