Gujarati News

Gujarati News

News of Monday, 21st September 2020

મેટ્રો સિટી જેવી જ પોલીસની શી ટીમ હવે વલસાડમાં પણ સક્રિય: મહિલાઓ, યુવતીઓની છેડતી કરતા રોડ રોમિયો પર શી ટીમ ત્રાટકશે

વલસાડ જિલ્લા પોલીસ વડા રાજદિપસિંહ ઝાલા ગુનેગારો પર લગામ લગાવા મેદાને

(કાર્તિક બાવીશી દ્વારા )વલસાડ શહેરમાં નાકા પર અડ્ડા પર ભેગા થઇ યુવતીઓની છેડતીના બનાવો વખતો વખત બનતા રહે છે. આવા બનાવો સામે અમદાવાદ જેવા મેટ્રોસિટીમાં પોલીસે શી ટીમ બનાવી છે. મેટ્રોસિટીના પાઇલોટ પ્રોજેક્ટને સફળતા મળતા હવે આવી ટીમ વલસાડ પોલીસે પણ બનાવી છે. જેઓ વલસાડમાં ફરશે અને મહિલાની છેડતી અટકાવવા રોડ રોમિયો પર ત્રાટકશે. તેમજ તેઓ વૃદ્ધોની પણ વ્હારે આવશે

  . વલસાડ જિલ્લા પોલીસ વડા ડો. રાજદિપસિંહ ઝાલાએ શી ટીમ સંદર્ભે માહિતી આપતા અકિલા સાથેની વાતચિતમાં જણાવ્યું કે, વલસાડમાં મહિલાઓની છેડતીને અટકાવવા શી ટીમ તૈયાર કરવામાં આવી છે. આ ટીમ રોડ પર ટોળુ વળી મહિલાઓની છેડતી કરતા યુવાનોને સબક શિખવાડશે. તેમજ તેઓ મહિલાઓ સાથે થતા અત્યાચારો સામે તેમને રક્ષણ આપવા હંમેશા સ્ટેન્ડ બાય રહેશે. આ સિવાય તેઓ વૃદ્ધોની સેવા અને સુરક્ષા માટે પણ ખડે પગે તૈનાત રહેશે. વલસાડમાં બનેલી શી ટીમ દ્વારા શહેરમાં રામવાડી વિસ્તારમાં આવેલી ઝુપડપટ્ટીમાં ગરીબોને અનાજ વિતરણ પણ કરાયું હતુ. તેમના દ્વારા રોડ રોમિયોને ડામવા સાથે સમાજ સેવાનું પણ કાર્ય કરવામાં આવશે

  . વધુમાં જિલ્લા પોલીસ વડાએ જણાવ્યું હતુ કે, શી ટીમ માટે ખાસ વાહનોની ફાળવણી કરવામાં આવી છે. તેમને એક જીપ પણ ફાળવાશે. જેઓ ઘટનાની જાણકારી મળતા તૂરંત ઘટના સ્થળે પહોંચી જશે. તેમજ આ ટીમને ખાસ ડ્રેસ ફાળવાશે. જેઓ નવા રૂપ રંગમાં જોવા મળશે. આ ટીમ સિટી પીઆઇ એચ. જે. ભટ્ટની આગેવાનીમાં જાંબાઝ મહિલા પીએસઆઇ એન. ટી. પુરાણી, એએસઆઇ મયુરીબેન બોરસે, પુનમબેન ચૌધરી કામગીરી બજાવશો જિલ્લા પોલીસ વડાની આ ટીમ આવારા તત્વોને ભો ભીતર કરશો

(6:49 pm IST)
  • ભારત સાથે એલએસીના વધી રહેલા ઘર્ષણ વચ્ચે, ચીની સૈન્ય PLA દ્વારા એક અહેવાલ મુજબ 3 નવા મોરચા ભારત વિરુધ્ધ ખોલવામાં આવ્યા છે. દક્ષિણ ચીન સમુદ્રમાં કવાયત હાથ ધરવાની સાથે ચીની સૈન્યની પશ્ચિમી થિયેટર કમાન્ડ દ્વારા તાજેતરમાં ઝિંજિયાંગ અને તિબેટમાં પણ સૈન્યબળ વધારવામાં આવી રહયાનું જાણવા મળે છે. access_time 7:28 pm IST

  • ચેન્નાઈને વધુ એક ફટકો : ડેવેન બ્રાવો ઈન્જર્ડ : આઈપીએલના પ્રથમ મેચમાં ચેન્નાઈએ મુંબઈને હરાવી જીતનું ખાતુ ખોલી નાખ્યું છેઃ ત્યારે ચેન્નાઈમાં સ્ટાર ખેલાડીઓ નથી. રૈના, હરભજન ટીમમાં નથીઃ ત્યારે ડેવેન બ્રાવો પણ ઈન્જર્ડ હોય અમુક મેચો રમી શકશે નહિ access_time 3:59 pm IST

  • રાજકોટ શહેર અને જિલ્લામાં એક તરફ કોરોના સંક્રમણની સ્થિતિ ચિંતાજનક છે. ત્યારે છેલ્લાં 15 દિવસના આંકડાઓએ આરોગ્ય તંત્રને રાહત આપી છે. છેલ્લાં 15 દિવસ દરમિયાન રીકવરી રેટ 53 ટકાથી વધીને 76 ટકા પર પહોંચ્યો છે તેમ શ્રી ગુપ્તાએ જણાવ્યુ હતું. access_time 7:28 pm IST