Gujarati News

Gujarati News

News of Saturday, 21st November 2020

વડોદરામાં રસોડામાં ચોખાના ડબ્બામાં સંતાડેલી પિસ્તોલ સહીત કારતુસ સાથે પોલીસે બે આરોપીને ઝડપી પાડ્યા

વડોદરા: શહેરના મકરપુરા વિસ્તારના  પવન નગરમાં આવેલ મકાનમાં ક્રાઇમ બ્રાન્ચે દરોડો પાડી રસોડામાં ચોખાના ડબ્બામાં સંતાડેલા દેશી તમંચો  અને ત્રણ જીવતા કારતૂસ સાથે એક શખ્સને ઝડપી પાડી કાયદેસરની કાર્યવાહી હાથ ધરી હતી.

અત્રે ઉલ્લેખનીય છે કે આ તમંચો તેણે કોની પાસેથી મેળવ્યો અને શું ઉપયોગ કરવાનો હતો. તે દિશામાં આરોપીના રિમાન્ડની તજવીજ હાથ ધરી હોવાનું જાણવા મળ્યું હતું.

ક્રાઈમ બ્રાંચ પોલીસ મથકના જવાનો પેટ્રોલિંગમાં હતા. તે દરમિયાન ચોક્કસ માહિતી મળી હતી કે મકરપુરા જીઆઇડીસીથી અલ્વા નાકા તરફ જવાના રસ્તા પર આવેલ પવન નગરમાં રહેતો મહંમદહાસીમ શેખે ગુનાઈત કૃત્ય આચરવા પોતાની પાસે એક તમંચો રાખ્યો છે અને હાલમાં તે પોતાના ઘરે હાજર છે. 

ઉક્ત માહિતીના આધારે પોલીસે દરોડો પાડી મહંમદ હાસીમને ઝડપી પાડ્યો હતો. આ દરમિયાન પોલીસે તેના ઘરમાં રસોડામાં મુકેલ ચોખાના ડબ્બાની તલાશી લેતા તેમાંથી દેશી બનાવટનો તમંચો અને ત્રણ જીવતા કારતૂસ મળી આવ્યા હતા. 

(5:09 pm IST)
  • સાઉથ આફ્રિકાનો એક ખેલાડી કોરોનાથી સંક્રમિત : ઇંગ્લેન્ડ વિરુદ્ધ મર્યાદિત ઓવરોની સિરિઝ પહેલા સાઉથ આફ્રિકા ક્રિકેટ ટીમના ત્રણ ખેલાડીઓ આઇસોલેશન પર access_time 3:44 pm IST

  • દેશમાં કોરોનાના નવા કેસ કરતા સ્વસ્થ થનારની સંખ્યામાં એકધારો વધારો :એક્ટિવ કેસમાં સતત ઘટાડો :રાત્રે 12 વાગ્યા સુધીમાં કોરોનાના નવા 45,877 કેસ નોંધાયા :કુલ કેસનો આંકડો 90,50,212 થયો :એક્ટીવ કેસ ઘટીને 4,39,839 થયા:વધુ 48,560 દર્દીઓ સ્વસ્થ થતા કુલ 84,75,576 રિકવર થયા :વધુ 559 લોકોના મોત સાથે કુલ મૃત્યુઆંક 1,32,761 થયો access_time 1:06 am IST

  • કોરોના મહામારી કરતા પણ ભારતમાં ધાર્મિક કટ્ટરતા અને ઉગ્ર રાષ્ટ્રવાદ વધુ ખતરનાક છે : કોંગી અગ્રણી શશી થરૂરના પુસ્તક ' ધ બેટલ ઓફ બીલોગિંગ ' ના લોન્ચિંગ પ્રસંગે પૂર્વ ઉપરાષ્ટ્રપતિ હમીદ અંસારીનું વિવાદાસ્પદ વિધાન : આ અગાઉ દેશમાં મુસ્લિમો અસુરક્ષિત હોવાનું બયાન કર્યું હતું : આંતર રાષ્ટ્રીય યોગ દિવસના કાર્યક્રમમાં પણ ભાગ લીધો નહોતો access_time 12:14 pm IST