Gujarati News

Gujarati News

News of Monday, 21st September 2020

અમદાવાદમાં મનપાની આકરી કાર્યવાહી: સાત એકમોને સીલ કર્યા :785 કેસ કરીને દંડ વસૂલ્યો

માસ્ક ન પહેરવા તથા સોશિયલ ડિસ્ટન્સિંગના ભંગ બદલ દંડ ફટકારાયો

અમદાવાદઃ અમદાવાદ શહેરમાં કોવિડ 19ની ગાઇડલાઇનનો ભંગ કરવા બદલ અમદાવાદ મ્યુનિ. કોર્પોરેશનના સોલીડ વેસ્ટ મેનેજમેન્ટ વિભાગે સાત એકમોને સીલ કર્યા છે સાથોસાથ 785 કેસો કરીને 7,85,000નો દંડ વસૂલ કર્યો છે.

  શહેરમાં કોરોનાના વધતાં જતાં કેસોને ડામવા માટે સરકાર તરફથી જાહેરનામું બહાર પાડવામાં આવ્યું છે. જે મુજબ જાહેરમાં માસ્ક પહેરવું અને સોશfયલ ડિસ્ટન્સનું પાલન કરવું ફરજિયાત છે. શહેરીજનોને આ બાબતે સમજ આપવા અને જાહેરનામાનો અસરકારક અમલ કરાવવા માટે 7 ઝોનમાં 48 વોર્ડમાં સોલીડ વેસ્ટ મેનેજમેન્ટ વિભાગની કુલ 192 જેટલી ટીમો કાર્યરત કરવામાં આવી છે

આ ટીમોએ દૈનિક ધોરણે તેમ જ શનિવાર અને રવિવારની રજાઓમાં મોડીરાત સુધી ચેકીંગની કામગીરી હાથ ધરી હતી. આ કામગીરી દરમિયાન માસ્ક ન પહેર્યુ હોય કે સોશિયલ ડીસ્ટન્સિંગનો અભાવ જોવા મળતો હોય તેવા એકમોને દંડ અને સીલ( Seal) કરવા સુધીની કાર્યવાહી કરવામાં આવી હતી. Seal

સોલીડ વેસ્ મેનેજમેન્ટ વિભાગ દ્રારા શહેરની હોટલો, રેસ્ટોરન્ટ, ફાસ્ટફુડ સેન્ટરો, શોપિંગ મોલ, શો રૂમો વગેરેમાં કોવીડ 19 માટે આપવામાં આવેલી SOPનું પાલન કરવામાં આવે છે કે નહીં તે માટે ચકાસણી કરવામાં આવી હતી. આ ચકાસણી દરમિયાન સાત એકમોને સીલ કરવામાં આવ્યા હતા.

આ ઉપરાંત સોશિયલ ડિસ્ટન્સિંગનું પાલન નહીં કરવા બદલ તેમ જ જાહેરમાં માસ્ક નહીં પહેરવા બદલ 785 કેસો કરીને એક હજાર લેખે 7,85,000નો દંડ વસૂલ કરવામાં આવ્યો હતો. જેમાં સૈથી વધુ કેસો દક્ષિણ પશ્ચિમ ઝોનમાં 366 કેસો કરીને 3,66,000 રૂપિયાનો દંડ વસૂલ કર્યો હતો.

(9:35 pm IST)
  • ભારત સાથે એલએસીના વધી રહેલા ઘર્ષણ વચ્ચે, ચીની સૈન્ય PLA દ્વારા એક અહેવાલ મુજબ 3 નવા મોરચા ભારત વિરુધ્ધ ખોલવામાં આવ્યા છે. દક્ષિણ ચીન સમુદ્રમાં કવાયત હાથ ધરવાની સાથે ચીની સૈન્યની પશ્ચિમી થિયેટર કમાન્ડ દ્વારા તાજેતરમાં ઝિંજિયાંગ અને તિબેટમાં પણ સૈન્યબળ વધારવામાં આવી રહયાનું જાણવા મળે છે. access_time 7:28 pm IST

  • સીબીઆઈ દ્વારા ડેરી - આઈક્રીમ નિર્માતા કંપની ક્વાલિટી લિમિટેડ અને તેના ડિરેક્ટર્સ પર 1,400 કરોડના બેંક ઓફ ઈન્ડિયા હેઠળ ના 10 બેન્કના કન્સોર્ટિયમ સાથે ફ્રોડનો કેસ કર્યો : સીબીઆઈએ સોમવારે દિલ્હી અને સહારનપુર, બુલંદશહેર (ઉત્તર પ્રદેશ), અજમેર (રાજસ્થાન), પલવાલ (હરિયાણા) સહિતના અનેક શહેરોમાં કંપની અને તેના ડિરેક્ટર સહિતના આઠ સ્થળો પર તલાશી શરૂ કરી access_time 11:19 pm IST

  • ભારત-ચીનના : કોર્પ્સ કમાન્ડર લેવલના લશ્કરના ઉચ્ચ અધિકારીઓ વચ્ચે સરહદ મડાગાંઠ બાબતે ૬ઠ્ઠા રાઉન્ડની મંત્રણા ચાલુ છે. access_time 4:00 pm IST