Gujarati News

Gujarati News

News of Tuesday, 22nd January 2019

તારાપુરમાં અગાઉના ઝઘડાની અદાવત રાખી શખ્સને લાકડીથી માર મારતા મામલો બિચક્યો

તારાપુર: શહેરના ખ્રિસ્તી મહોલ્લામાં રહેતા પ્રેયશકુમારના પિતા કાંતિલાલ ચૌહાણ સાથે ગત ૧૪મી તારીખના રોજ રાત્રીના સાડા દશેક વાગ્યાના સુમારે નજીકમાં જ રહેતા જીગ્નેશકુમાર જોસેફભાઈ ચૌહાણ, પ્રેયરશન તથા જેમ્સ દ્વારા અગાઉના ઝઘડાની રીસ રાખીને ગમે તેવી ગાળો બોલવાનું ચાલુ કર્યું હતુ જેથી પ્રેયશકુમારે ગાળો બોલવાની ના પાડતાં જીગ્નેશકુમાર અને પ્રેયરશને કાંતિલાલભાઈને લાકડાના ડંડાથી માર માર્યો હતો. પ્રેયશકુમારની માતા વચ્ચે પડતાં તેમને પણ જેમ્સે લાકડાના ડંડાથી માર માર્યો હતો. 

દરમ્યાન ત્રણેયનું ઉપરાણું લઈને કનુભાઈ દાનાભાઈ ચૌહાણ અને જ્યોર્જ યાકુબભાઈ ચૌહાણ આવી ચઢ્યા હતા અને કાંતિભાઈ તથા તેમના પત્નીને ગડદાપાટુનો માર માર્યો હતો અને ઘરમાં પ્રવેશ કરી તેમજ બહાર મૂકેલા વાહનોની તોડફોડ કરીને જાનથી મારી નાંખવાની ધમકી આપી હતી. આ અંગે તારાપુર પોલીસે પાંચેય વિરૂધ્ધ ગુનો દાખલ કરીને કાર્યવાહી હાથ ઘરી છે. 

(5:48 pm IST)
  • બિહારની બેટીએ અમેરિકામાં ગીતા સાથે લીધા સેનેટર તરીકે શપથ: જય હિંદનો સૂત્રોચ્ચાર કર્યા : બિહારના મુંગેરમાં જન્મેલી મોના દાસ પ્રથમ પ્રયાસમાં અમેરિકામાં વોશિંગ્ટન રાજ્યના 47માં જિલ્લાની સેનેટર બની : ડેમોક્રેટિક પાર્ટીની સભ્ય મોનાએ અમેરિકા સીનેટમાં હિંદૂ ધર્મગ્રંથ ગીતાની સાથે તેના પદની શપથ ગ્રહણ કર્યા હતા access_time 1:13 am IST

  • ભુવનેશ્વરમાં ભાજપની મહિલા કાર્યકર્તા અને પોલીસ વચ્ચે ઘર્ષણ :ઓડિશાની રાજધાની ભુવનેશ્વરમાં ભાજપની મહિલા મોરચાની કાર્યકર્તા અને પોલીસ વચ્ચે મારામારી :એક વાયરલ વીડિયોમાં બંને પક્ષો વચ્ચે છૂટ્ટા હાથની મારામારી :પિપિલી ગેંગરેપ અને હત્યા કેસ મામલે વિરોધ પ્રદર્શન વેળાએ ઘર્ષણ access_time 12:53 am IST

  • અમદાવાદમાં પ્રદુષણ વધ્યુઃ આંક ૩૦૭ નોંધાયોઃ ''ખુબ જ ખરાબ'' શ્રેણી અમદાવાદમાં પ્રદુષણ આંક ૩૦૭ નોંધાતા ''ખુબ જ ખરાબ'' ની શ્રેણીમાં આવી ગયુ છે. શહેરના નવરંગપુરા, રખીયાલ અને ચાંદખેડામાં પરિસ્થિતી સૌથી ખરાબ છે access_time 3:32 pm IST