Gujarati News

Gujarati News

News of Tuesday, 22nd January 2019

અંકલેશ્વરમાં માતાની હત્યાના આરોપી પુત્રની ધરપકડ

સમાન ખરીદવા આપેલ રૂપિયા પાછા માંગતા પુત્રએ છરીના ઘા ઝીકી હત્યા કરી હતી

અંકલેશ્વર રાજપીપલા રોડ પર આવેલ મીરા નગર વિસ્તારમાં માતાએ સામન ખરીદવા માટે આપેલા 3000 રૂપિયા પરત માંગતા પુત્રએ ચપ્પુ નાં ઘા મારી માતાની કરપીણ હત્યા કરી ફરાર થઇ ગયેલા હત્યારા પુત્રને પોલીસે ઝડપી લીધો હતો.

 આ અંગેની વિગત મુજબ અંકલેશ્વરની મીરા નગર વિસ્તારમાં રહેતા તુલસાબાઈ બાબુ શિરાલે તેમના બે પુત્રો સાથે રહે છે.તેમનો નાનો પુત્ર ૨૧ વર્ષીય રાજેશ બાબુ શિરાલેને તેની માતાએ ઘરનો સમાન ખરીદવા માટે રૂપિયા ૩૦૦૦ આપ્યા હતા.આ રૂપિયા માતા તુલસાબાઈએ પુત્ર રાજેશ પાસે પરત માંગતા રાજેશ ઉશ્કેરાઈ ગયો હતો અને માતા પર ઉપરાછાપરી ચપ્પુના ઘા ઝીંકીને ફરાર થઈ ગયો હતો.

  પુત્ર દ્વારા મરાયેલા ઉપરાચાપરી ચપ્પુના ઘાને પગલે તુલસાબાઈને ગંભીર ઇજા પહોંચતા તાત્કાલિક સારવાર અર્થે જયાબેન મોદી હોસ્પિટલ ખાતે ખસેડતા ૫૪ વર્ષીય તુલસાબાઈને સારવાર મળે તે પહેલા મોત નિપજ્યું હતું.

  આ ઘટનાની જાણ અંકલેશ્વર જીઆઇડીસી પોલીસે ફરાર રાજેશની ધરપકડ માટેનાં ચક્રો ગતિમાન કર્યા હતા. જેમાં ગણતરીના કલાકોમાં પોલીસે આરોપી પુત્રની ધરપકડ કરીને વધુ તપાસ શરૂ કરી હતી.

 

(7:19 pm IST)
  • રેલ્વેમાં મુસાફરી કરતી વખતે હવે નહી પડે મુશ્કેલી : વેઇટિંગ ટિકીટ હશે તો પણ મળશે કન્ફર્મ ટિકીટ: ભારતીય રેલવેના નિયમમાં મોટો ફેરફાર :હવે ટ્રેનમાં મુસાફરી કરતા RAC અને વેઇટિંગ ટિકિટ ગ્રાહકોને કન્ફર્મ ટિકિટ સરળતાથી મળશે:રેલવેએ નવી સેવા શરૂ કરી:રેલવેએ દેશભરના ટિકિટ ચેકરોને એક ટેબલેટ આપ્યું :હવે ચાલતી ટ્રેનમાં સીટની ઉપલબ્ધતાને જોઇને રિયલ ટાઇમ બેસિસ પર જાણકારી અપડેટ કરી શકશે access_time 12:55 am IST

  • અમદાવાદમાં પ્રદુષણ વધ્યુઃ આંક ૩૦૭ નોંધાયોઃ ''ખુબ જ ખરાબ'' શ્રેણી અમદાવાદમાં પ્રદુષણ આંક ૩૦૭ નોંધાતા ''ખુબ જ ખરાબ'' ની શ્રેણીમાં આવી ગયુ છે. શહેરના નવરંગપુરા, રખીયાલ અને ચાંદખેડામાં પરિસ્થિતી સૌથી ખરાબ છે access_time 3:32 pm IST

  • લોકસભાની ચૂંટણી માટે ભાજપે તમામ વિમાન અને હેલીકૉપટર બુક કરાવી લીધા :કોંગ્રેસને કરવો પડે છે સંઘર્ષ :કોંગ્રેસના નેતા આનંદ શર્માએ કહ્યું કે ભાજપે ચૂંટણી માટે તમામ વિમાનો અને હેલીકૉપટરનું બુકીંગ કરાવી લેતા કોંગ્રેસ વિમાન અને હેલીકૉપટર મેળવવા માટે સંઘર્ષ કરી રહી છે access_time 1:18 am IST