Gujarati News

Gujarati News

News of Tuesday, 22nd January 2019

પિરાણા ડમ્પીંગ સાઇટ કેપીંગ પ્રોજેકટ હાથ ધરવાનો નિર્ણય

જૂની સમસ્યાના નિરાકરણ માટે અમ્યુકો મક્કમ : પિરાણા ડમ્પિંગ સાઇટમાં ૧૭૦ ફુટ ઉંચા કચરાના ઢગને કેપીંગ-સપ્રેસ કરી પાસેના વિસ્તારનું હવા પ્રદૂષણ ઘટાડાશે

અમદાવાદ,તા.૨૨ : મ્યુનિસિપલ કમિશનર વિજય નહેરાએ આજે અમ્યુકો માટે વર્ષોથી માથાના દુઃખાવા સમાન અને શહેરના દક્ષિણ વિસ્તારના રહીશો માટે દુર્ગંધ અને વાયુ પ્રદૂષણને લઇ ત્રાહિમામ્ બનેલી પીરાણા ડમ્પીંગ સાઇટની સમસ્યાના નિવારણ માટેનો દાવો કર્યો હતો. મ્યુનિસિપલ કમિશનરે આજે રજૂ કરેલા બજેટમાં પીરાણા ડમ્પીંગ સાઇટ કેપીંગ પ્રોજેકટ માટે રૂ.૩૦૦ કરોડની ફાળવણી કરાઇ હોવાનું જણાવતાં કહ્યું કે, આ પ્રોજેકટ અંતર્ગત વધુ રકમની જોગવાઇ કરાઇ છે કારણ કે, આ સમસ્યા વધુ ગંભીર અને ચિંતાજનક બની છે ત્યારે તેનું આ તબકકે વેળાસર નિવારણ કરવું જરૂરી બની ગયું છે. અન્યથા ભવિષ્યમાં આર્થિક બોજ વધવાની સાથે શહેરીજનોના આરોગ્ય અને સ્વાસ્થ્ય પર સીધી અસર થવાની દહેશત છે, તેથી તેનું નિવારણ કરવું જ રહ્યું. મ્યુનિસિપલ કમિશનર નહેરાએ વધુમાં જણાવ્યું કે, પીરાણાની ડમ્પીંગ સાઇટ ખાતે શહેરભરનો કચરો મોટા મોટા ડમ્પરો દ્વારા વર્ષોથી ઠલવાઇ રહ્યો છે, જેના કારણે આજે કચરાના આ ઢગની ઉંચાઇ ૧૭૦ ફુટને પણ આંબી ગઇ છે. આ સંજોગોમાં ગંદકી અને પ્રદૂષણની સાથે સાથે સમગ્ર વિસ્તાર અને આસપાસના વિસ્તારમાં હવાનું પ્રદૂષણ હવે ચિંતાજનક હદે વધી રહ્યું છે. આ સમસ્યાનું આજે નહી તો, કાલે પણ નિવારણ કરવું જ પડશે અને ત્યારે કદાચ બહુ મોડું થઇ ગયું હશે. જો વર્ષો બાદ તે અંગે પગલા લેવાય તો શકય છે કે, તેના નિવારણમાં બહુ મોટો આર્થિક ખર્ચો આવે અને સાથે સાથે લોકોના આરોગ્ય પર પણ તેની માઠી અસરો પડે તેવી દહેશત છે. તેથી આ બજેટમાં અમે પીરાણા ડમ્પીંગ સાઇટની સમસ્યાના નિવારણ માટે પ્રાધાન્યતા માટે આ પ્રોજેકટ અંતર્ગત રૂ.૩૦૦ કરોડની જોગવાઇ કરી છે. જેને પગલે પીરાણા ડમ્પીંગ સાઇટ કેપીંગ પ્રોજેકટ હાથ ધરી આ સમસ્યાનું કાયમી નિવારણ લાવવાની દિશામાં પ્રયાસ કરાશે. જેનાથી દક્ષિણ વિસ્તારના લોકોને દુર્ગંધ અને હવાના પ્રદૂષણમાંથી મુકિત મળશે.

વોટર પ્રોજેકટના ચાલી રહેલા મુખ્ય કામો......

*   ૨૯ વોટર ડિસ્ટ્રીબ્યુશન સ્ટેશન, ઓવરહેડ વોટર ટેન્ક કામગીરી

*   ૧૩ વોટર ડિસ્ટ્રીબ્યુશન સ્ટેશનમાં ઓગમેન્ટેશનની કામગીરી

*   ૮૨ કરોડના ખર્ચે કોતરપુર ખાતે ૩૦૦ એમએલડીનો ડબલ્યુટીપી

*   ૧૫૮ કરોડના ખર્ચે ૨૩.૫૦ કિમીની મેઇન ટ્રન્ક વોટર લાઇન

*   ૧૩૧ કરોડના ખર્ચે વૈષ્ણોદેવી સર્કલથી સરખેજ સુધઈની મેઇન ટ્રન્ક લાઇન નાંખવાનું કામ

*   ૩૦ કરોડના ખર્ચે જાસપુર વોટર ટ્રીટમેન્ટ પ્લાન્ટ ખાતે નવા કલેરીફલોકયુલેટર બનાવવાનું આયોજન

*   થલતેજમાં ૩૨ કરોડ, નરોડામાં ૨૭ કરોડ, બોડકદેવમાં ૨૬ કરોડ અને સાબરમતીમાં ૩૪ કરોડના ખર્ચે ડબલ્યુડીએસનું આયોજન કરાયું

ડ્રેનેજ પ્રોજેક્ટ આયોજન

અમદાવાદ,તા.૨૨ : બોક્ષ : ડ્રેનેજ પ્રોજેકટના મુખ્ય આયોજનો :-

*   ૧૨૦ કરોડના ખર્ચે પશ્ચિમ ઝોન વાડજથી મહાલક્ષ્મી સુધી માઇક્રોટનલીંગથી ડ્રેનેજ લાઇન નાંખવાનું કામ

*   ૪૨ કરોડના ખર્ચે નાના ચિલોડાથી ઓઢવ સુધી રીંગ રોડને સમાંતર સુએઝ ટ્રન્ક લાઇન

*   ૩૧ કરોડના ખર્ચે ડ્રેનેજ પમ્પીંગ સ્ટેશનના કામો

*   ૧૦૩ કરોડના ખર્ચે નારોલ રોડ પર કેડિલા બ્રીજથી કોઝી હોટલ સુધી ટ્રન્ક લાઇન

*   ૫૪ કરોડના ખર્ચે બાદરાબાદ, નરીમાનપુરા, સૈજપુરથી નરોડા પાટિયા ડ્રેનેજ લાઇન

*   ૪૫ કરોડના ખર્ચે ડફનાળા - ૨૫ એણએલડી

*   ૧૨ કરોડના ખર્ચે જુદા જુદા તળાવોમાં છ ટર્સરી ટ્રીટમેન્ટ પ્લાન્ટ

*   ૫૨ કરોડના ખર્ચે આશ્રમરોડ પર નવી રીલીફ લાઇન

*   સુએઝ ટ્રીટમેન્ટ પ્લાન્ટના કામોમાં રૂ.૪૧ કરોડના ખર્ચે શંકરભુવન -૨૫ એમએલડી

*   ૭૧ કરોડના ખર્ચે વિંઝોલ - ૩૫ એમએલડી

*   ૧૫૩ કરોડના ખર્ચે વિંઝોલ - ૧૦૦ એમએલડી

*   ૧૩ કરોડના ખર્ચે લાંભા તળાવ ખાતે પાંચ એમએલડી

*   ૧૫૨ કરોડના ખર્ચે પીરાણા ખાતે ૧૫૫ એમએલડી

 

 

(8:35 pm IST)
  • BJP ના ધારાસભ્યનું માથુ લાવોઃ લઇ જાવ ૫૦ લાખ : બસપાના પૂર્વ ધારાસભ્ય વિજય યાદવનું એલાનઃ માયાવતી વિષે જેમ તેમ બોલનાર સાધના સિંહનું કોઇ માથુ કાપીને લાવશે તો હું તેને ૫૦ લાખ આપીશઃ ભાજપે માયાવતી અને દેશની માફી માંગવી જોઇએ નહિતર અમે આંદોલન કરશું access_time 3:32 pm IST

  • પ્રયાગરાજના કુંભમેળામાં 'પોષ પૂર્ણિમા'ના પાવન પ્રસંગે 1 કરોડથી વધુ ભાવિકોએ લગાવી શ્રદ્ધાની ડૂબકી:કુંભ મેળાના આયોજક અધિકારી કિરણ આનંદે કહ્યું કે કુંભ મેળાના બીજા સ્નાન પર્વ પોષ પૂર્ણિમાના પ્રસંગે 1 કરોડ 7 લાખ લોકોએ સ્નાન કર્યું હતું access_time 1:13 am IST

  • રેલ્વેમાં મુસાફરી કરતી વખતે હવે નહી પડે મુશ્કેલી : વેઇટિંગ ટિકીટ હશે તો પણ મળશે કન્ફર્મ ટિકીટ: ભારતીય રેલવેના નિયમમાં મોટો ફેરફાર :હવે ટ્રેનમાં મુસાફરી કરતા RAC અને વેઇટિંગ ટિકિટ ગ્રાહકોને કન્ફર્મ ટિકિટ સરળતાથી મળશે:રેલવેએ નવી સેવા શરૂ કરી:રેલવેએ દેશભરના ટિકિટ ચેકરોને એક ટેબલેટ આપ્યું :હવે ચાલતી ટ્રેનમાં સીટની ઉપલબ્ધતાને જોઇને રિયલ ટાઇમ બેસિસ પર જાણકારી અપડેટ કરી શકશે access_time 12:55 am IST