Gujarati News

અરવલ્લી જિલ્લાના મોડાસામાં એસ.ટી.ના કર્મચારીઓ પર જિલ્લા ટ્રાફિક પોલીસની બાજ નજર જોવા મળી રહી છે. મોડાસા ડેપોમાંથી નીકળી મોડાસા-અમદાવાદ વાયા પુંસરી બસના ચાલક જગતસિંહ મકવાણા પણ આ ટ્રાફિકના નવા નિયમ કાયદાના સકંજામાં આવી ગયા હતા. મોડાસાથી અમદાવાદ વાયા પુંસરી બસ નં. GJ-18-Z-2583ના ચાલક કાયદાનું ઉલ્લઘન કરી સીટ બેલ્ટ બાંધ્યો ન હતો. જે પોલીસની નજરમાં આવતા જુના બસ સ્ટેન્ડ પોલીસ ચોકી પર તૈનાત પોલીસકર્મીએ બસ રોકી એસ.ટી. બસના ડ્રાઈવરને રૂપિયા ૫૦૦નો દંડ ફટકારી કાયદેસરની કાર્યવાહી હાથ ધરી હતી.

મહત્વની વાત એ છે કે, છેલ્લા કેટલાય સમયથી આ કાયદાનું પાલન ન કરનારાઓ પર પોલીસ કડક કાર્યવાહી કરી રહી છે અને તેમાંય ખાસ કરીને સરકારી ગાડી ચલાવતા ડ્રાઇવરો આ કાયદાનું બેફામ ઉલ્લંઘન કરી રહ્યા હતા, ત્યારે આવા કર્મચારીઓને પણ સકંજામાં કસવામાં આવી રહ્યા છે.