Gujarati News

Gujarati News

News of Tuesday, 22nd January 2019

શહેરમાં ત્રણ જ વર્ષમાં ૩૦ હજાર ઇ-રિક્ષા.....

અમદાવાદ. તા. ૨૨ : મ્યુનિસિપલ કમિશનરે વિજય નહેરાએ જણાવ્યું હતું કે, શહેરમાં પર્યાવરણ અને હવાની શુધ્ધતાની બાબતમાં અમ્યુકો બહુ ગંભીર છે અને તેની અમલવારની ભાગરૂપે ઇલેક્ટ્રીક મોબીલીટીની સાથે આગામી ત્રણ વર્ષમાં ૩૦ હજાર ઇ-રીક્ષાનો પાયલોટ પ્રોજેકટ પણ અમલી બનાવાશે. જે અંતર્ગત આરટીઓથી બીઆરટીએસ માટે ઇ-રીક્ષા માટે વર્ક ઓર્ડરની કામગીરી હાથ ધરાશે. એપ્રિલ-૨૦૧૯ સુધીમાં પ્રાથમિક તબક્કે ૧૫૦ ઇલેક્ટ્રીક રીક્ષા દોડાવવામાં આવશે. ત્યારબાદ ડિસેમ્બર-૨૦૧૯ સુધીમાં વધારાની બે હજાર ઇલેકટ્રીક રીક્ષા દોડાવાશે. એ પછીના બે વર્ષમાં ૩૦ હજાર ઇ-રીક્ષાઓ શહેરના માર્ગો પર દોડતી થશે. જેને લઇ શહેરમાં ટ્રાફિક, પ્રદૂષણ, પાર્કિંગ, હવાની ગુણવત્તા, પર્યાવરણ સહિતના અનેક પ્રશ્નોના નિરાકરણમાં બહુ મોટી મદદ મળશે. ઇ-રીક્ષાના કન્સેપ્ટને લઇ ટ્રાફિક પોલીસની મદદથી શહેરના ઓટોરીક્ષાચાલકોને પણ આ હકારાત્મક પાયલોટ પ્રોજેકટમાં જાગૃત કરી સામેલ કરાશે.  આ સિવાય રૂટીન ઓટોરીક્ષા માટે જુદા જુદા ઝોનમાં રીક્ષા પાર્કિંગના બોર્ડ સાથેના ઓન સ્ટ્રીટ રીક્ષા પાર્કિંગ સ્ટેન્ડ પણ ઉભા કરવામાં આવશે.

(8:31 pm IST)
  • ભુવનેશ્વરમાં ભાજપની મહિલા કાર્યકર્તા અને પોલીસ વચ્ચે ઘર્ષણ :ઓડિશાની રાજધાની ભુવનેશ્વરમાં ભાજપની મહિલા મોરચાની કાર્યકર્તા અને પોલીસ વચ્ચે મારામારી :એક વાયરલ વીડિયોમાં બંને પક્ષો વચ્ચે છૂટ્ટા હાથની મારામારી :પિપિલી ગેંગરેપ અને હત્યા કેસ મામલે વિરોધ પ્રદર્શન વેળાએ ઘર્ષણ access_time 12:53 am IST

  • cctv વિડીયો ફૂટેજ : સલામ છે આ ટ્રક દ્રાઈવરની ગૌ ભક્તિને : જૂનાગઢ - મેંદરડા હાઇવે પર ખોડીયારના પાટિયા પાસે એક ગાય રોડ પર જતી હતી અને સામેથી પુરપાટ આવતા એક ટ્રકે એવું કંઈક કર્યું જે ત્યાં લાગેલા એક cctvમાં કેદ થઈ ગયું : આ cctv ફૂટેજ કોઈ બોલિવુડ ફિલ્મના સીનથી ઓછો ઉતરે તેમ નથી : રસ્તે ચાલતી ગાયને બચાવવા, પોતાના જીવના જોખમે, ટ્રક દ્રાઈવરે એટલી જોશથી બ્રેક મારી હતી કે ટ્રક આખો 360 ડિગ્રીએ ફરી ગયો હતો : (વિડીયો - સ્પીડ રિપોર્ટ) access_time 2:02 pm IST

  • ઉત્તર ભારતમાં કેટલાય સ્થળોએ ભારે બરફવર્ષા :જમ્મુ કાશ્મીરમાં હિમપ્રપાતમાં બે લોકોના મોત : હિમાચલ પ્રદેશના સિમલા,મનાલી,કુફરી જેવા પર્યટન સ્થળોએ બરફવર્ષા : ઉત્તરાખંડમાં સિઝનનો સૌથી હિમપાત :દિલ્હીમાં કાતિલ ઠંડીમાં જનજીવન ઠુંઠવાયું : ટ્રેન અને વિમાનો મોડાં access_time 1:22 am IST