Gujarati News

Gujarati News

News of Monday, 21st September 2020

ઇડર તાલુકાના મુડેટીથી ગોરલ જતી વેળાએ બે બાઈક સામસામે અથડાતા સર્જાયેલ ગમખ્વાર અકસ્માતમાં બે ચાલકોના ઘટનાસ્થળેજ મૃત્યુ

ઇડર:તાલુકાના મુડેટીથી ગોરલ તરફ જતા રોડ પર શનિવારે સાંજે બે બાઈક સામસામે ધડાકાભેર અથડાતાંબંને બાઈક ચાલકોના શરીરના ભાગે ગંભીર ઇજાઓને લઇ ઘટના સ્થળ પર જ કરૂણ મોત નિપજ્યા હતા. આ ઘટના અંગે પોલીસે મૃતક બંને બાઈક ચાલક સામે અકસ્માતની ફરિયાદ નોંધી તપાસ હાથ ધરી છેમુડેટી ગામની સીમમાં ખેત મજુર તરીકે કામ કરતો મહેશભાઈ રણછોડભાઈ પાંડોર શનિવારે સાંજના સુમારે બાઈક પર સવાર થઇ ગોરલથી મુડેટી તરફ જવા માટે નિકળ્યો હતો તેવામાં સામેથી બાઈક લઇને આવતા અન્ય એક ખેત મજૂર પોપટભાઈ પ્રવિણભાઈ ડોડિયારની બાઈક સાથે ધડાકાભેર અકસ્માત થયો હતો. આ અકસ્માતમાં બંને બાઈક ચાલકોને શરીરના ભાગે ગંભીર ઇજાઓ પહોંચી હતી.

દરમિયાન અકસ્માતની જાણ થતાં આજુબાજુથી દોડી આવેલા લોકો પૈકી કોઇકે ૧૦૮ને જાણ કરતાં૧૦૮ની ટીમ પણ આવી પહોંચી હતી. જો કે ૧૦૮ ના સ્ટાફે ચકાસણી બાદ બંને ખેતમજુરોને મૃત જાહેર કર્યા હતા. ઘટના અંગે પોલીસને જાણ થતાં પોલીસે દોડી આવી પંચનામાની વીધિ બાદ બંને મૃતદેહને પી.એમ.માટે મોકલી આપ્યા હતા. મૃતક બંને બાઈક ચાલક પૈકી મહેશભાઈ પાંડોર ભિલોડા તાલુકાના બુધ રાસણ ગામના જ્યારે પોપટભાઈ ડોડિયાર ભિલોડા તાલુકાના પહાડિયા ગામના હોવાનું તથા બંને અંદરો-અંદર સગા-સંબંધી હોવાનું જાણવા મળેલ છે.

(6:01 pm IST)
  • કોરોનાના કહેર વચ્ચે નવા પોઝીટીવ કેસ કરતા સતત ત્રીજા દિવસે સ્વસ્થ થનારની સંખ્યા વધુ : રિકવરી રેઈટ 80 ટકા નજીક પહોંચ્યો : રાત્રે 11-30 વાગ્યા સુધીમાં નવા 82,559 પોઝીટીવ કેસ નોંધાયા : કુલ કેસનો આંક 54,80,779 થયો : 10.03,443 એક્ટીવ કેસ : વધુ 88,996 દર્દીઓ સાજા થતા કુલ 83,88,690 રિકવર થયા : વધુ 1093 લોકોના મોત સાથે મૃત્યુઆંક 87,867 થયો access_time 12:02 am IST

  • માંડવી તાલુકાના કોડાય ગામ પાસેથી રોયલ્ટી વગર રેતી (ખનીજ) ભરેલા બે ટ્રેકટર તથા એક હાઇવા ડમ્પર ઝડપી પાડતી લોકલ ક્રાઇમ બ્રાન્ચ પશ્ચિમ કચ્છ, ભુજ access_time 6:34 pm IST

  • મહેસાણાના કડી પોલીસ સ્ટેશન દારૂકાંડને કેસમાં મુખ્ય સૂત્રધાર તત્કાલિન PI ઓ.એમ.દેસાઇની ધરપકડ. અગાઉ 2 PSI સહિત કુલ 6ની ધરપકડ થઈ હતી. access_time 10:03 pm IST