Gujarati News

Gujarati News

News of Saturday, 21st November 2020

રાજપીપળા સિંધીવાડમાં થયેલા ધીંગાણા માં સામ સામી ફરિયાદમાં ૧૧ વિરુદ્ધ ગુનો નોંધાયો.

બંદૂક,તલવાર,તીર,ધારીયુ જેવા મારક હથિયારો વડે હુમલો થયો હોવાની ફરિયાદ થતા પોલીસે ગુનો દાખલ કરી તપાસ હાથ ધરી

(ભરત શાહ દ્વારા) રાજપીપળા : રાજપીપળા ના સિંધીવાડ વિસ્તારમાં એકજ કોમના બે પરિવારો વચ્ચે થયેલી મારામારીમાં સામ સામી ફરિયાદ થઈ છે જેમાં ચારીનખાન મહેમુદખાન પઠાણએ આપેલી ફરિયાદ મુજબ તેમના પિતા મહેબુબ ખાન પઠાણ ત્યાંથી પસાર થતા હતા તે સમયે ઈમ્તિયાઝ અજીજ શેખ કુતરાને પથ્થર મારતા આ પથ્થર ફરીયાદીના પિતાને માથામાં વાગી જતા બંન્ને પક્ષે ઝઘડો થયેલ જેમા સમાધાન કર્યું હતું જે ઝધડાની રીસ રાખી ફરીયાદીના ભત્રીજા અસ્લમ ખાન અલીખાન પઠાણ બંદુક જમા કરાવવા માટે જબાર ખાન મહેમુદખાન પઠાણ સાથે જતા હતા તે દરમ્યાન હસનભાઈ અજીજ શેખ ઈમ્તિયાઝ અજીજ શેખ,હમીદ અજીજ શેખ,અલ્લારખા નજીર મીયા શેખ, મુન્નીબેન શેખ અને શાબેરાબાનું શેખ તમામ રહે.સીધીવાડ એકસંપ કરી અસ્લમ અલીખાન પાસેની બંદુક ખુચવવાની કોશીષ કરતા સહેજાદખાન બંદુક લેવા જતા આરોપી ઓએ હથિયારો વડે હુમલો કરતા ફરીયાદી વચ્ચે પડતા હસન અજીજ શેખે ધારીયુ મારી ગંભીર ઇજા કરી હમીદ અજીજ શેખે તલવાર મારી,મારી નાખવાના ઇરાદા સાથે માથામાં ગંભીર જીવલેણ ઇજા કરી તેમજ સહેજાન પાસેથી બંદુક છીનવી તોડી નાખી અલ્લારખા શેખે તીર ધારણ કરી ઇજા કરી ઇતીયાઝ અજીજ શેખે સહેજાદ ખાન ને લાકડીથી સપાટા મારી ગભીર ઇજા કરી ગુન્હો કર્યો હતો.

જ્યારે આ ધીંગાણા માં ક્રોસ ફરિયાદ આપનાર સાહેરા બાનુ અબ્દુલ હુશેન શેખની ફરિયાદ મુજબ એકાદ વર્ષ ઉપર યારીનખાનના પિતાજી મહેમુદખાન પઠાણ તેમના ધર પાસેથી પસાર થતા હતા તે સમયે ઇસ્તીયાઝ અજીજ શેખે કુતરાને પથ્થર મારતા તે પથ્થર ઉછળીને મહેમુદ ખાન પઠાણને વાગી જતા જેતે વખતે ઝઘડો થયેલ તેની રીસ રાખી જબાર મહેમુદખાન પઠાણ,વાહીયાખાન મહેમુદખાન પઠાણ, સહેજાનખાન અનવરહુશેન સૈયદ, અલીખાન મહેમુદખાન પઠાણ, અસલમ ખાન અલીખાન પઠાણ તમામ રહે.રાજપીપલા સીંધીવાડ નાઓ એક સંપ થઇ આવી જેમાં સહેજાનખાન અનવરહુશેન સૈયદ બંદુક લઇ આવી ઇસ્તીયાઝભાઇ અબ્દુલલતીફ શેખની સાથે જઘડો કરી ગાળા-ગાળી કરતા ફરિયાદી સમજાવવા જતા સહેજાનખાન એ બંદુકનો બટનો ભાગ ફરીયાદીને મારી ગુનો કર્યો હોય રાજપીપળા પોલીસે બંને પક્ષની ફરિયાદ બાદ કુલ 11 વિરુદ્ધ ગુનો દાખલ કરી તપાસ હાથ ધરી છે.

(11:48 pm IST)
  • દેશમાં કોરોનાના નવા કેસ કરતા સ્વસ્થ થનારની સંખ્યામાં એકધારો વધારો :એક્ટિવ કેસમાં સતત ઘટાડો :રાત્રે 12 વાગ્યા સુધીમાં કોરોનાના નવા 45,877 કેસ નોંધાયા :કુલ કેસનો આંકડો 90,50,212 થયો :એક્ટીવ કેસ ઘટીને 4,39,839 થયા:વધુ 48,560 દર્દીઓ સ્વસ્થ થતા કુલ 84,75,576 રિકવર થયા :વધુ 559 લોકોના મોત સાથે કુલ મૃત્યુઆંક 1,32,761 થયો access_time 1:06 am IST

  • એક લેબ્રાડોર ડોગ, અને બે માલીક, હવે પોલીસ કરાવશે શ્વાનનો DNA ટેસ્ટ : હોશંગાબાદમાં એક લેબ્રા ડોગ પર બે લોકોએ માલિકી હક્ક બતાવ્યો :મામલો વધુ બિચકાતા પોલીસ મથકે પહોંચ્યો : બંને પક્ષોએ પોતાની તરફેણમાં કેટલાક દસ્તાવેજો પણ રજૂ કરતા પોલીસ પણ ચકરાવે ચડી : હવે પોલીસ કરાવશે શ્વાનનો DNA ટેસ્ટ access_time 12:52 am IST

  • કોરોનાનું હોટસ્પોટ બની ગયેલા ભુજમાં કોરોના સંક્રમણ અટકાવવા માટે તંત્ર એક્શનમાં મોડમાં : ભુજ શહેર અને તાલુકામાં કોવિડ ગાઈડલાઈનની અમલવારી માટે ટિમોની રચના :ભુજના 12 વોર્ડ માટે 4 અને તાલુકા માટે બે ટીમોની થઈ રચના:મદદનીશ કલેક્ટર અને ભુજ પ્રાંત અધિકારી મનીષ ગુરવાણીએ કર્યો હુકમ access_time 11:19 pm IST