Gujarati News

Gujarati News

News of Tuesday, 22nd January 2019

વડતાલના સ્વામિનારાયણ મંદિરમાં પોષી પૂનમના દિવસે દર્શનાર્થી મહિલાના 1.27 લાખ ભરેલ પર્સની ઉઠાંતરી

વડતાલ: શહેરના સ્વામિનારાયણ મંદિરમાં દર્શનાર્થીઓની ભારે ભીડ હતી. આ ભીડનો લાભ લઈ કોઈ ગઠીયો મહિલાના થેલામાં મૂકેલ ૧.૨૭ લાખની મત્તાનું પાકીટ ચોરી કરીને ફરાર થઈ જતાં ચકચાર મચી જવા પામી છે. 

પોલીસ સૂત્રોમાંથી મળેલ વિગત મુજબ અમદાવાદ નરોડામાં રહેતા રાજેશ્વરીબેન ઉમેદભાઈ રાઘવાણી (ઠક્કર) આજે પોષી પૂનમ હોઈ વડતાલ સ્વામિનારાયણ મંદિરના દર્શન કરવા આવ્યા હતા. આ દરમિયાન મંદિરના પરિસરમાં યાત્રિકોની ભીડનો લાભ ઉઠાવી કોઈ ગઠીયો રાજેશ્વરીબેનના ખભે ભરાવેલા થેલામાં મૂકેલુ કાળુ પાકીટ ચોરી ગયો હતા. આ પાકીટમાં બે તોલા સોનાનું મંગળ સૂત્ર રૂપિયા ૩૦,૦૦૦, સોનાની છ બંગડીઓ, રૂપિયા ૯૦૦૦૦ ચાંદીનો ચીપીયો (હેરપીન) તેમજ રોકડા રૂ.૭૦૦૦ મળી કુલ રૂપિયા ૧,૨૭,૦૦૦ની મતા ચોરી ગયા હતા. 

આ બનાવ અંગે રાજેશ્વરીબેન ઉમેદભાઈ વાઘવાણીની ફરિયાદ આધારે ચકલાસી પોલીસે ગુનો નોંધી કાયદેસર કાર્યવાહી હાથ ધરી છે.

(5:46 pm IST)
  • વીજ મીટરના ભાડા ઉપર લેવાતો ૧૮ ટકા જીએસટી રદ્દઃ હાઇકોર્ટનો ચૂકાદો : જોકે આ વર્ષથી આખા ગુજરાતમાં વીજતંત્રે મીટરનું ભાડુ લેવાનું બંધ કરી દીધુ છે : ટોચના અધિકારીઓએ આપેલો નિર્દેશ access_time 4:15 pm IST

  • જેતપુરમાં એક્ટિવા સવાર કોલેજની વિદ્યાર્થિનીનું ટ્રક અડેફેટે કરૂણમોત : જુનાગઢ રોડ પર એક્ટિવા લઇને જતી વિદ્યાર્થીનીને ટ્રકે અડફેટે લેતાઘટના સ્થળે જ મોત : બંશી નામની વિદ્યાર્થીનીના જન્મ દિવસે જ મોત થતા જન્મદિવસની ઉજવણી માતમમાં બદલાઈ access_time 1:01 am IST

  • રાજ્યમાં પબજી ગેમ પર લગાવાયો પ્રતિબંધ : રાજ્યના શિક્ષણ વિભાગ દ્વારા પરિપત્ર જાહેર : શિક્ષકોએ આ મામલે બાળકોને સમજાવી જાગૃત કરવા આદેશ access_time 12:07 am IST